खाडी मुलुकबाट फर्किएर खरायो पालन सुरु गरेका चितवनका एक युवाको व्यवसाय फष्टाउँदै गएको छ । व्यवसायिक रुपमा नै खरायो पालनले राम्रै आम्दानी दिन थालेपछि अभिभावक पनि दंग परेका छन्
चितवन, कालिका नगरपालिकाको वडा नम्बर दुई पदमपुरका रवि श्रेष्ठले ५ वटा खरायोबाट डेढ वर्ष अघि खरायो पालन सुरु गरेका थिए । अहिले यिनको खोरमा खरायोको संख्या बढेर ४ सयभन्दा बढी छ । विहानदेखि बेलुकी अबेरसम्म खरायोकै रेखदेखमा दैनिकी बित्ने गरेका छन् । उसो त खरायो पालनले रवि श्रेष्ठको परिवारमा पनि खूशी देखिएको छ । यसअघि, तीन वर्ष कतार बसेर फर्र्किएका रविले पदमपुर चितवन ¥याविट फर्मको नाममा खरायो पालन सुरु गरेका हुन् ।
२८ वर्षका यी युवाले कुखुराको फर्मकै स्वरुपमा फर्म बनाएर खरायो पालन गरिरहेका छन् । खाडी मुलुकमा कमाउने पैसा खरायो बिक्री गरेरै नै कमाउन थालेपछि रविका परिवार समेत यो व्यवसाय प्रति सन्तुष्ट छन् । फर्ममा रहेका खरायोको रेखदेखिमा सिंगो परिवार नै जुट्ने गरेका छन् ।
प्रत्येक महिना उत्पादन दिने खरायोको विशेषता हो । उनको फर्ममा उत्पादन भएको खरायोलाई ¥याविट नेपाल नामको संस्थाले खरिद गरेर लैजाने गरेको छ । मासु प्रयोजनका लागि खरायोको माग बजारमा अत्याधिक रहेका फर्मका संचालक रवि श्रेष्ठले बताउनुभयो ।
यसरी व्यवस्थित रुपमा व्यवसायिक खरायो पाल्ने यिनी चितवनकै पहिलो कृषक हुन् । यिनको फर्ममा विभिन्न उमेरका क्यालिफोर्निया, न्यूजरल्याण्ड ह्वाइट र डच्च प्रजातिका खरायोहरु छन् । खरायोका लागि पाँच कट्ठा जग्गा भाडा लिएर घाँस खेती समेत गरिएको फर्मका संचालक श्रेष्ठले जानकारी दिनुभयो ।
News portal [ www.janatasamac... ]
Website [ janatanetwork.com/ ]
Facebook [ / janatasamachar ]
Twitter [ / janatasamachar ]
KZfaq [ / janatatelevisionn ]
Copyright © 2018 Janata Prasaran Tatha Prakashan Limited, All rights reserved