#সুস্বাস্থ্যৰ বাবে সদায় ৰাতিপুৱা এগিলাচ কোমোৰাৰ ৰস খাওক
কোমোৰাৰ ৰস হৈছে এক স্বাস্থ্যকৰ, সতেজ, আৰু সুস্বাদু ৰসৰ , বিশেষকৈ ওজন কমোৱাৰ বাবে, গৰ্ভধাৰণ শক্তি খাদ্য হিচাপে, মধুমেহ, কেন্সাৰ ৰোগীৰ বাবে ই এক সৰ্বোত্তম খাদ্য। যিহেতু এই পাচলিবিধত এণ্টিঅক্সিডেণ্ট প্ৰচুৰ মাত্ৰ পোৱা যায় , ই গেষ্ট্ৰিক শ্লেষ্মাৰ ক্ষতি প্ৰতিহত কৰাত সহায় কৰে। ই এচিড ৰিফ্লাক্স চিণ্ড্ৰোম আৰু কোষ্ঠকাঠিন্যৰ চিকিৎসাত সহায় কৰে। ই চুম্বকৰ দৰে আমাৰ শৰীৰৰ বিষাক্ত পদাৰ্থ অৰ্থাৎ toxin ক টানি শৰীৰৰ পৰা বাহিৰলৈ উলিয়াই এনে। আৰু আমি সকলোৱে জানো, আমাৰ শৰীৰত toxin বা বিষাক্ত পদাৰ্থ নাথাকিলে আমাৰ শৰীৰত কোনো ৰোগেও বাস কৰিব নোৱাৰে।
কোমোৰাৰ ৰস প্ৰাকৃতিকভাবে শৰীৰৰ শীতলতা দিয়া আৰু শৰীৰক ডিটক্স কৰাৰ ভৰপূৰ ক্ষমতা থকা এক ৰস। ই আমাৰ শৰীৰৰ পৰা বছৰ পুৰণি আৱৰ্জনা উলিয়াই পঠিয়াই। গৰম আৰু আৰ্দ্ৰ ঋতুত ই এক তৃষ্ণা নিবাৰণ হিচাপে কাম কৰে আৰু দৈনিক খালী পেটত খালে বহুতো স্বাস্থ্যৰ উপকাৰিতা পোৱা যায়। কোমোৰাৰ ৰসত কেলৰি আৰু চৰ্বিৰ পৰিমাণ কম আৰু লগতে ইয়াত থকা নিম্নতম কাৰ্বোহাইড্ৰেট, ভিটামিনৰ উৎকৃষ্ট উৎস হোৱাৰ হেতুকে ওজন হ্ৰাসৰ বাবেও ই এক আদৰ্শ ৰস হৈ উঠে। এই ফলবিধে বিভিন্ন স্বাস্থ্যৰ উপকাৰীতা প্ৰদান কৰে আৰু ইযাক বহু শতাব্দী ধৰি পৰম্পৰাগত চীন আৰু আয়ুৰ্বেদিক ঔষধত ব্যৱহাৰ কৰি অহা হৈছে।
মধুমেহ ৰোগৰ পৰা উপশম দিয়াৰ পৰা কেঞ্চাৰৰ কোষ ধ্বংস কৰালৈকে, কিডনীৰ পাথৰ শৰীৰৰ পৰা দূৰ কৰাৰ পৰা বেক্টেৰিয়াৰ পৰা শৰীৰটোক বচাই ৰখালৈকে ইয়াৰ আছে আৰু বহুতো গুণাগুণ। সেইবাবে ইয়াক আয়ুৰ্বেদ আৰু বিজ্ঞান দুয়োটাই ৰাতিপুৱা খালি পেটত খোৱা এক উত্তম ৰস অথবা জুচ বুলি অভিহিত কৰে।
ইয়াক তৈয়াৰ কৰাটোও তেনেই সহজ। গুটি গুচাই কোমোৰাটো সৰু সৰুকৈ কাটি মিক্সিত পিছি ৰসখিনি মছলিন কাপোৰেৰে চেকি উলিয়াই পৰিবেশন কৰিব।
নয়ন মণি বৰা
অধ্যাপিকা, ডায়েট তিনিচুকীয়া
1 জুলাই,2021