والله اني ماحب الصد والانعزال
مير انا بالهموم الكايدات ابتليت
هيه ياجور همي ممكن اسال سؤال
انت ماغير صدري فـ الاوادم لقيت
رح ترا به صدور وساع واطوال بال
تدخل الصدر كنك داخلن وسط بيت
طال صبري على كثر الشقى والنضال
معك ماقد فرحت ومعك ماقد سليت
كل ماقلت زيني ياصدوف اليال
استوت بالظروف الطاريه واستويت
ودي احيانً ابكي بس مالي مجال
عندنا عيب لامنك تعبت وبكيت
وعاد انا من رجالن فالمواقف جبال
رجلهم فالعلوم الكايده يستميت
عزمهم من سباع وصبرهم من جمال
وصيتهم فارقن بالطيب عن كل صيت
بس عاد الكلام الي مايبغى جدال
دام حظي شقابي فالحياه وشقيت
شوفو الي يباله هم قولو تعال
عندي هموم كبر المملكه والكويت
كلمات #سعيد_الرمضاني
اشترك وفعل التنبيهات في قناة محمد فهد الرسمية للحصول على أحدث إصداراته الفنية
bit.ly/2CP7XUt
__
لمتابعة محمد فهد عبر صفحات التواصل الاجتماعي:
Snapchat: / mfqqfm
Instagram: / mo7ammed_fahed
لحفظ وحماية حقوقك انضم الى عائلة الفان
dashboard.alfangroup.com/apply