Рет қаралды 2,357
L'AGHJU INTESI
L'aghju intesi cantà
Una sera à la festa
Cù una fede sincera
Quandu a voce s'intesta
L'aghju intesi cantà
In vindemie o à l'aghja
Stantendusi u pane
Cù zappone o cù staghja
L'aghju intesi cantà
In chjesa tante volte
Per matrimonii o interri
Intrunendu e volte
L'aghju intesi cantà
I pueti à la Santa
Fin chì a musa stuzzica
Chì manc'unu ùn si pianta
L'aghju intesi cantà
À babbu è à babbone
È di iss'arte agarbatu
M'anu datu a passione