කුරුළුගල යනු සූරියකන්ද, බුලුතොට නම් ග්‍රාමයෙහි පිහිටා ඇති ඉතාමත්ම සුන්දර කඳු මුඳුනකි. කොලොන්න - සූරියකන්ද මාර්ගය තුළ පිහිටා ඇති බුලුතොට හංදියෙන් හෙලඋඩකන්ද මාර්ගය ගමන් කිරිමෙන් පසු බුලුතොට විද්‍යාලයත් පසු කර ගිය පසු තලගහවත්ත මහ විද්‍යාලය හමුවේ. එම විද්‍යාලයේ ඉදිරියෙන් වැටි ඇති කොන්ක්‍රීට් මාර්ගය තුලින් ගමන් කල යුතු අතර, මාර්ගය තරමක් අබලන් තත්වයේ ඇති අතර මාර්ගය ඉතා පටු බවක් ගනී. ත්‍රීවීල්, බයික්ස් සහ සාමනයෙන් ground clearance වැඩි වාහන සඳහා අපහසුවෙන් වුවද මෙම මාරගයෙහි යාමට හැක. එම කොන්ක්‍රීට් මාර්ගය ඔස්සේ ගමන් කිරිමෙදි කොන්ක්‍රීට් මාර්ගය හරහා දිවෙන පොඩි දිය පාරක් හමුවේ එම ස්ථානයේ කටුමැටි ගැසු නිවසක් හමුවේ. එම නිවසට යාබදව කදුමුදුනට දිවෙන කැළෑ පාරක් දක්නට ඇත. එම මාර්ගය තුලින් කදු මුදුනට ගමන් කල යුතු අතර එම මාර්ගය තරමක් ගමන් කිරිමට අසීරු මාර්ගයකි. යාම්තමින් අඩි පාරක් පෙනුනද එම අඩි පාර සොයා ගැනීමට තරමක් අපහසු වන අතර එම අඩි පාර හරහා ගස් වැටී තිබෙන අයුරු අපට දක්නට ලැබුනි. මෙම trekk එක 2.5 km දක්වා විහිදෙන අතර කූඩැල්ලන් බහුලව සිටින කැලෑවකි.
කුරුලුගල summit එකට ගිය පසු මුරුතවෙල ජලාශය හා අප දෙදෙනා මීට පෙර තරණය කොට ඇති ගොංගල කඳු මුඳුනද, සූරියකන්ද towers ද පැහැදිලිව දැකගත හැකි වේ.
ඔබත් එහි යනවා නම් පා සටහන් පමණක් එහි තබා, අනෙකුත් සියලුම දෑ යලි රැගෙනයාමට කාරුණික වන්න.
මලී