رَحِم اللّـہ الشيخ يوسف ♥️

اللهم ارحمه واغفر له واعف عنه وعافه وأكرم نزله

اللهم ارحمه واسكنه الفردوس

نطلب من صاحب القناة ان يكتب تاريخ كل محاضرة على الفيديو

علامہ شیخ یوسف القرضاوی کا سانحہ ارتحال پر ملال قرضاوی دعوت و عزیمت کے پیکر تھے علامہ یوسف القرضاوی اصلا مصری تھے لیکن الإخوان المسلمون پر مصر کے ظالم و جابر اور امریکہ کے آلہ کار زر پرست حکمرانوں کے مظالم کی وجہ سے قطر میں پناہ گزیں ہوگئے تھے ۔ جامع ازہر سے ڈاکٹریٹ کی سند یافتہ تھے قطر میں میری ملازمت کے دوران وہ قطر یونیورسٹی میں شعبہ اسلامی اسٹڈیز کے صدر تھے ۔ حکومت قطر نے ان کو قطری شہریت دیدی تھی ۔ قطر کی شاندار اور مشہور مسجد عمر بن الخطاب میں جمعہ کا خطبہ دیتے اور نماز پڑھاتے تھے ۔ ان کا خطبہ بہت علمی اور مواد سے بھرا ہوتا تھا ۔ اس میں زیادہ تر مصری تعلیم یافتہ شریک ہوتے تھے ۔ میں مسجد کے قریب رہتا تھا اس وجہ سے جمعہ کی نماز اسی مسجد میں پڑھا کرتا تھا ۔ نماز کے بعد ان سے مصافحہ اور سلام کرنے کا موقع مل جاتا تھا ۔ ایک بار مسجد امیری میں ان کے پیچھے تراویح کی نماز پڑھنے کا بھی موقع ملا تھا ۔ اتنی بڑی اور عظیم علمی شخصیت کو بہت قریب سے دیکھنے اور سننے کے مواقع ملے ۔ مفکر اسلام علامہ ابوالحسن علی ندوی رحمہ قطر کی وزارہ اوقاف کی دعوت پر قطر تشریف لائے تھے تو علامہ القرضاوی ان سے ملنے ہوٹل میں تشریف لائے تھے ۔ وہاں بھی بڑے قریب سے ان کا دیدار ہوا تھا ۔ قرضاوی عالم اسلام کے مشہور و معروف عالم دین ، فقیہ و مجتہد اور اہل قلم ہونے کے ساتھ پرجوش مقرر بھی تھے ۔ ان کو عالم اسلام اور امہ مسلمہ کے علاقائی اور عالمی مسائل سے بڑی دلچسپی تھی اور ان سے متعلق موضوعات پر خوب دل کھول کر اور پر جوش تقریریں کرتے تھے ۔ ان کے اندر دعوت دین کی بڑی تڑپ تھی اور وہ صبر و عزیمت کے پیکر تھے ۔ ان کی تصنیف فقہ الزکاہ پر انہیں شاہ فیصل ایوارڈ سے نوازا گیا تھا ۔ ان کی ایک مشہور تصنیف ' الحلال والحرام ' علماء عرب میں بہت تنقید کا نشانہ بنی تھی ۔ علامہ القرضاوی عربی زبان و ادب کے ماہر ادیب ہونے کے ساتھ ساتھ قادر الکلام شاعر بھی تھے ۔ وہ دوحہ قطر کی أمسية شعرية میں شریک ہوکر اپنا کلام سنایا کرتے تھے ۔ اس کے علاوہ قطر کی سماجی زندگی اور پروگراموں میں کثرت سے شریک ہوتے تھے ۔ علامہ قرضاوی کا دارالعلوم ندوہ العلماء سے قلبی تعلق تھا اور وہ ندوہ کو رجال پیدا کرنے والا علمی ادارہ کہا کرتے تھے ۔ مفکر اسلام علامہ ابوالحسن علی ندوی رحمہ کے بڑے قدرداں اور مداح تھے ۔ وہ ندوہ تشریف لائے تھے تو ان کے متعدد پروگرام ہوئے جن میں انہوں نے اساتذہ اور طلباء کو خطاب کیا ۔ بعض پروگرام میں علامہ ندوی رحمہ بنفس نفیس شریک ہوئے تھے ۔ وہ ٩٦ سال کی طویل عمر گزار کر اپنے مالک حقیقی سے جا ملے ۔ اللہ ان کی لغزشوں سے درگزر اور ان کی مغفرت فرمائے اور ان کے درجات بلند فرمائے اور ان کو جنہ الفردوس میں جگہ عطا فرمائے . امین ان کی وفات کے موقع پر یہ مختصر تحریر سپرد قلم کرنے کی سعادت و توفیق نصیب ہوئی ۔ آسماں تیری لحد پر شبنم افشانی کرے سبزہ نو رستہ اس گھر کی نگہبانی کرے ڈاکٹر محمد لئیق ندوی nadvilaeeque@gmail.com