Қажылық парызын өтеуге барып, қайтыс болған 78 жастағы отандасымыз Мекке қаласында жерленетін болды. Еліміздің қажылық миссиясының баспасөз хатшысы Ағабек Қонарбайұлының айтуынша, Меккеде қажылық өтеу кезінде көз жұмғандардың барлығы сол елде жер қойнына тапсырылады.
Бірден айта кетейік, отандасымыздың қазасы жаппай тапталу фактісіне қатысы жоқ. Жамбыл облысының егде жастағы тұрғыны Мекке қаласының ауруханасына жүрек талмасымен түсіп, сонда қайтыс болды.
Ағабек Қонарбайұлы, ҚМДБ баспасөз бөлімінің меңгерушісі
-Осы жерде бір туысқаны бар екен. Сол туысқаны бар, елдегі қызы бар, сосын елдегі туған-туыстары бар. Қайтыс болған 78 жасар апаның қызының рұқсаты бойынша, ол Мекке қаласында жерленді.