Рет қаралды 231,876
Карантин талаптары жеңілдеп, сауда үйлерінің жұмысы қызып, кафелер іске қосылғанымен коронавирус елімізден әлі аяғын тартқан жоқ. Бүгінгі ресми цифр - 9576. Яғни осыншама адам ковид жұқтырған. 4827 адам айығып, 37 адам аты жаман аурудан қайтыс болды. Бірақ Қараойда Алматыда қайтыс болған алты адам ғана жерленген. Ресми мәлімет бойынша, он адам болса, қалған төрт адамның мәйіті қайда? Адам өлімі анық болған сәтте апыл-ғұпыл екі сағатта имам тапқызып, қайтыс болған адамды жерлететін жауапты мекемелер төрт адамды қайда жерледі? Ал, анасын түнгі сағат 23.30-да қараңғы қабірге қойып қайтқан Әйгерім Әмреева анасының қазасының себебін неге әлі түсіне алмай жүр? Ғайни Әмірееваның ковидтан қайтыс болғаны расталса, 12-аурухана қызметкері ретінде қызына 10 млн теңге өтемақы төлене ме? Марқұм «Ғайни Әмірееваны 12-аурухананың гинекология бөлімінің меңгерушісі Гаухар Әміреевамен шатастырып алған" - деген кім? «Сөздің шыны керектің» бүгінгі тақырыбы осы.
#сөздің_шыны_керек #ирина_советжанқызы