#negombostpeterscollege #protest #kstvlanka
මීගමුව සාන්ත පීතර මධ්‍යමහා විද්‍යාලයේ (ජාතික පාසලේ) වර්තමාන විදුහල්පතිවරයාගේ වසර 11 ක සේවා කාලය තුළ විදුහලේ පැවැත්මට සහ දියුණුවට කිසිවක් සිදු කර නැතැයි පවසමින් දෙමව්පියෝ ආදි ශිෂ්‍ය විරෝධතාවක් 3 -7-2024 වෙනි දින විදුහල ඉදිරිපිටදී විරෝධතාවක් පවත්වන ලදී,ඔවුන්ගේ ප්‍රධාන ඉල්ලීම වූයේ මෙම වවිදුහල්පතිවරයා මාරුකර සුදුසුකම් සහිත විදුහල්පති වරයෙකු පත් කරන ලෙසය,
දෙමව්පියෝ සහ ආදි ශිෂ්‍යයෝ විවිධ අදහස් ලියන ලද පෝස්ටර් අත ඇතිව විදුහලේ ප්‍රධාන ගේට්ටුව ඉදිරිපිට සිට මෙම විරෝධතාව දක්වන ලදී,මේ සම්බන්ධව දෙමව්පියෝද ආදි ශිෂ්‍ය සංගම්වල නිලධාරීහුද අදහස් දැක්වූහ
කනිෂ්ඨ ආදි ශිෂ්‍ය සංගමයේ භාණ්ඩාගාරික ඉරේෂන් අනුරාධ මහතා
අදහස් දක්වමින් මෙසේ පැවසීය
මෙම විදුහලේ තිබෙන ප්‍රධාන ප්‍රශ්නය තමා විදුහල පරිපාලනයට නුසුදුසු පුද්ගලයකු පත්වීම, මෙම විදුහලට පළමු වසරට ඇතුල් වීම සඳහා අයදුම් පත් 1500ක් පමණ ලැබුණු තැනකට දැන් ලැබෙන්නේ පන්සියයක් පමණය,මේ අනුව තේරෙනවා විද්‍යාලයේ ජනප්‍රියභාවය කොතරම් අඩුද කියලා,මේ වර්ෂයේ ක්‍රීඩා තරග තිබ්බේ නැහැ,බික් මැච් එක තිබ්බේ නැහැ,විදුහල්පතිතුමාගෙන් අහපුවම කිව්වේ සල්ලි නැහැ කියලා ,විද්‍යාලයේ පහසුකම් ගාස්තු අය කර ගැනීමේ හරි වැඩපිළිවෙලක් නැහැ,දෙමව්පියන්ගෙන් අහපුවම කිව්වේ ළමයින්ට හරි හමන් ටොයිලට් එකක්වත් නැතුව අපි පහසුකම් ගාස්තු ගෙවන්නේ ඇයිද කියලයි,විදුහල්පතිතුමා හැම තැනටම ණය වෙලා,ආදි ශිෂ්‍ය සංගමයට ණයයි,කැන්ටිමට ණයයි,කැන්ටිමෙන් මාසයකට රුපියල් 7000ක මුදලක් ගන්නවා ,පසුගියදා පොළවල් දෙකක් පවත්වා තිබෙනවා,ඒවායින් ලක්ෂ පනස් පහක ආදායමක් ලැබී තිබෙනවා,මේවාට මොකද වුනේ කියලා හරියට ගිණුම් පෙන්නන්නේ නැහැ,විද්‍යාලය වටේ තිබෙන තාප්පය අබලන්වෙලා,එය සකස් කිරීමට කියලා එක ළමයෙකුගෙන් රුපියල් 5000 බැගින් ලබාගෙන තිබෙනවා ,නමුත් තාප්පය මේ වෙන තුරු හැදුවේ නැහැ,මේ අනුව කියන්න ගියොත් මේ විදුහල්පතිවරයාගේ අඩුපාඩු බොහෝ තියෙනවා,අපි ඉල්ලා සිටින්නේ මෙම විදුහල්පතිවරයා ඉවත් කොට සුදුසුකම් සහිත විදුහල්පතිවරයකු විදුහලට පත් කර දෙන ලෙසයි.