Рет қаралды 6,409
سلام عليكم ان شاء الله تكونو بخير🙏🌷
كانقرا بزاف البوسطات على كيفاش نكون بروفيسيونيل 👨💼👩💼في الخدمة مزيان هاد السؤال و الجواب ديالو غالبا خاصو يخرج من العمق ديالك 💗
👈حيت واخا نجيبو المرشدين و أساتذة علم النفس و دكاترة و منعرف شنو غادي يعطيوكم إرشادات لي ممكن تساعدك ولكن هاد الشخصية البروفيسيونيل او الكاريزمية او المؤثرة او المثالية... عندها بزاف ديال سميات ديك شخصية لي غالبا في شركة كاتسمعي عليها 🗣️(فلانة مايقدر عليها غير لي خلقها) 🗣️(فلانة سياسية يا اختي نعيا حتى نطير و مانوصلش ليها) او لا كاتسمعي كلشي كايشكرها 😍ديك الشخصية لي يا كاتفرض الوجود ديالها بطريقة قوية او بطريقة سلسة لي كاتحسي انك متأثرة بالوجود ديالها في هذاك المكان👌
👈المهم شخصية كلشي كايحتارمها شخصية كلمتها مسموعة شخصية كاتعرف تعامل مع جميع شخصيات شخصية ايجابية و كاتعطي واحد طاقة لي المحيط ديالها كايشعر بيها👥💞
🚫مكانهدروش على الباطرون ولا شاف ولا ولا ولا... يقدر اي واحد تكون عندو هاد الشخصية☑️
كاينة لي الصفات القيادة كاتكون عندو و كاين هاد الشخصية الكاريزمية كاتكون عندو في طبعو ماكتطلبش منو واحد الجهد و لكن الاغلبية خاص يخدم عليها♻️
🔴باش تخدمي عليها هنا خاصك تخدمي على راسك 👤و هنا ركزي معايا مزيان🧠 شخصية المثالية مكتبانش بين ليلة ونهار ولكن عن طريق بزاف ديال المواقف لي كايوقعو و انت كاتعلمي منهم و كاتستافدي اشنو كاديري.. ؟كاتستااافدي منهم🤝✍️🧠
من بين الأساسيات ديال هاد الشخصية انك تكوني كاتيقي في راسك😎 و لو يتجمعو اهل الأرض على ان يزعزعو ثقتك بنفسك مايقدروش🧐 تاني حاجة مهمة بزاف انك تعرفي او تتعلمي تحكمي في المشاعر🔐💓🔓 ديالك و خصوصا في العمل كايخص تحافظي على بعض المشاعر ديما تكون متفعلة ⏸️ديما حاضرين هادوك المشاعر لي هما تكوني متفائلة📈 ايجابية📈..وكان صلى الله عليه وسلم دائماً " يتفاءل ولا يتطير "في حياتك بصفة عامة خاصك تكوني متفائلة بزز منك راه ماشي اجي و ولي شخصية مثالية وراه لصالحك هادشي تاني حاجة كاتضبط الخدمة ديالها خدمتها مثقونة👌 كانقعل على واحد المقولة ديال عبد الرحمن الأوزاعي : ( إن المؤمن يقل الكلام ويكثر العمل ، وإن المنافق يكثر الكلام ويقل العمل )الشخصية المثالية راسها عامر مثقفة قد🧠 ماتزادت ثقافة ديالك قد ماكتعرفي تعاملي🤗 و تعرفي تهدري اه كاتولي كاتهدري بدليل و الحجج لانو راسك عامر🤖 و حتى لي كايسمع ليك كايولي كايتصنت بالجوارح ديالو و انتما عارفين الفرق بين الاستماع 👂و الانصات👂🧠
👈و ايضا خاص تكون انسانة مستمعة ديما كاتسمع لناس لي معاها متعاونة هادشي الا مغاديش ديريه من قلبك بلاش عليك🙂 غادي غير تكلفي راسك🙂 و تعدبيه ماكين لاش لانو ناس عندها مشاعر🙂 و عندها احساسيس🙂 و اكيد غادي يحسو بيك🙂 واش كاتعملي من قلبك ولا غير من فوق قلبك🙂(صواب) اه اااااه ضروري تكوني مصوابة و هادي داخلة في ايطار الكلام اذا كنتي كاترفي تهدري اكيد غادي تكوني مصوابة،😉
✔️نقطة مهمة في الخدمة مكانهدروش في الأمور العائلية هذا خطأ لانه كانوليو كانهدرو على كشلي😐 في اي مكان😑 و لكلشي لي لقيناه 😏لهاد درجة انسان مبقاتش عندو خصوصية🔓 لي كليتها نصورها📵 لي درتها مع راجلي نعاودها🔞 لي شريتها نوريها للناس 🚯اه حقى كانشارك مع ناس اه مزيان تشاركي و لكن هناك امور لا يصح فيها المشاركة⚠️⛔
كاين بزاف ديال الصفات الشخصية الكاريزمية لي غادي نشاركها معكم حيت طولت عليكم هنا🤭 ولكن بغيتك تفهمي ان هاد الشخصية اذا ماخرجتيهاش انت حتى واحد مايقدر يخرجها منك☝️ وأخيرا وايس أخيرا حافظي على الإبتسامة والصمت .🤗🤫
الإبتسامة : لإنهاء مشكلة .
والصمت : لعبور مشكلة.
خاتمة♥️
قال تعالى :{ كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ } سورة آل عمران آية : 110