الله يجزاك خير … اجتهدت وأفدت

عيد مبارك وكل عام وانتم بخير وصحه وسلامه يارب العالمين ياكريم طريقة جيده لاكن تقدر تشتري البرسيم جمله وقت الصيف يكون ارخص وكذلك استخدم للامهات مكعب افضل ورخص من الشعير او نقع الشعير افضل طبعا اذا الحلال في الصحراء يكلف اقل وكذلك اقل امراض

الاخ يتكلم عن حسبه متوسطه. لاكن اذا تقدر اكرم حلالك يكرمك. بعد توفيق الله رح تزيد نسبة المتاومه وترتفع صحة الحلال. باذن الله

مشروع ممتاز .. وشرح وافي ، لكن فيه حاجة مهمة جدًا اللي هو اقتناء الحلال الزين والجروم الطيبة عشان اللحم وعشان أيضًا اذا جيت تجلب للسوق تبيع بالسعر اللي يناسبك مع العلم ان صارفيتك على حلال وسط او اقل من الوسط هي نفسها مع الحلال اذا كان زين جرم ولحم

على الحسبه ذي مافيها غير الخساره

السلام عليكم أسعدكم الله وبارك في جهودكم ناوي بإذن الله أقتني ٢٠رأس من النعيم أو الحريات كم بيكلف أكلها شهريا

تحية طيبة هل هذا التقدير مناسب للضأن النجد احجامها عادي ماهي من النجد الجروم

الحين مرت سنه على المقطع ممكن تعلمنا وش صار معك وهل حققت ارباح او خساير نبغى تجربتك

اخي الكريم الافضل والاربح ماديا الانتاج والتربيه او التسمين او البيع والشراء مباشره وشكرا

سلام عليكم هل تعليف الغنم برسيم اخضر يفرق عن اليابس

بيض الله وجهك وجزاك الله خير الجزاء على هذه المعلومات المفيدة لكن ياليت تحدد سلالة الضان لأن الشرح هذا والتكاليف هل هو محصور على سلالة معينة من الضان مثل الحري أو النعيمي أو النجدي علماً أن النعيمي نادر اللي تكون فيها نسبة متاومة والنجدي تستهلك أعلاف كثيره وشكراً لك أبو عادل

البرسيم ثلاث ربطات بوجبة وحدة ولا وجبتين

اللي ماعنده مزرعه لا يفكر بالحلال وتربية المواشي الاعلاف غاليه جدا

سلم لي على مشروع دواجن الاحم عزالله ذهب وانت مرتاح تطلع في الشهر حوالي 50 الف ريال وحتى العلف غالي زي الاغنام لكن علف الدجاج تقدر تصنعة لكن علف الغنم مالك الا التجار

اتوقع انك تصنع صارخ وترسله للفضاء اسهل من انك تربي غنم وتربح منها

اتوقع بالغت بمقدار الشعير اليومي

مكاسب الحلال في السرحه حلال مايسرح ماتعين منه مكاسب كثيره

هذي حسبه مبالغ فيها الميه رأس من الغنم يسدها كيس واحد ابو 40 كيلو بستين ريال وقطمه برسيم واحده يومي وتقدر تعوضها بالرودس والعلاجات والتينه حتى لا تبالغ فيه أنا تاكل علي الغنم ميه رأس شهري 4990 أقول اللي يبا غنم منتجه ويبا مكسب لا يبالغ في التعليف والعلاجات واذا كنت تبا تربيها فتره وتبيعها يعني تباها تولد وتبيعها اقوللك اكرمها واذا كنت تباها منتجه لا تكرمها بالحيل وسلامتكم

السلام عليكم انت حسبت التكلفة خلال 8اشهر اول ما ولدت الام وهذا خطاء

بإختصار ماشي فائدة في التربية للحلال

يعطيك العافية ، وش سبب انه العامل يغطي ١٥٠ من الماعز في حين انه يقدر يغطي إلى ٢٥٠ من الضان ؟ هل الماعز يحتاج شغل اكثر ؟؟ ياليت جواب كافي لا هنت

يعني حسبتك الراس الواحدة تأكل باليوم 750 جرام من الشعير و 500 جرام من البرسيم على طول السنة....يعني المطفل تحتها طلي او طليين ونفس كمية الأكل المعروف ان المطفل تحتاج كمية أكل دبل عن النعجة الفاضية لإرضاع طليها او طليانها التوم بهذة الكمية تضعف النعجه ولا تستطيع اشباع طليانها من الحليب ولا تستطيع الحناية لدورة إنتاجية ثانية خلال سنة واحدة

والله غاليه التكلفه جدآ بالسعوديه

للأسف حسبه خاطئه وكلام ماله جدوى ليش ماذكرت المكعبات والاتبان

لو شخص عنده مزرعة وغرفة استنبات شعير بتنصحه يربي حلال ؟؟

طيب عادي انا الحين موضف بمحل عادي مثلا الصبح للعصر اربي حلال والباقي بالدوام خذون عقد عقلي

حسبتك غلط 100تكفيه كيس وحد وبلكتين برسيم

كيف ثلاث ربطات برسيم في اليوم لازم ٦ ربطات وكيس ونص

كلامك على ماتمة ولكن لو المربين للحلال سواء ضان اومعزى في الأول والأخير التوفيق بيد الله سواء ربح اوخسارة اوحتى نفوق الحلال مع الاخذ طبعآ بالأسباب عندنا في الديرة في الجنوب كثير مربين للحلال والكثير متقاعدين اوحتى ماعندهم راتب شهري إلا الظمان او حساب المواطن يعني مبلغ قليل يالله يغطي مصاريف البيت ولكن عندنا في المنطقة كثرة الأمطار وبالتالي ينبت الرعي على مدار السنة جميع الاشجار والحيا إللي يحبة الحلال ولاتعتمد على الشعير أو البرسيم إلا قليل جدا والحمدلله لذلك هذة الرعي للحلال يكون زي الفيتامينات لانة على نزول الأمطار وبالتالي يقل عدد النفوق وحتى الأمراض لأنها تعتمد يوميا على تسريحها وتكون التربية ناجحة حتى بدون عامل وأيضا التوفيق بيد الله

لابد من تنويع الأعلاف فمثلاً الرودس صحيح انه قيمته الغذائية منخفضة لكنه اقل تكلفة والتبن أرخص من البرسيم ومهم جداً في زيادة المتاومة وإعطاء الشعير يكلف ويذهب أكثره مع الفضلات حيث أنها لانستفيد منه كاملاً لكن لو وضعنا الشعير في الماء وبعد يوم يكون سهل الاجترار به وتنتفع به وكذلك المكعبات تفيد أكثر من الشعير اذا يضاف اليها بعض العناصر والاملاح والفيتامينات وكذلك الحبوب ذات البروتين العالي مثل الفول والذرة وغيرها وتستفيد من المكعب اكثر من الشعير والمتاومة تحتاج الى عمل اولاً تعطيها بعض المواد الغذائية مثل الشعير والنخال وكذلك تمر أو دبس وتعطيها فسفور وسلنيوم فيتامين هـ وتزيد في اطعامها قبل هداد الفحول عليها وذلك لمدة (١٤)يوم والفحول ايضاً تحتاج الى عناية اولا عزلها قبل الهداد بشهرين ويجب ان تبعدها عن الأناثي بحيث لاتسمعها ولاتشم رائحتها وتحاول أن الفحول في مدة العزل تسرح وتمشي فيزيد ذلك من الخصوبة بعد أسبوعين من اطعامك للأناثي ادخل الفحول عليها فمجرد دخولها توابل او تدار الاناثي اي تبغى الفحل فبإذن الله ترى توائم اثنين وثلاثة ولكم تحياتي

ي رجال حسبتك مبالغ فيها

انا اشوف الواحد ما يجازف ويأخذ 100 وفوق الافضل يأخذ من 40-50 راس ويكسب منها وهي تتكاثر مع الوقت 100 راس يطلع لك فيها العوده واللي ديودها ماهي سلم واللي ما تضرع واللي تنفر عيالها والوجعانه

من حسب مازرع عذا كلام فاضي والله العضيم كلام بربسه وكلام يفقع الكبد

انا كل عمري مع الحلال لكن شغل بدو وغنم الوالد ومافيه فوايد الان ابي اكون غنم نعيم لوحدي لكن سؤالي هل من الممكن ان الحلال يلد مرتين بالسنة كل ٦ شهور ولدة باستخدام الاسفنجات