Pas disa viteve në emigracion, Zija Keshi vendosi të kthehej në vendlindje në Peshkopi. Në tokat në pronësi të tij vendosi të zhvillonte atë që e kishte pasion.
Këtë sipërfaqe e ka kthyer në parcela për eksperimente. Ka mbjellë bimë medicinale dhe fruta ekzotike dhe ka testuar nëse ato dalin në prodhim.
“Ne sot kemi tre hektarë të kultivuara, kemi Aroninë primare, frutin medicinal, Goxhiberin, lajthinë e Egër, lajthinë Italiane, Serbe, arra Turke, edhe fidanishten që prodhojmë fidana.”
Të zbulosh varitete të veçanta nuk është e lehtë. Duke pyetur dhe duke folur me miqtë e tij që jetojnë jashtë vendit.
“Unë me mund dhe me sakrifica sjell fidanat e para, nga 10-15 fidana, eksperimentoj. Për të eksperimentuar një varietet të paktën duhen minimum 2 vite deri në 3 sepse duhet të presim derisa të futet në ciklin e frutit.”
Ka mbjellë varietete që kultivohen në vende të ndryshme, përfshirë edhe shtete të largëta.
“Kjo është me origjinë nga Maljazia. Është pjeshkë shumë dekorative siç po shohim ngjyrën. Prodhon shumë.”
Në këtë sipërfaqe ka kultivuar edhe gojiberry, që tregtohet me cmim të lartë.
“Sa është fut në prodhim. Prodhon 4 herë në vit. Këto janë prodhimet e para, deri në Janar. Kjo nuk pyet as për të ftohtë as për të nxehtë. Është një bimë që nuk kërkon asnjë llojë shërbimi, vetëm një vaditje apo dy vaditje në vit.”
Frutat ekzotike që kultivon nuk njihen në Shqipëri. Këtu gjen një varietet të veçantë dardhe, që piqet në Kubë.
“Kjo dardhë është në vit të dytë të prodhimit. Është dardhë e egër, ‘Goric’. Mos harroni kjo e ka origjinën nga Kuba. E bën frutin pak më të madhe se ‘Gorica’ jonë autoktone. E njëjta është dhe prodhon, shifeni vetë, pa spërkatje.”
Por kjo nuk është e vetmja lloj dardhe që e gjen në këtë sipërfaqe.
“Para 4 viteve e kemi sjellë këtë dardhë dhe është shumë qëndruese për vendin tonë. E kemi shpërndarë në gjithë Shqipërinë dhe janë përshtatur shumë mirë. Një varietet dardhe që vjen nga Kuba është fut ne prodhim dhe ka një gjë që piqet kur bie bora. Në fund të Nëntorit apo në mes të Dhjetorit, diçka e tillë. Është shumë e ëmbël kur realizon ciklin e pjekjes dhe është xhuxhe prodhon shumë.”
Kultivon gjithashtu edhe mollë të egër. Ka shije të ndryshme nga mollët që kultivohen në vendin tonë.
“Është mollë e egër. Prodhon jashtëzakonisht shumë dhe ka një të veçantë sepse është me tul të kuq brenda, është e egër dhe është shumë e mirë për tensionin.”
Frutat dhe bimët janë përshtatur shumë mirë me klimën e Dibrës. Madje edhe këtë vit që nuk ka qenë i mbarë për pemët, Zijai ia ka dalë që të marrë prodhim.
“Është një mollë e veçantë me thënë të drejtën dhe prodhon shumë dhe e jep vetë fakti që në Dibër nuk janë prodhuar as mollë as dardhë për shkak të kushteve atmosferike.”
Bimët dhe frutat që ka eksperimentuar ka vendosur që ti shpërndajë edhe në qytete të tjera të vendit. Ai thotë se ka kërkesa për të marrë fidanë të ndryshëm.
“Dhe deri tani, ka që gjashtë vite që prodhojmë fidana dhe janë bërë 8 plantacione në Shqipëri në konsulencën time gjithmonë sepse nuk dua ta lej kolegun të dështojë.”
Për të ndihmuar zhvillimin e bimëve dhe frutave në këtë sipërfaqe rrit edhe bletë.
“Normal që i shërben shumë sepse është bleta ajo që bën pjalmimin kur lulëzon. Bleta është një nga faktorët kryesor për pjalmimin.”
Zijai thotë se nuk do të ndalojë këtu. Shprehet i bindur se do të testojë edhe varietete të tjera të cilat nuk njihen në vendin tonë.
SUBSCRIBE to "RTV KLAN" on KZfaq for more videos!
Për më shumë informacione vizitoni faqen tonë web tvklan.al/kategoria/klan-news/
Follow Klan News on Facebook: / klannews
Follow @klannews on Instagram: / tvklannews
#KlanNews #KlanNewsLajme #TvKlan