تلخيص تاع الفيديو : 1- بيت الخزين ما يندارش في شهر واحد.. لا. بيت الخزين يندار في شحال من شهر. 2- كل شهر تشري منتوج واحد بكمية كبيرة تكفيك عدة أشهر. تشري مثلا هذا الشهر 2000 دج تاع سكر. والشهر القادم تشري 2000 دج زيت واللي عليه تشري 2000 دج تاع مواد التنظيف وهكذا حتى تكملي كامل المنتوجات اللي راح تملئي بها بيت الخزين. تقدري تبدي بأي منتوج يساعدك. أو لقيتي فيه عروض خاصة في المحلات. 3- المنتوج اللي تشريه ما تستعمليهش تمتم، تستناي حتى تكملي ملىء كامل بيت الخزين تاعك. انتبهي لتاريخ انتهاء الصلاحية. 4- باش تقتصدي ما تشريش مواد ماركة وأيضا اشري بالفاردو تستقام لك كما لي يبيعو بالجملة. وأيضا اشري من عند الشاحنات اللي يملؤا البيادن تاع مواد التنظيف. 5- ما تشريش المواد اللي ما راحش تستعمليها في الأشهر القادمة، مثلا اللوبيا والعدس ما تشريهاش حتى يخرج الصيف لأنك ما راحش تستخدميها بكثرة في الصيف وراح تشغل مكان في بيت الخزين على باطل. 6- التخزين شطارة في الشراء وشطارة في الاستعمال، علمي أبناءك يستخدموا المنتوجات باقتصاد وفهميهم علاش لازم نقتصدوا. ومنتوجاتك استعمليها بذكاء واعرفي كيف تسيري خزينك. ليس لأن عندك كميات كبيرة راح تصرفيها في أسرع وقت. 7- متى تعاودي تملئي بيت الخزين ، هل حتى يفرغ تماما ؟ لا طبعا. كل ما ينقص أي منتوج ويبقى فيه 2 أو ثلاث وحدات ، عاودي اشري هذاك المنتوج فقط بمقدار 2000 دج كما الأول. يعني تعاودي العملية بصح ماراحش تعاودي من الصفر لأن بيت الخزين راه مملوء بالمنتوجات و خاص فيه منتوج أو 2 لي نقصوا. إذا نعاود هذ الشهر نشريهم غير هما فقط. والشهر القادم تاني نشوف واش من منتوج نقص بزاف وبقى فيه زوج ولا ثلاث وحدات نعاود نشريه. 8- آه نسيت ، الشحيحة 😁. لما تشري ب2000 دج منتوج ما، لابد ماراح يبقى لك شوية صرف، ماترجعهيش في زدامك. بل ، حطيه في شحيحة. وبعد ما تخلصي ملىء بيت الخزين تاعك، راح يكون عندك مصروف تاع منتوجات التقلاش مثل التونة، الذرى، المربى، ... هذوك المنتوجات لي نشروا منهم غير حبات في الشهر. 9- ماشي شرط تبدي ب2000دج تقدري تبدي ب1000 دج أو ب4000 دج. كل واحد وطاقته. في الأخير.. لك كل الشكر أخت صبرينة على مشاركتنا هذ المعلومات. وربي يبارك لك في رزقك ويوسع علينا وعلى كل محتاج في أرزاقنا ويرزقنا البركة في العمر والمال والأبناء.

صح عندك الحق راح نبدى التحدي نتاع بيت الحزين وادعولي ربي يباركلي فيه انا يتيمة الوالدين وعايشة انا وخاوتي ربي يبارك لي وللجميع

والله يا خواتاتي راني تبعت ختي صبرينة ونجحت والحمد لله درت بيت خزين تع 6اشهر و بديت ناكل منو هذ الشهر و نجدد في نفس الوقت

صح عيدكم اختي صبرينة ربي يفرحك أنا درت بيت الحزين و جوزت رمضان جامي جوزتو هكدا الحمدلله و قعدلي و شريت حوائج اولادي وعيدت أنا تاني و راجلي والله جامي قدرت نعيدو كامل الدار و الحمد لله

صح عيدكم وكل عام وانتم بخير شكرا ليك الف شكر على كل فيديو تابعتو كان بمثابت كف نفطن بيه من غفلتي والتبهليل تاعي كانت يدي مثقوبة كل حاحة نقول ماعليش كيف كيف ودرك راني مولات 39سنة ومزاني ساكنة عند عجوزتي في الدل دعولى ياربي يقدرني وندير سكن خاص لبنياتي عندي 3بنات ان شاء ياربي يقدرنا ادعولى خياتي ولكم بالمثل

يعطيك الصحة على حساب القوة لي كانت في كلامك حسيتك حابة تعطينا طريحة باه نديرو بيت لخزين. 😂😂😂😂😂❤❤ بارك الله فيك

مادام جربتي ماركات بزاف قوليلنا واش هو لمليح في الازيز انتاع لماعن والشمبوان و لبرودوي انتاع غسل الثياب،،، وشكرا لك على ماتبذلينه من مجهود لتنوير المتتبعات.

مهما وش نديرو منصلوش لفياقتك وفهامتك بصح رانا نتعلمو منك بديت نتبع فيك في الصيف استفدت منك ياسر

احلى لايك جزاك الله خيرا حبيبتي اول مرة نسمع بيت الخزين كنت عايشة العشوائية بالطول والعرض جامي خبيت دورو وبالعكس عايشة غير بالدين ان شاء الله ندير على النصائح تاعك ونلقا نتيجة يارب

بصحتكم حبيبتي ❤حتى انا راني مع القضيان قبيل رحت عند ليقروسيست تع لابروفال كاين حاجات نقصو و كاين حاجات زادو انا اليوم شريت شوية و الباقي غدوة ان شاء الله السكر راهو 920 الزيتون الاسود 300 البيض 480 حتى 520 السميد كاين من كل نوع الزيت 650.... لكن كاين مشتريات خاصين بالصيف و كاين مشتريات خليتهم لسبتمبر و باذن الله راني نوجدلكم فيديو شباب تع المشتريات بالاسعار ماتراطوش كنت غايبة 15يوم ولادي كانو مرضى و زوج تعرضو لحادث في المسيد الحمد الله خرجتلهم سلامات و ماتنساونيش خياتي بعدما تتمتعو عند الغالية جوزو عندي خياتي مرحبااا بيكم

البنات تاعك لازم تولي عالمية عمري ما سمعت مراة كيفك قمة في تدبير وحداقة ربي يباركلك في رزقك

اللهم لا تذرني فردا وانت خير الوارثين اللهم ارزقني ورزق كل محروم هذا عيد الفطر

راني مركزة مع الحنة ربي يبارك خرجت كيما طيبة قلبك وشكرا على النصائح❤❤

اللي عندو الاتساع ممكن و لكن كي يكون بيت ضيق غير ممكن على كل ربي يبارك فيك افكار جيدة

عجبني الفيديو وحفزتيني باش نبدا في بيت الحزين يعطيك الصحة

احسن تنظيم واحسن قناة في التوفير

عيدكم مبارك وكل عام وانتم بخير خياتي بنات بلادي حنا العيد في الغربة متغير و لكن كل ام تغير و تخلق الاجواء العيد مع عائلة الصغيرة

ياختي هدرتك تبرد لقلب صدق لي قال لمرا هي لي دير دار تقول راكي حاكمة بنتك قدامك وتنصحي فيها تمنيت امي تكون كيفك .

ربي يجازيك خير والله نصايح انا عمري اعطاهملي واحد الام ماعلابلهاش وين راهي صادة وانا طفلة وحدة ماعنديش اخت كبيرة لاكن الاخت صبرينة والله غير رزق من الله

الله يعطيك الصحةوالعافية من اليوم لي بديت نتفرج عليك عرفت نفعية بيت الخزين وبديت ندير بحالك والله لقيت روحي نصائحك قمة بارك الله فيك

حبيت نضيف معلومة أخرى للأخوات ا مدام خرجنا من العيد ومزال حوالي 11شهر للعيد إن شاء الله أبدو من الآن تخبو لوكان 250ولا300ألف كل شهر للباس العيد أنا العيد هذا ماخممتش خلاص في لبسة العيد وقفة رمضان فوتو ماشاء الله وهنيت الزوج من التخمام قبل العيد بثمنية شهر كل شهر نهز قيمة 300ونشري حاجة من لبسة العيد وواش يفضلي نخبيه للشهر لي بعد و الله شريتلهم لبسة ربي يبارك وزيد كيما علابالكم موسم العيد القش يرجع غالي نار انا شريتلهم لبسة مليحة وماهيش غالية وتهنيت من التخمام

افكار قيمة ونصاءح من القلب اعجبني المحتوى

الله يبارك عليك مكانش منك زوج وحدك في أفكارك والله غير نعمه ورزق وعندك قبول ما شاء الله ربي يوفق بنتي في الباك وبناتك وجميع أولاد المسلمين ويحفظهم يا رب

يعطيك الصحة فيديو مفيد جداا يستحق المشاهدة

الله يبارك ويزيد زيدي فهميني كي نشري مثال الزيت نزيد تاني نشري بيدون نتاع شهر ونشري كل شهر بيدون حتي نلم نبيت لخزين باش نحبس نشري لشهر انشاء الله تفموني 😊😊

ديري بيت الخزين تاع ميتين الف وديري بيت الخزين تاع من كل حاجة تنحي شوية كاين لميقدروش للبيت الخزين الكبير

الله يبارك احسن طريقة ربي يوفقنا ويسهلي فيها

أول مرة نفهم فكرة بيت لخزين😅 يعطيك الصحة ختي صبرينة هاذ الشهر ان شاء الله نبدا نطبق هاذ الفكرة

يعطيك الصحة اختي صبرينة كفيتي ووفيتي شرح وافي وواضح و اخيرا فهمت بيت الخزين ربي يقدرني و نديرو ان شاء الله 💞💞💞💞💞💚

صبرينة زيدي اهدرينا على خزين تع المجمد دوك واش نقدرو نستغلو الفرصة للصيف شكرا

شكرا اختي الغالية على هاذ التوضيح راني معولة نبدى في بيت لهزين هاذ الشهر ادعيلي ربي يوفقني ويقدرني

صبرينة اختي لوكان جات بيدي نديرك وزيرة. الاقتصاد تستاهلي لقب مرا ونص وخمسة وعشرين انا وحدا راني درت مواد التنضيف مواد الكسمتيك والزيت قيس ستة اشهر نشاله ربي يقدرني ونكمل وهدا كلو راجع لتحفيزات دياولك ربي يجازيك كل خير يا العزيزة ❤

يعطيك الصحة اختي صبرينة واش رايكم كل واحدة تلقى حاجة رخيصة و دايرين تخفيض تقول مثلا لتسكن في بلاصة تقول اليوم كاين طماطم 5000

يعطيك الصحة انا ديت بزاف معلومات استفذت منها الله يجزيك نعمة المقتصيدة و المدبرة.

الحمد لله لقيت فيديو بيت لخزين 😊😊😊 موفقةحبيبتي

مساء الخير اخت صبرينة ياريت ديريلنا فيديو كيفاه بنيتي دارك من الصفر حتى لافينيسيو 🙏🙏🙏🙏

اختي صبرينة بنتك اللي دارت الكيراتين مالزمش تغسل شعرها بالشومبوا العادية لازملها شامبوا سبيسيال باش مايروحلهاش الكيراتين وشكرا على التوضيح وياريت توريلنا واش بقالك في المجمد اللي كنتي حضرتيهم لشهر رمضان 🎉❤

يعطيك الصحة ختي تعلمنا منك بزاف حوايج في ميزان حسناتك نشاء الله ❤

والله انا عن نفس استفدت منك بزاف طريقة رائعة في ليت لخزين انا نشري بالزايد كل مانروح نشري رافطايمون الشهر لكن عجبتني هذا الكريقة انتاع 200 الف

يعطيك الصحة اختي صبرينة عجبتني الفكرة تع بيت لخزين حفزتيني وعلمتيني كيفاش نكون مقتصدة بارك الله فيك

يعطيك الصحة تعلمت منك بزاف حوايج في ميزان حسناتك نشاء الله ♥❤❤

عندي ٣سنوات نتبع في قنوات الاقتصاد وبيت الخزينة حتى اليوم باه فهمتو يعطيك الصحة ميرينا واش طيبي بالاسبوع وجزاك الله خيرا

شكرا على الطاقة الإيجابية نفحتيني❤

عيدك مبروك انشاء الله رايحة تكون انطلاقة قوية مع بيت الخزين راني طميت مبلغ شباب نشري بيها كميات كبيرة و كثيرة و نتهنا من الذهاب والاياب عند السوبيرات شكرا على نشاطك

يا عمري على هذيك الحنة ما شاء الله بصحتك حنونة . والله يحفظك على هذه النصائح بارك الله فيك ❤❤❤❤شكرا

اول مرة نشوف بيت الخزين فكرة مليحة يعطيك الصحة

فيديو هايل لله يبارك😊

حنا ما عندناش هاذو الي يعمرو نشرو كل شيء غالي ربي يكون معانا و يقدرنا و بصحتك حبيبتي

صحا عيدك ختي صبرينة كل عام و انتم بخير لعقوبة للعام الجاي ان شاء الله نكونو صحاح و مهنيين

ماشاء الله عليك يا اختي ربي يحفظك ويبارك فيك...فكرتك بسيطة وجميله وان شاء الله بإذنه تعالى سوف اطبقها ...ختك من ليبيا

ياطيك الصحة ربي يحفظك راكي وصلتينا المعلومة بكل شفافية

مكانش لي زارنا رانا في وقت دنيا مع الواقف الله مستعان هذا مكان صاحا عيدكم لكل

كاين حوايج عندك الحق وكان لالا كيما جال دوش لازم واحد ملبح ديري شوي تبقا ريحة كيما شامبو لازم حاجة مليحة تفسدلهم شعرهم وتزيدلهم في حاجة اخرا دنتفريس لازم حاجة مليحة ام سنين مجرد راي فقط

بفضل الله بفضللك عيدت احلى عيد وبفضل تدابير ك شكرا وعليك المواصلة نحبك نموت عليك

شكرا صبرينة ختي ربي يجعلها في ميزان حسناتك ❤

ربي يبارك فيك وفي صحتك انا مانكدبش عليك راني دايرا الخزين في كلش أسرتي متكونة من 8افراد والحمد لله خرج عليا ووفرت على روحي المجهود كنت كل شهر في السوبيرات ومانعرفش نتصرف ودركا الحمد لله راني نوفر وعلى الاقال راني مريحة في راسي لكنني راني نبني مازالتلي الكوزينة ادعولي ربي يوفقني

يعطيك الصحة... اول مرة نفهم فكرة بيت الخزين. وعجبتني القورمات نتاعك بصحتك لعقوبة لما كثر.

سبحان الله نفس تعامل اميي

رانا معاك وشكرا علا الحماس لي تعطيهولنا .

شكرا شكرا و كثرى من هذ الفديوات فى اشد الحاجه

أول تعليق شكرا على كل ما تقدميه لنا وبكل عفوية وتواضع ربي يحفظك اختي دائما انتظر فديوهاتك وتعلم منك الكثير وما عملته بالتوفير والله لا استطيع ذكره هنا

الله يبارك مشاء الله عليك

الله يعطيك الصحة ختي ، غير بشويا ان شاء الله ونوصلو للهدف تاعنا ، عندك صح ختي 👍

اهلين طاطا راني غير نستنى في فيديو منك نستفيد اكثر واكثر❤❤❤❤

مشاء الله عليك ونعمه راي تدبيرة هيلة

يعطيك الصحة وربي يعطيك ماتتمناي والله انت نعمة نزلتنا من السماء والله راني نمشي على سيرتك وراني نعمر بيت لخزين ومن فضلك ابداي وريلنا من ضرك واش وكيفاه نوجدو للعيد الاضحى والعطلة وربي يجازيك كل خير ويحفظك ويحفظ بناتك وزوجك وكل عائلتك امين يارب 🤲 والله نقولها ومانملش انت جوهرة

رايحة نبداه باذن الله بارك الله فيك

شكرا لكي حبيبتي جاء الفيديو في وقتو بادن الله الشهر هدا نبدا بيت الخزين ادعيولي نقدر نكملو

🎉🎉🎉🎉🎉حنونة تستهلى الف جام

يعطيك الصحة والعافية يارب ربي يحفظك ويسعدك ويوفقك ياغالي

صح عيدك وكل عام وانتم بألف خير رانا معاك ان شاء الله كامل النساء يديرو دار الخزين انا والله غير دايرة في كرطون

الله يعطيك الصحة

صح عيدك حبيبتي وزيرة الإقتصاد للعائلات الجزائرية توحشناك و توحشنا النصائح دياولك بالتوفيق للجميع

اول مرة راح نتبع خطوات السطوك لاني عجبني

الله يعطيك ماتتمناي اختي صبرينة راني نتعلم منك 👌

السلام عليكم ورحمه الله وبركاته عيدكم مبارك تقبل الله منا ومنكم صالح الاعمال

سلام عليكم صح عيدكم وينعاد عليكم بصح والعافية اللهم صل و سلم و بارك على نبينا محمد وعلى آله وصحبه أجمعين يا أرحم راحمين ويا أكرم الأكرامين يا الغني

والله العظيم عندك حق اخت صبرينة مع هذا الغلاء لزم بيت الخزين ما تدري واش يكون

اول مرة شفت قناتك ربي يبارك

بارك الله فيكي اختي العزيزة صحيتي على النصائح القيمة ربي يحفظك ويخليلك بنياتك

يعطيك الصحة وربي يباركلك في رزقك يارب واحلى بوسة للغالية❤❤❤❤

سلام صح عيدك كل عام وانت بالف خير شكرا علي النصائح الجميلة هدرتك عسل❤❤❤❤❤

ربي يحفضك ويسترلك بنياتك والله ينورك كيما راكي تنورينا

صحا عيدك أختي صبرينة وبارك الله فيك أنا نموت عليك وعلى قلبك ابيض ونيتك وطاقة إيجابية ديالك متتبعة وفية من خميس مليانة أم رودينا ورسيم ❤

نصيحة نقصو السكر واتهناو من حاجة في المطبح انا نوكل انا وعايلتي كبلو في شهرين تقريبا مانديروهش ماعدا في القهوة كحلة ولادي وزوجي ولفتهم مايحطوش السكر في المشروبات والحلويات نديرهم ساعات نخدم مسكوتشو او كروكي ويكون ناقص سكر اواذا جانا ضيف😅حتى الزيت البيدون يحكملي قريب ثلاث اشهر لاني مانقليش ومنحطش في القدرة ندوزن بلا زيت ومانقليش البصل نطيب بارد في بارد يعني اكل صحي ولا درت الكسرة نديرها كيما تاع زمان فنجال زيت وندلكها مليح برك وجي تهبل😊

صحا عيدك انتي و بناتك و زوجك راني نتبع فيك مليح ارجو منك ديري تقسيم شهرية بعد رمضان

السلام عليكم اختي صبرينة يعطيك الصحة بزاااف على النصائح راني متتبعة وفية ليك

عجبني لفيديو تاعك بزاف مكنتش نعرف هاد التدابير الله يعطيك الصحة

صح عيدك حببتي يعطيك الصحة راكي تعبتي معانا وحبتي الدوزان باش تورينا ان شاءالله في ميزان حساناتك ربي يفرحك ام ايمن ❤❤❤❤

يا اختي هذا الوقت الشهرية تخلاص في نهارها لابد دخل زيادة في العاىلة باش تقدري تكوني مرتاحة في بيتك

سلام اختي انا بنت عزباء في دارنا وصفتي انا نصرف على والديا وخاوتي راني نمشي بالبيت الخزين درته جاني 2022 كي دخلت لي دراهم درجات وزيادة جاتني خمس ملاين شريت كل ماهو ضروري فقط وتخيلي يا أمي مزال مكملش بصح وليت كي نجي نطبخ نستحفظ ونخبي ولا خواتاتي بنات كي يجوا يقول عليا مشحاحة يصح انا غير ساكتة تخيلي خلصنا دين نتاع 50مليون بصح كان على ظهري لكن هذا العام في اوت عندنا عرس خويا خويا هذا من نوع ياكل ويشرب بصح ميدخل حتى حاجة وهوا خدام انا قررت نحبك بيت الخزين ونخبي دراهمي قلت لأمي نجبد روحي بأه متقولش مرت خويا راهي تحكم ومشحاحة على مصروف قلت ندير مستقبلي لروحي احسن ليا لانوا مكانش لي يخدم فيا بحكم انا الأخت الكبيرة وعمري 3€ ومزال مكتوب الحمد لله موظفة

يعطيك الصحة غير منعندك لي نفهم على بيت ااخزين واصلي معانا رانا معاك فالتحدي

مشاء الله ولا قوة الا بالله و يعطيك الصحة على الشرح

انا نقولك صحه عيدك نشكروك منهدا منبرا عله تدبير مصروف خزنت لرمضان في كلشي نحتاجه حمد الله فوتها روعه ماتخصيتش

الله يبارك مشاء الله

أولا صحا عيدك اختي وكل عام وانتم كامل بألف خير .ثانيا شوفي صبرينة أختي والله غير فهمتك وحفزتيني بربي إن شاء الله الشهر هذا نبدا بيت الخزين بالصح مافهمتش وقتاش وكيفاش نبدا نستهلك من بين الخزين ؟ اسكو نبقى نشري ونخبي برك ولا كي ندير كلشي نقعد ما نقضيش حتى نستهلك كلشي ونعاود نبدا من الصفر وشكرا جزيلا على معلوماتك وتحفيزاتك حنونة

اختي صبرينة الله يبارك نصاءحك في القمة عقلك يوزن بلد مشاء الله

بارك الله لك .استفدنا منك حقا جزاك الله خيرا. لاتنسين تغطية الذراعين اثناء التصوير.

الحمد لله فهمت يعطيك الصحة صابرينة❤❤❤❤❤

ممكن تقولينا رأيك ف ازيس لي تشريه من الكاميو