น้อมรับเสด็จ
สมเด็จพระเจ้าลูกเธอ เจ้าฟ้าสิริวัณณวรี นารีรัตนราชกัญญา
ณ หน้าหอพระกันทรวิชัยอภิสมัยธรรมนายก
มหาวิทยาลัยมหาสารคาม
#ขอพระองค์ทรงพระเจริญ
#ศิลป์อีสาน
#ธัมมัยศิลป์แคนวง
29/01/65
บรรเลงโดย นิสิตชั้นปีที่3 วิทยาลัยดุริยางคศิลป์ มหาวิทยาลัยมหาสารคาม
ฟ้อนฮับเสด็จเจ้าฟ้า
เนื้อเพลง
ทวยข้าว่าวอน ท้อนทอบคุสิริ วาระกาลอั่นวันนี้ มื่อดีจั่งนี่ได๋ว่า
ฮับเสด็จพระมิ่งแก้ว แก่นวงค์พระจักรา
มื่ออันผู้เทพท่อนไท้ เลาะเลียบกงโลกา
ทวยข้าจั่งได้มาพร้อม เฮียงฮ้อม มาแอะแอ่นฟ้อนเสพซ้องสลองสักการะ
แทบบาทบงส์พระทรงศรี ผู้สมอิตถีอั่นรัตตา
พระองค์ผู้ทรงเป็นมิ่งหล้า ….
เกล้ากระหม่อมน้อมว่า ถวายพระพร
….
กรกวยก่าย ไหว้เถิ่งเท่าหมู่เทพดา
ข้ายอกรกวยก่ายฟ้อนเข้าใส่จั่งหมายว่า
ขอจ่งมา เลื่อมกั้ง ยั้งอยู่ เป็นศรี
ขอว่ามาฮ้อมโฮมให้ เอ้พระพรชัยในวันนี่
ปุนแต่งแปงถ่วนสมควรที มื่อสันวันดี ข้าสิป่าว
ว่าเลาฮอดเท่าเถิงแถน พุ้นเยอ
เลาเทิงสิบหกชั้นฟ้า ฮอดเท่าสิบห้าชั้นธรณี
อัฐทิศมีในโขง…. เขตค่าย โตเพิ่งทั้งหลาย ขอมาฮ้อมไว้เอ้ให้เป็นศรี
คุสัพเทเวหิ จ่งมาปฏิฐิตา
ทวยข้าขอว่ามาแฝงเฝ้า .. ฟายฟ้อนตางเครื่องสัการะ
ให้จบจั่งดวงบุปผาสุคันธชาติดวง หอม พร้อม มวล .. ยิ่งแล้ว
ให้งามว่ายิ่งแล่ว จบลื่นขันแก้วทั้งปวง
ในกงโลกาก้วง อย่ามีได๋ได้เคิ่ง
แล้วยอกรเถิงเกิ่งขวัญ ว่าวันทนา น้อมกราบ
(แหล่)ขอ อาราธนาเชิญคุณพระศรีรัตนัตยังทั้งสามหน่วยแก้ว อันเลิศลื่นแล้ว กัวคุแนวในหล้า อันทวยข้าคนิงเถิง อั่นเป็นที่เพิ่งในห้วงสงสาร อันเป็นที่สักการยิ่งหยังทั้งปวง ในอสงไขยแสนก้วงยื่นยานยาวโยชน์
โผดมาเป็นจั่งพระพรชัย ให้ได้ยอยื่นถวายแก่พระองค์ผู้มิ่งหล้า ว่า
"เกล้ากระหม่อม ขอน้อมถวายพระพรชัยมงคล ขอฝ่าพระบาทจงทรงพระเกษมสำราญ
มีพระพลานามัยบรบูรณ์พูลพร้อม อีกนิรทุกขภัย โผยพระยาธิ์บาดฮ้ายอย่ากายมาใกล้ แลขอจงได้เจริญพระชันษายิ่งยืนนาน" เทอญ
ทวยผู้ข้า น้อมส่งพร น้อมส่งพร
ประพันธ์โดย ธีรวัฒน์ เจียงคำ