العمل في التوصيل في كل البرامج 1. طفش بفلوس 2. تخريب السيارة 3. المبلغ لايفيد فقط مصاريف 4. راتب الوظيفة أفضل واوفر 5. أعمل واجتهد وغيرك يستفيد (بالمليارات) 6. تخسر في صيانة السيارة الدورية والقطع 7. لماذا لاتوفر شركات التوصيل السيارة 8. المندوب يخسر حق البنزين وصيانة السيارة وأغلب المناديب خسرو سياراتهم وصوتهم غير مسموع. 9. دخل الإعلانات للشركة فقط. (وأرجو المعذرة من الجميع) ملخص تجربتي بعد الفصل عن الوظيفة.

السياره تتدمر وفي الاخير كل الي تطلعه يروح في بنزين كفرات زيت و صيانه السياره من الفرفره ناهيكم لو صار حادث الله يعينك على تكلفه الاصلاح وفي الاخير برنامج التوصيل او شركه التوصيل تجيها فلوسها وهم تحت التكييف يعني في الاخير هم الكسبانين فقط ف نصيحتي لا احد يشتغل ها الشغله.

اقسم بالله اني اشتغلت ٣سنين وكل اخر السنه مافي معي حتى ٥الف صافي وسبت الشغل والحمد لله حصلت شغل بالراتب ولكن افضل من النوم بالبيت

اول ما طلع التطبيق كان البنزين رخيص وهنا الفايدة اللي تاخذها ككابتن ، الحين مهمتك تعبي بخمسين عشان توصل ٤ طلبات قيمتها خمسين وتحطها بنزين في السيارة مرة ثانية ، يعني كل اللي جالس تسويه جلسات ترطيب بالبنزين للتانكي

للأمانة والمصداقية تطبيق مرسول هم الربحانيين صح أما المناديب فهم مجرد عبيد لزيادة ثروات أصحاب هذا التطبيق التوصيل ومن على شاكلته من البرامج التي تعمل مثل هذا النشاط سواءٍ مناديب توصيل طلبات او أفراد ياليتهم يفكرون شوي بعقولهم ولايسلمونها لاهوالاء كونوا أحرار

سعر التوصيل لا يزيد عن ١٢ ريال غاليا ويحتاج لك وقت تطلب وتنتظر وتقدم فلوس من عندك احيانا واحيانا العميل يسحب عليك وما يرد وتتحمل قيمة الطلب وتخسر مقابل التوصيل والمصيبة ان مافي رد من خدمة عملاء مرسول ولا في تعويض وهذا ما حصل معي شخصيا ....

كذاب صاحب الشركه، انا شغال بمرسول يجيك طفس وجزء كبير تأخذه الشركه من قيمة المشوار، مثلا التوصيل عند الزبون يطلع ٣٠ ريال، لكن المرسول انا فائدتي فقط عشرين ريال ولا أقل احيانا قريب النص من قيمة المشوار يروح عموله للشركه! انا بس ١٣ ريال وهذا اقل مشوار لأقرب مسافه والشركه تاخذ ٩ او ٥ ريال ليش! ثانيا الربح قليل جدا مقارنه مع بعد المسافه وصعوبة تنفيذ بعض الطلبات الصعبه يعني يبغاك الزبون تعبي خمسه سلندر غاز وبعيد عنك مكانه ويصيع وقتك آخرتها لك ١٣ ريال بس! او تروح مطعم البيك اوقات ذروه ويك ايند تصف طابور ماعنده مسار خاص للمناديب تخيس انتظار وضياع وقت وتعب وربحك ١٥ ريال بس! بالنهايه انا شخصيا اذا محظوظ واجتهدت اطلع باليوم بالكثير ٨٠ ريال هذا بتوفيق وطلبات بدون مشاكل ومافيها صعوبه او بعد مسافه، المتوسط تطلع ٣٠ باليوم فقط واحيان ماتحصل شي يسوا مايجيك الا مشوار وحيد كويس ابو ١٣ / ١٦ ريال فقط

اذا انت طالب جامعه و تخلص المكافأة بعد اسبوع اشتغل مرسول نصيحه

الفائدة الوحيدة أنك عندما تجد وظيفه بعد مرسول تحمد الله عليها بعد تجربتك لمرسول

العمل في التطبيقات هذي خساره لامور كثيره البنزين والكفرات وزيت المحرك واستهلاك السياره بشكل عام والوقت الي تاخذه في الطلب الواحد مره والنسبه الي تاخذها التطبيقات عن تجربه في اغلب تطبيقات التوصيل كلها ماتنفع

الفائدة الوحيده انك عندما تجد وظيفة تحمد الله عليها بعد تجربتك مع مرسول وهنجرستيشن

اشتغلت في مرسول تقريبا سنه الحقيقة اذا انت ساكن بدون إيجار تنفع معاك مصاريف للبيت لكن الي مستأجر ما تخارج ابدا ابدا ابدا

نصيحة لوجه الله لا تفكر تدخل معاهم كا مندوب حقك ضايع ومافي خدمة عملاء يسحبون عليك والله سحبوا علي وضاعت مني 300 ﷼ مع اني معي كل شيء وفواتير و الحق معي بس حسبي الله ونعم الوكيل

فيه اعتبارات كثيره ماذكرتها، ٤٠٠٠ احسب حق البنزين، احسب حق تغيير الزيت، احسب حق تغيير الكفرات، هذا غير استهلاك من عمر السيارة، باختصار مافيها مكسب الا انك تكسب قوة يومك فقط يعني حق عشاك وقهوتك لكن سالفة تجمع فلوس صعبه

حبيبي احسب البنزين واحسب الزيت تطلع مكسب 5 ريال في اليوم في الشهر 150 هاذي الحقيقه

بعد تجربتي مع مرسول ..افادوا الشباب بغلب النقاط كأستهلاك البنزين والصيانه ووالخ ..بس مرسول صعب التواصل معاهم في حال صادفتك اي مشكله وغير ان مايحميك من نصب او اخطاء الزباين ..انا انصب علي اول يوم اشتغلت فيه ب ٣٠٠ ريال واحد من خوياي ب ٥٠٠ ريال صحيح النظام لايحمي المغفلين بس مافي حزم او متابعه وحمايه للمندوب خاصه الجديد… الشغله الثانيه لو شركات التوصيل تحس ع دمها ع الاقل تمشي راتب للمندوب القديم او المواصل ع الاقل ٢٠٠ او ٣٠٠ ريال تدعمه لمصاريف بنزين وصيانه وغيرها ولابيضرها شي

والله اول ضحية للتوصيل سيارتك المكسب الوحيد انك ما تطلب من الناس ولكن اعرف انك حتحط كل اللي جمعته واكثر تصليح للسيارة

نصب واستغلال من الشركة للمندوب مشوار بيت العميل يبعد ٢٠ كيلو احسبها رايح وجاي يطلع ٤٠ كيلو غير الزحمة وطرق معدومة داخل الحواري وانتظار في المتاجر من ١٥ الى ٣٠ دقيقة ب ٢٠ ريال يخصمون منها ١٠ او ٩ ريال ايش باقي لك وللبنزين وللسيارة غير عملاء النصابين اللي يقولك جوالي معلق مايقبل الدفع في التطبيق ويقول احولك وانتظر الين يحولك اذا حولك اصلا...

جزاك الله خيراً اخي

7000 الاف رقم صعب ومبالغ فيه اذا اخذت في الاعتبار نوع السيارة واستهلاك البنزين ووقت العمل

احسن شي تشتغل بالدباب مرة ما ينفع بالسيارة وتطلع مكسب حلو بسبب توفير بنزين و صيانة رخيصة للدباب

شركات نصابه تاخذ نسبه توصل ل 30٪ و الضريبه ع المندوب وهي 15٪ يعني وهم جالسين ياخذون نص المبلغ غير ان ترا مثلا الوجبه فالمطعم ب 17 هم يحسبونها ع العميل ب 20 😢😢

والله ما يجيب الصعوي واغلبه الزباين تنصب عليك وشرط ما تسحب فلوس المحفظه الا عن طريق استي سي باي مافي تدخل حساب بنكي والطلبات تجيك بسعر ١٣ ريال واذا ذبحت نفسها توصل ب ٢٠ ريال ومي كثيره الطلبات وتكنسل اذا كنسل الزبون ما تقدر تكنسل تروح تشري الطلب وتواصل مع الشركه ساعه تظل واقف عشان ما يغرمونك لا تصدقون كل شي

حربي!! ونعمممممم ولد العم 🫡 بس تكفى لاتحط اغاني ب مقاطعك تاخذ اثم كل من يسمعه ومن ترك شيء لله عوضه الله خيرا منه

٤ الف مجموع وساعات العمل ١٢ ساعة الصافي بعد البنزين وصيانة السيارة ٢٥٠٠ او ٣٠٠٠ اذا ماوصلت ١٨٠٠ ولا اقل انا اتفق مع الشباب انها شغل للمصروف اما اساسية ما انصح

قال صلى الله عليه وسلم : من لزم الاستغفار جعل الله له من كل ضيق مخرجاً ومن كل هم فرجا ورزقه من حيث لايحتسب 🌷🙏🏻

اشتغل حارس وانا جالس واخذ ثلاث آلاف ريال ولا تمحط بالشوارع صرف بنزين ويبي لك سيارة جديدة بعد كم شهر خربات السيارة ومخالفات وحوادت

توصيل الركاب افضل بس في الاخير ممكن يصير لك حادث بسيط وتخسر خساره ماتتعوض لو عشرة سنين عشان تجيب قيمة تصليح السياره زي ماصار معي انصدمت سيارتي وانا انتظر زبونه تنزل وحملوني الغلط ١٠٠٪ قيمة إصلاح السياره تجاوزت ال٧٦الف ريال + السياره لها اكثر من شهرين في الوكاله + تكاليف إصلاح سيارت الطرف الثاني لاكن الحمد عندي تأمين شامل دفعت نسبة تحمل ١٠٠٠ ريال بالنسبه لطريقة شغلي ووقت شغلي هذا صافي دخل اسبوعين الشغل في التطبيقات كويس اذا ماكان في جيبك ولا ريال جاتني ايام ماعندي ولا ريال وطلعت اشتغلت ٨ ساعات تقريبا رجعت ب٢٥٠ريال صافي الشغل حلو بذي الطريقه اما انك تأخذه ك شغل رسمي او ك مصدر دخل تعتمد لا ماتنفع في الختام احب اقولكم انه فلوس هذي التطبيقات ماتقدر تجمعها توقعت انها مشكله عندي انا بس لاكن اكتشفت انه عند الكل فلوس تطير بسرعه

٣ سنوات أشتغل فمرسول، أقدر أقولكم، تتعب وتجمع باليوم ٥ طلبات ومنهد حيلك وتطلع ٧٥ ريال، تخصم منها ٤٠ ريال بنزين وربحك يصير ٣٥ ريال بس، الربح قد بعضكم يشوفه شي واو، لكن ماراح يجيك الا بعد كد وفرفره بالسياره واجهاد عليك وعليها، وفوق هذا غليّ الأسعار والدنيا كلها غاليه مافيه شي بلاش، ف نهاية الكلام " مرسول اشتغل به علشان تطلع حق بنزين مشوار، او قطة عزيمة، او حق زيت سيارتك فقط ".

غير صحيح ٤الاف ذي مع قيمة توصيل شامل ضريبه ونسبة مرسول وممكن يكون ربح مع تكلفة البنزين ٢٥٠٠ ريال ورقم صعب جدا انك توصل ٧ الاف ريال في شهر لان طلبات محتكره وبعض الاحيان قليله وبعض الاحيان بعيده

غير مربح والله يغنينا عنـه

يعتمد على السيارة المستخدمة ديزل او بانزين او يفضل إستخدام دباب هنا مع الحرص على تخفيف التكلفة بشكل عام هنا تصبح مربحه أعتقد

مرسول فكرتها حلوه لكن ماتنفع على سيارتك الخاصة لان مبلغ التوصيل بسيط جدا مقارنة بتوصيل الافراد مثل كريم الشيء الثاني بيشاركونك ب17 ريال وانت بالمشوار الواحد كم تقضي وقت علشان يخلص انا اشوف افضل الموجود وماتبي تقابل زباين وقروشة رح لتوصيل الطرود البريدية مثل سبل والطقه ذي اريح وكلهم بمشوار واحد الصبح تاخذها العصر تكون موصلهم كلهم

1- انتظار الطلب لأكثر من نص ساعه واحيانا ساعه واحيانا اكثر 2- في البدايه الطلبات تكون قريبه من موقعك وبعد كذا الطلب يصير بعيد عليك جدا وبنزين يروح عليك على الفاضي 3- مهما تكون قريب من مكان المطاعم والكافيهات الا ان الطلب يكون خارج الحي اللي انت فيه 4- ليس كل الطلبات تعطيك حق التوصيل المطلوب يعني مشوار قريب اكثر من مشوار بعيد

يا شيخ اشتغل لي كاشير راتبي4 ولا5 بالكثير احسن من التعب ذا تكاليف و بنزين بس كاشير اقعد حاسب كرسي مرتب و مكان مرتب و مكيفات احسن من ذي القروشه

7 آلاف مرة وحدة 🤣🤣🤣

انا اشتغلت في كريم وأوبر ومرسول وسمسا في بداية ظهور شركات التوصيل كان الوضع تمام لاكن الان اعتبرها خساره لانه البنزين غالي وصار كل المحلات توصل من بقالات ومطاعم وغيرها ومات الشغل لذالك خسرت الشركات

17 ريال ولكن ادفع قيمة بنزين دبل + واكسر سيارتي + يمكن اخذ مخالفه ذي كلها حطيها بالحسبان لو تجيك مخالفه راح تخسرك قيمة خمسين طلب

والله اشتغل شهر وطلعت لان الوضع انكشف علشان تصرف بنزين زياده ويربحون لكن خل على دوامك ووفر فلوسك بدون طلعات بشكل سنوي وجمع وسافر برى استانس وغير جو

الشغل مو عيب والله يوفقك ويرزقك بس نص الفلوس تروح بنزين على الغلى الي احنا فيه الحين😔👍🏻

السلام عليكم ورحمة الله وبركاته وشلونكم عساكم بخير اتمنى منكم انكم تدعون لي بشفاء العاجل الله يجزاكم خير

كذبت وما صدقت .. المندوب يخسر وقت وفلوس على الفاضي

من تجربتي اشوفه تطبيق غير ناجح في البدايه كان حلو ونسبتهم قليله وبنزين سعره ارخص اما الحين جهدك بلاش تروح الفلوس بنزين وزيت لسياره واذا حصلت ربح شي ما يجي بالجهد الي سويته كم ساعه عشان ٥٠ او اقل ما استفدت شي تعتبر انت الخسران وهم جالسين يطلعون اكثر منك يالي تنكرف لا شفنا دعم لشباب السعودي ولا شي لاكن الحمدلله دائماً وابدا

العمل بمرسول او اوبر يكسبك مال حاليًا لكنك في الواقع تخسر كل شي. استهلاك كفرات، استهلاك وقت، استهلاك زيت، استهلاك جهد. هذي التطبيقات كد عبودي للمندوب. فالملخص هو انك انت الخسران لما تشتغل مع هالتطبيقات. افتح لك مشروع ولا قدم خدمات الكترونيه وتطلع دبل الشغل مع هالتطبيقات 👍🏻

وﷲ رهيب

الله يغني الجميع عن المذله والحاجه وانت تعتقد شركات التوصيل والتطبيقات .. يهمها بالمقام الاول ياعزيزي (سيارتك) فهي بتوفر تصليح وثمن البنزين على حسابك وكم بيطلع شهرياً/ 7 الالاف ولاشي بالنسبه لها وانت شف اذا خربت سيارتك كم بتدفع 😂

ياخذون نسبه كبيره قريب للاربعين بالميه من دخل المندوب المسكين 💔 جشع

انا انطردت من العمل وسبحان الله مرسول كان رزقي من بعد الله ❤والحين اشتغل كريم واوابر وبولت سبحان مغير الاحول

محد مستفيد غير الشركة العميل ما وده و المندوب مخليها على الله

يا الربع لوجه الله ترني سمعت فيه فايده اطلق من مرسول وغيره فيه ناقل وشركة الاتصالات توزيع شرايح ونون والخير واجد ، ابحث عن الشركة اللي فايدتها قليل او على كل طلب لك عمولة جيدة تسوا ، ولابد لك من سيارة اتحمل وتكد معك وصرفيتها للبنزيم قليله والله يوفقنا واياكم ويرزقنا واياكم من واسع فضله

حلو الاعلان

العمل كمندوب بسيارة خاصة ماهو الا هلك لها مافي فايدة ، ولكن دام الشخص عاطل ولا يملك المصاريف البسيطة او نقول قوت اليوم يعتبر خيار جيد وشوي شوي عالسيارة عشان ماتندم 🙂

اللي يبغي يستفيد من التوصيل اول شي يكون معاه سيارة ماتصرف وأفضل لو تكون كهرباء ياسلام مررره حلوه

طلب ب 20 ريال 4 ريال مرسول 3 ريال ضريبه 13 وش تكفيك واذا العميل عنده كوبون خصم راح حقك كامل ولا يمكنك تستفيد منه 🙂

حسب تجارب الأخوان ماينفع ويحتاج انسان فاضي وسيارة جديدة وفايدتك اصلا قليله وخصوصا اذا المنطقة الي انت فيها صغيرة

يارب بشرنا يخسارتهم ١-استغلال للمناديب ٢-رفع الاسعار على العملاء عمل غير مجدي نهائياً ولن تربح ولا ٥٪؜ كل المبالغ الي راح تستلمها راح ترجعها في سيارتك ومخالفاتك وقيمتها السوقية بسبب زيادة الممشى على خير فائدة او تلف السيارة بسبب بعض الحمولات الحادة او الثقيلة او المتسخة

عن تجربه وبعيد عن كل هذا الكلام انا اشتغلت في مرسول مررره سيء لك ان تتخيل ان الطلب توصله ب20 يجي مرسول ياخذ منك 7 ريال يعني الصافي لك 13 ريال والمشوار بعيد والطلبات كثيره ومتعب مرره صراحه والله مره ماينفع

يجيك واحد شغال مرسول على سيارة قيمتها 50 60 الف ويقولك بنزين بنزين و يشتكي في اوروبا و اميركا تطبيقات التوصيل شغالين على دراجات كهربائية او دباب و يكون كل ارباحه صافي في الجيب بعد نقص نسبة الفايده حق التطبيق اشتغل بعقل وليس بجهد

غير صحيح الكلام ذا الانك بتخصم نسبه مرسول و بينزين والامور حقت السياره بيطلع لك مبلغ ضغيف جداً

🤬 شركات حراميه للأسف يدخلون مليارات سنوياً على ظهر المندوب المسكين والي هو العصب الرئيسي لهذي المليارات لو كان عندهم انسانيه ابسط حقوق المندوب تأمين صحي وبدل بنزين كمكافئه في حال وصل على الاقل ١٠ طلبات مثلا باليوم وبدل خدمة انترنت وزيادة قيمة التوصيل لصالح المندوب في الويكند والاعياد بسبب الازدحام وتأخر الطلبات ويادوب المندوب يدخل ٣٠٠٠ ريال شهرياً شغل ٧ الى ١٠ ساعات يومياً ويرجع للبيت مرهق ومتكسر ( او انسو هذا كله واعطونا سيارات من عندكم والباقي احنا يا مناديب نتكفل فيه راضين ) اتمنى الحكومه تعطي مكافئة شهريه من التأمينات كدعم وتحفيز للمناديب السعوديين لان والله اكثر اشخاص مظلومين في المملكه هم المناديب الي توجه لهذي الشغله ليس شغف بل لان ملقي وظيفه ولا لقي اي من انواع الدعم وقبل كان ياخذ حساب المواطن وقطعوه عنه تعبنا والله ماحد معبرنا حسبنا الله ونعم الوكيل 💔

مرسول كعمل ما فيها شي بس يا ليت لو كل الطلبات تكون مدفوعه أو توفر مرسول امكانية تمويل المندوب لتغطية حاجة طلبات العميل اذ انه العميل احيانا يطلب بمبالغ خرافيه

غير مربح كم صافي لك من 4000 ؟؟ الشركة كم تاخذ من 4000 ؟ بنزين ؟ غيار زيت ؟ كفرات ؟ استهلاك عمر السياره ؟

صديق لي نصحني احمله وحملته وجاني طلب لدكتوره في مستشفى حكومي ورحت اشتريت الطلب ووديته ودخلت في سين جيم مع العسكر و وقفوني بعيد ونزلت امشي قرابة نص كيلو على رجلي ادورها بالاخير على ١٢ريال يعني دفعت ٦٠ ريال ورجعلي ٧٢ مو مستاهله صراحه اني اتعطل قرابة ساعه على ١٢ ريال وهذي وجهة نظري واحلى بلوك للتطبيق ومعه صديقي 🤍🤍.

شركات النصب والاحتيال النظامي : 17 ريال نصيبك في المشوار طيب احسم التالي: بنزين استهلاك سيارتك صيانة سيارتك المجهود البدني تكتشف ان المشوار طالع عليك بقيمة التكلفة ، وهم حطو في جيوبهم 25٪ من قيمته مقابل سيرفر يشتغل و50 موظف في المكاتب

انا الحمد الله اشتغل اوبر من اربع سنوات وكريم سنه والله العمل فيها مربح جدًا وتختلف قيمة المشوار حسب المسافة وعشان تربح صح خل في بالك هدف معين قل بقفل على مبلغ معين وبوقف وعندهم نظام حوافز ممتاز 👌🏻 اذا وصلت عدد ركاب طالبينه منك يعطونك عليه بونص وقسم بالله الشغل موب عيب. العيب اللي يدور الف عذر عشان ما يشتغل.

صراح مرسول كان شغله حلو قبل ثلاثة او أربعة أشهر. لكن الحين لا والله الشغل تعبان جدا يعني بالنسبة لي صرت اوصل طبلت بنسبة ٤٠ في ١٠٠ عن قبل

رصيد الحساب ٧- 😂 واضح انه جميل

الحسبه ماهي زي ما هو بالمقطع ٤٠٤٩ ريال إيراد، طيب كم المصاريف؟ سيارتك كم كيلو متر مشيت عليها بمشاوير مرسول؟

يا رجال سوي فديو على ليبيا و الثروات و الكهرباء و كل شي في شورتاتك حطو لايك عشان يشوف التعليق بليز

أهم شيء تصليح السيارات باستمرار

لا يغركم المبلغ تراه كذب

حبيبي احسب البنزين بعدين اعرف كم طلعت لان كل شغلك على السياره

٧ الاف في الشهر نقص منها ٣ الاف بنزين ونقص ٢٥٠ زيت ونقص منها ٣٠٠ استهلاكيات متفرقه ونقص منها ٥٠٠ريال سعر ممشاك بالسيارة لانه يفرق في البيع يصفى لك ٢٩٥٠ تقريبا وانت تعبان وشافي شقى

يعني الربح الصافي اللي ممكن تطلع هو الف ريال بالشهر مو اكثر …. طبعا إذا اشتغلت مثلا ١٠ ساعات في اليوم

من ربح الى البنزين الى اصلاح سياره والنتيجه هي هو انت انت لاتزيدك ولا تنقصك

خذلك دباب عجيب سعره رخيص ووصل طلبات ولا تشيل هم بنزين ولا هم الزحمة. وطلع راتب موظف كاشير في جرير هههههههههههههههههه

من تجربه مرسول صارت الطلبات قليل مو مثل اول قبل سنه وثانياً الدخل الصافي من طلب واحد اقل شي ١٣ ريال اذا المكان قريب مره ثالثاً اشتغلت ٥ ساعات طلعت ٦٠ ريال صافي ربح وماتستاهل الدوران ذي واللفلفه ودوخه

يا جماعة وش افضل تطبيق توصيل من واقع تجربة؟

حتى الاجانب هربو من مرسول🤣🤣

فن التسليك و التطبيل 😂😂😂

للأسف شركات التوصيل لا أدري هل يوجد عليها رقابة، يستغلون المندوب، هم يربحون الكثير والمندوب يأخذ فتات، يشتغل هو وسيارته وفي الأخير ما يقدر يرفع او إذا رفع يصلح السيارة، وعندهم ظلم حتى إذا لم تخطأ يحملوك غرامات.

الشغل فالتطبيقات هاذي لاباس اذا تدور حق بنزين واكلك وقت الطفره اما شغل دايم ما انصح انت شاري سيارة بمبلغ وقدرة لو هي يارس ماهي رخيصه عليك فالاخير انت قاعد تستنزف سيارتك الشخصيه

الله يجزاك خير، لكن يالأخ لو تتجنب الموسيقى

العمل صار سيئ عندهم بشكل كبير يأخذون تقريباً نصف المبلغ ضريبة وعمولة بالإضافة إلى سعر التوصيل القليل اصلاً والمندوب لا يستطيع إلغاء الطلب بينما العميل يقدر. وسياسة التعويض فاشلة

قسم بالله ما تكسب الا غداك وعشاك 😂

يارجال سيء مرة ، غير مربح ولايعتمد عليه نهائيا ، انا مسؤل عن كلامي

كلها تروح في البنزين و المخالفات و الزيت وتهلك السيارة بأسرع طريقة

اللهم صِل وسلم على نبينا مُحمد ♥️.

مرسول على سياره ما يصلح الافضل على دباب تكاليف أقل وممكن تعب لان مافيه مكيف لكن السياره متعبه من الناحية المالية لو وصلت طلبات باقل سعر 12 12 - 20% = 9.6 9.6 - 3 بنزين = 6.6 عشر طلبات = 66 3 × 10 = 30 بانزين طبعا حسبت 10 طلبات باقل سعر ممكن ما حسبت الزباين الزفت 66 × 30 = 1980 -- 135 زيت سيفون -- 400 كفر امامي = 1445 أقل تكلفه فالشهر من غير صيانة السياره و ديون مرسول لو أتشتغل على دراجة ناريه لن تحتاج الى هذه المعادله الصعبه 30 ريال فالبنزين وطر لتوصيل الطلبات وبارخص الاسعار دون ملل يوميا وتحصل على 2430 ريال أقل ربح ممكن تحصل عليه من دراجة ناريه هذا ان لم يصدمك درايفر ولو اشتغلت على سعر عالي نقول 15 ناقص 20% =12 -- 1.5 بنزين 10.5 × 10 = 105 × 30 = 3150 ريال وما اعرف سعر الكفرات ولزيت وباقي الاشيا

بختصار الفايده لمحطات البانزين اغلب اللي تطلعه بتصبه بانزين وسلامتكم

انا اشتغلت في شركه مرسول فتره ليست بسيطه العائد لا يستحق ان يذكر وفيه مذله ومره اتنصب علي طلبو مني اشتري شحن جوال رصيد و ارسلو لي صوره حواله وهمية وانا صدقت وراحت علي ٣٥٠ ريال وانا طلبت شركه مرسول تعطيني رقم الزبون ومعلوماته لكن مافي فايده وتركت الشغله لانها جدا متعبة نصيحه لا تشتغلون مرسول نصيحه

انا شغال في مرسول صارلي سنتين وصلت فيهم ١٤٥٠ طلب كنت اشتغل حدود ٦ ساعات في اليوم اطلع حدود ١٥٠ ريال الى ١٨٠ ريال وبصراحة سيارتي انهلكت وكلفتني الكثير لاتقول راح اركز في الطريق وما اسرع بيجيك زبون يربشك طبعاً البنزين مستحيل تعبي اكثر من ٥٠ ريال في اليوم يعني بتصفي نهاية اليوم بعد الاكل والبنزين حدود ٧٠ ريال نعمه ولاكن في الفترة الاخيرة صرت اخذ ٤ طلبات فقط اطلع منها ٥٢ ريال واختار الطلبات القريبه جداً يعني يدوبك تخسرني بنزين وخلاص اروح بيتي طلعت حق يومي وبجهد اقل والسلام مسك الختام

العمل في مرسول مكلف على السيارة غير البنزين والزيت والكفرات والمخالفات ساهر والكسبان الأكبر هو صاحب الشركة وحتى شكواك مو مسموعة والمشوار مايعدي 17 ريال

تطبيقات التوصيل مثل الزواج الحضور الفين والمستفيدين اثنين😊😊😊

هذه مو الصوره كامله ، المفروض زي ما توريني كم دخلك تعلمني كم كلفك توصيل هذه الطلبات وبعدها تشوف هل هيه مجدية اقتصاديا ولا مش جايبة همها .

الشغل بالتوصيل يبي لك سيارة تودعها من اول طلب ورب البيت شغال هنجر وماقدرت اسوي العكوس والسيارة يارس اخذتها نضيفه لدرجه كبيرة جدا وماصارلي غير 5شهور عدمتها بسبب الحفر والمطبات والاستهلاك اليومي لسيارة

اعجبتني رسالتك. وصلت المعلومه 👌

تقريرك غير مكتمل كم عدد الساعات الي اشتغلتها وكم طلب جاك خلال اليوم والمبلغ الكاش الي يصير متوفر معك

انا اشتغلت في مرسول متوسط سعر التوصيل 20 . متوسط وقت توصيل الطلب 30 دقيقه. كنت اشتغل خمس الى ست ساعات اقفل عشر طلبات يصفى في جيبي 150 الى 120 ريال يوميا.. الباقي تروح بنزين وعموله... ماحسبت صيانه وزيت ومخالفات انت وشطارتك ...سيارتي كان كيا بيكانتو استهلاك بنزين ممتاز جدا وما اصينها

مرسول كويس بس ودي يكون الدفع مسبق لطلبات