Рет қаралды 633
တၢ်အါအါကလဲာ် အိၣ်ဟဲလၢထး
kayin-odb.org/2024/07/11/heav...
/ myanmar.odb
/ ourdailybreadmyanmar
ဖး ၁ တံၤမသ့း ၁:၁၂-၁၇
odb-ministries.org/bible/ky/r...
သးအမဲာ်အတၢ်ထံၣ်
စီၤပီလူး အတၢ်ဆဲးဖျါ ဃဲၤကဒါလီၤက့ၤအသး လၢအလံာ်အခီၣ်ထံးတဘ့ၣ်ဆူ စီၤတံၤမသ့းအအိၣ်န့ၣ် (၁ တံၤ ၁:၁၂-၁၇), ဒုးဆိကတီၢ် တၢ်ကတိၤတၢၣ်ပီၣ်တၢၣ်ပီလၢအထီဝဲ လၢအတိာ်ပာ် တၢ်ကကွၢ်ဆၢၣ်မဲာ်ဒီး သရၣ်အဘျၣ်သ့ၣ်တဖၣ် လၢအရၤလီၤ တၢ်သိၣ်တၢ်သီအကမၣ်တဖၣ် လၢတၢ်အိၣ်ဖှိၣ်ပူၤန့ၣ်လီၤ. လၢပှၤသ့ၣ်တဖၣ်အကျါန့ၣ်, စီၤတံၤမသ့း ကဘၣ်ပလီၢ်သးလၢ ပှၤတဖၣ်လၢ “တၢ်မိၣ်ကဲအသးလၢ တၢ်သိၣ်တၢ်သီသရၣ်”န့ၣ်လီၤ (:၇). ပှၤတၢ်မၢဖိ တဲဖျါဝဲလၢ တၢ်သိၣ်တၢ်သီန့ၣ် ဂ့ၤဝဲလၢ ကပာ်ဖျါထီၣ် တၢ်ကမူၤကမၣ် ဒီးက့ၤကိးက့ၤ ပှၤမၤကမၣ်တၢ်တဖၣ်ဆူ တၢ်ပီၢ်ယၢ်လီၤသးန့ၣ်လီၤ.
ဝံၤဒီး စီၤပီလူး ပာ်ဖျါထီၣ်အသး ဒ်အမ့ၢ်ပှၤအအၢကတၢၢ်လၢအဝဲသ့ၣ်တဖၣ်အကျါန့ၣ်လီၤ. အဝဲ တမ့ၢ်ထဲ စံၣ်ညီၣ်ဃၣ်အသး လၢတၢ်သိၣ်တၢ်သီ အဖီလာ် ဒ်အမ့ၢ် “ပှၤဒုၣ်ဒွဲၣ်တၢ်, ဒီးပှၤမၤအၢမၤသီတၢ်”န့ၣ်ဘၣ် (:၁၃), အဝဲဂုာ်ကျဲးစၢး ဒီသဒၢ တၢ်သိၣ်တၢ်သီအဝဲန့ၣ် လၢတၢ်သးဆူၣ်အပူၤန့ၣ်လီၤ (ကွၢ် မၤတၢ် ၉း၁-၂, ဖံလံးပံၤ ၃း၁-၆). လၢကျဲတဘိန့ၣ်, ပှၤတၢ်မၢဖိ စူးကါ အနီၢ်ကစၢ်ဒၣ်ဝဲအဂ့ၢ် လၢအကဒုးနဲၣ် တၢ်မုၢ်လၢ်ဆူ ပှၤလၢအမၤကမၣ်တၢ် ဒီးအမၤကမၣ် တၢ်အိၣ်ဖှိၣ်ဒၣ်လဲာ်န့ၣ်လီၤ. အဝဲသ့ၣ် ဘၣ်တၢ်အုၣ်က့ၤခီၣ်က့ၤသ့ဝဲ, မ့မ့ၢ်ခီဖျိလၢယွၤအဘျုးအဖှိၣ်အဃိန့ၣ်, အဝဲအနီၢ်ကစၢ်ဒၣ်ဝဲအဂ့ၢ် တဲဘၣ်ဝဲလီၤ. ဘၣ်ဆၣ်, တၢ်ဘျုးတၢ်ဖှိၣ်န့ၣ် လၢဝဲလီၢ်ဝဲန့ၢ်အလီၢ်လံန့ၣ်လီၤ.
Jed Ostoich