‎ لە (صحیحین)ندا هاتووە كە پێغەمبەرى خوا ﷺ فەرمووى: ((يأتي الشيطان أحدكم فيقول من خلق كذا؟ من خلق كذا؟ حتى يقول من خلق ربك؟! فإذا بلغه فليستعذ بالله ولينته))(2). ‎واتە: شەیتان دێت بۆ لاى یەكێكتان و دەڵێت: كێ ئەوەى دروست كردووە؟ كێ ئەوەى دروست كردووە؟ هەتا دەگاتە ئەوەى كە دەڵێت: كێ پەروەردگارتى دروست كردووە؟! جا ئەگەر گەیشتە ئەوە ئەوا با پەنا بگرێت بە خواو كۆتایی پێ بهێنێت. وەكو چۆن هاوەڵان وتیان ئەى پێغەمبەرى خوا هى وامان هەیە شتى وا لە دڵیدا دروست دەبێت كە ئەگەر لە ئاسمانەوە فڕێی بدەنە خوارەوە پێى خۆشترە لەوەى كە بەدەم بیڵێت وئاشكراى بكات. ئەویش فەرمووى: " ذاك صريح الإيمان ". لە ریوایەتێكى تردا هاتووە كە دەڵێت زۆر بە گەورەى دەزانین ئەگەر بیڵێین بە زمان. ئەویش فەرمووى: " الحمد لله الذي رد كيده إلى الوسوسة ". واتە روودانى ئەم جۆرە وەسوەسانە لەگەڵ ئەو ڕقە زۆرە لێى و پاڵنان و دەركردنى لەدڵ ئەوە خودى ئیمانە ونیشانەى باوەڕە. “دز ناچێتە ماڵێک کە چۆل بێت یان هیچی تێدانەبێت شەیتانیش کەسێک خۆی ئیمانی نەبێت ناچێت وەسوەسەی بۆ دروست بکات تەنها بۆ کەسانێکی دروست دەکات کە ئیمانیان هەیە. وە پێغەمبەرى خوا ﷺ چارەسەرى كاریگەر و سوودبەخشى بۆمان ڕوون كردۆتەوە كە شیفاى تێدایە و فەرموویەتى: ((فليستعذ بالله ولينته)) . واتە: با پەنا بگرێت بەخوا و كۆتایی پێ بهێنێت. جا ئەگەر مرۆڤ كۆتایی بەوە هێناو بەردەوام بوو لەسەر عیبادەتى خوا بە حەز و تامەزرۆییەوە بۆ ئەو پاداشتەى كەلاى خوایە ئەوا ئەو وەسوەسەیە لادەچێت ئایە گوناهبار دەبیت؟ وەڵام : وەكو پێغەمبەرى خوا ﷺ فەرموویەتى: (( إن الله تجاوز عن أمتي ما وسوست به صدورها ما لم تعمل به أو تتكلم))(5) . واتە: خواى گەورە قەڵەمى نووسینى تاوانى هەڵگرتووە لەسەر ئوممەتەكەم لەسەر ئەو وەسوەسەیەى كە سنگیاندا دێت مادام كارى پێ ناكات و بەدەم نایڵێت. بە کورتی (زیادکراوی خۆم) تۆ کەسێکی مسوڵمانی بیر بکەوە کە شەیتان شتێکی خراپ یان کوفرێک دەهێنێتە مێشکت بیر بکەوە ئایا دەوێریت بە دەم بیڵێیت؟ بێگوومان نەخێر کەسی مسوڵمان هەرگیز نابێت کوفر بکات بۆیە ئەو کوفر یان شتە خراپانەی دێتە خەیاڵت تەنیا وەسوەسەی شەیتانە بۆ ئەوەی خەمبارت بکات چونکە پێی ناخۆشە مسوڵمان دڵخۆش بێت و چێژ لە يیبادەتەکانی ببینێت. وە ئامۆژگارى من لەم خاڵانەى خوارەوەدا پوخت دەبنەوە: 1- پەناگرتن بە خـوا، و بەتەواوەتى وازهێنان لەو وەسوەسەو ئەندێشانە، هەروەكو پێغەمبەرى خوا ﷺ فەرمانى بەوە كردووە. 2- زیكرى خوا و زاڵبوون بەسەر خۆدا لەبەردەوامبوون لەسەر وەسوەسە. 3- ڕۆچوونێكى جدى بۆ عیبادەت وەكو جێبەجێكردنى فەرمانى خوا وبەدەستهێنانى ڕەزامەندى ئەو، جا هەركاتێك بەڕاستى ڕووت لە خواپەرستى كرد ئەوا سەرقاڵ بوونت بەم وەسوەسانەوە بیردەچێتەوە بەویستى خوا. 4- زۆر هانابردن بۆ لاى خوا و پاڕانەوە بەوەى لەم شتە شیفات بدات. وە داوا لەخواى گەورە دەكەم عافیەت و سەلامەتیت پێ ببەخشێت لە هەموو خراپەیەك. خوای گەورە لە کەم و کوڕیم بوورێت ئەگەر هەڵەیەکم کردووە لێم خۆشبێت و داوا لە خوای پەروەردگار دەکەم شیفات بۆ بنێرێت.

@@Bayad-cx5qu الحمدللە مادام شتەکی خراپ نییە 🥰 و گوناح نانوسرێن تەواو