Рет қаралды 3,007
Sulm të organizuar e quajti kryeminsitri Edi Rama atë që po ndodh në rrjete sociale për të treguar plazhe bosh.
Edi Rama: Ka një sulm të organizuar për të dëmtuar turizmin shqiptar. Sistemet tona të sigurisë kanë ndezur dritën e kuqe, të sigurisë kibernetike. Shumë profile fallco që përdoren për këtë sulm.
Sipas Ramës shifrat e hyrjeve të turistëve tregojnë të kundërtën, duke e renditur Shqipërinë në vend të parë.
Edi Rama: Komisioni Evropian i Udhëtimeve nxori një klasifikim dhe Shqipëria është në vendin e parë me 86% rritje të fluksit të turistëve, pastaj vijnë me radhë, këtu në rajon, Serbia me 48%, Mali i Zi me 31%, Greqia me 22%, Turqia me 20%, ndërkohë që shumë nga vendet perëndimore janë me rënie.
Gjatë takimit me kryetarët e bashkisë, ai nuk nuk la pa përmendur edhe rritjen abuzive te çmimeve në jug të vendit, duke thënë se do të kthehet në bumerang.
Edi Rama:Qeveria dhe bashkitë nuk vendosin çmimet, kjo është shumë e qartë, ky është sistemi që kemi zgjedhur dhe nuk vendosim dot çmimet. Është shumë e rëndësishme të flitet dhe t’u thuhet që kjo është strategjikisht vetëvrasje. Ideja që “Meqë na thanë vjet që Shqipëria është shumë e lirë, ne po ia hedhim në erë të gjithë tavanet e arsyes së çmimeve” është komplet një ide komplet e çmendur. Gropa në gjoksin e vlonjatëve është hapur dhe është bërë një gropë ku do bien vetë këta që i ngrenë ato çmime në atë farë feje.
Nga ana tjetër ai tha se është e pavërëtet që braktisje të turistëve nga Kosova, duke dhënë shifrat e fundit të flukseve hyrëse.
Edi Rama: Fakti është, se nga janari deri në qershor, kanë 1,7 milionë hyrje të qytetarëve të Kosovës ose 25% më shumë se vjet. Ndërkohë që, po të shohim të tjerët, ne vjet u surprizuam pozitivisht nga prurja e italianëve. Italianët, deri në qershor kanë qenë 486 mijë ose 57%. Ka një rritje shumë të fortë të turistëve turq, 61% nga vjet pastaj turistët polakë 74%.
Në lidhje me legalizimet, kryeministri Edi Rama tha se me ndryshimet që janë bërë bashkitë do të përfshihen në proces duke ngritur zyra në çdo bashki dhe prioritet duhet të jepet objekteve të banimit.
Edi Rama: Të gjithë të jenë gati në shtator kur ky proces do të fillojë të zbatohet. 2028 është shumë larg!Ne duhet t’i vëmë objektiv vetes që këtë proces ta mbyllim në fund të vitit 2026, jo në fund të vitit 2028, por ama për banesat nuk na pengon askush që të bëjmë të gjitha regjistrimet e nevojshme.
Në tërësi në mbarë vendin janë 237 mijë dosje legalimi, kryesisht banim dhe objekte miks.
SUBSCRIBE to "RTV KLAN" on KZfaq for more videos!
Për më shumë informacione vizitoni faqen tonë web tvklan.al/kate...
Follow Klan News on Facebook: / klannews
Follow @klannews on Instagram: / tvklannews
#KlanNews #KlanNewsLajme #TvKlan