Рет қаралды 231
"Oʻzbekkoʻmir" AJning Energiya va telekommunikatsiya tarmoqlari filialiga qarashli 3-guruh nimstansiyalar tarkibiga kiruvchi 3-toruvchi va tarqatuvchi nimstansiyasida rejali oʻchirish va taʼmirlash ishlari amalga oshirildi.
Jarayon "Oʻzbekkoʻmir" AJ bosh energetigi Xayriddin Qayumov hamda "Energiya va telekommunikatsiya tarmoqlari" filiali rahbari Erkin Ergashevlar nazorati ostida tashkil etilgan. Ushbu nimstansiyaning toʻliq quvvati 110 kV, 6 kV, 3,3 kV boʻlib, undan asosan Angren koʻmir koni havzasida kon ustini ochish va koʻmir qazib olish yoʻnalishlarining ekskavator va elektrovozlari, konveyer transportlari elektr energiyasi oladi.
Bundan tashqari 3-nimstansiyadan aholi xoʻjaliklari va boshqa isteʼmolchilarni elektr energiyasi bilan uzluksiz taʼminlash uchun hozirda nimstansiyada tozalash va taʼmirlash amalga oshirilmoqda. Jarayon texnika xavfsizligi va boshqa ishlab chiqarish jarayoni meʼyorlarga toʻla amal qilingan holda oʻtkazilib, qisqa vaqt davomida elektr uzatish qayta tiklandi.
Qolaversa, ayni paytda Angren koʻmir konida toʻxtab turgan ekskavator, elektrovoz va koveyer tasmalarida texnik koʻrikdan oʻtkazish hamda kichik sozlash ishlari amalga oshirildi.
"Hozir biz turgan nimstansiya korxonamizning yuragi desak mubolagʻa boʻlmaydi. Ayni nimstansiyadan eng katta texnikalarimiz elektr quvvati olib ishlaydi. Nimstansiyaning doimiy soz va betalofat ishlashi bizning ustuvor maqsadimiz sanaladi" - deydi bosh energetik Xayriddin Qayumov.
t.me/uzbekcoaluz