เนื้อเพลง ลายสักการะบูชาหลวงพ่อพระใส
ประพันธ์โดย : ธีรวัฒน์ เจียงคำ
(สูตร)
สิขานไขพากย์ต้าน ถ้อนทอบควมคุณ
ปุนแปงยืนยอนบ น้อมคุณพุทธิเจ้า
ธรรมคุณพุ่นเป็นเหง้า ฮุงแสงสว่างโลก
เทิงสังโฆเพิ่นผู้ค้ำ พระธรรมให้ได้อยู่เลิง
นบน้อมเถิง เทิงแก้วปฏิมาอันค่ายิ่ง
องค์อันมูลมิ่งแล้วสมแก้วค้ำก้ำฝ่ายของ
สิ่งสันฐ์สมสว่าซ้อง ล้ำลื่นสุดพิสุทธ์ สัพพุทธิญาณยับระยาบแยงยิ่งย้อย สุดซำสีแสงสร้อยสูระพาซอดส่อง ลางพ่องเพียงเพ็งพุ้นภายฟ้าบ่หล่าศรี
อั่นว่า มังคะลัตถีนัง นี้ มังคะลันติ วิสสุตัง
สัพพะเทเวหิ นั่นฮ้อมไว้ที่อันดีแล้ว
จั่งได้ ปติฐาปิตังแก้วปฏิมาอาณาเขต
หว่างโพธิชยเวศน์เวิ้ง บ่อนเลิงล้วนถ่วน ศิริ
กาลนี้ อันฝูงข้า ฮ้อมเฮียงมา พรั่งพร้อมว่า แล้วยอมา ด้วยหมู่ดวงบุปผา สรวงสักการ บาดนี้ สิน้อม ไหว้
ขอให้ใสอยู่เลิง
ฝูงข้าน้อม ประนตนิ้วนบเถิง
ยั้งกลางเกิ่ง กวมเกล้าเกศา
มโนมัยหมาดใส่หมายว่า
ขอบุญคุญผลาว่าปกยั้งกั้งขะหม่อม
ให้เถิงพร้อม ที่สุขติงยันติ
อีกเถิงที่ พระนิรพานนั่นถ่อนนา
เอาตนแต่งตางดอกดวงมาลา เอาศีลเอ้คีงข้า ค้อมว่าไหว้เถิง
พระใสองค์ เลิง เลิงล้ำค้ำของ
พระใสฮอง เฮืองสองฝั่งโขง
พระใส ยั้ง คุณังสร้างเสริมส่ง
โยงสองฝั่งโขง ให้ซำแผ่นดินเดียว
พระใสซำพระธรรมเหนี่ยว คนเทียวไหว้บ่ว่าง
ฝากโขงสองฝั่ง พระธรรมจั่งยั้ง งาม
(ล่องโขง)
สมซำ ว่าเทพะดา ปฏิฐิตามาปุนแต่ง
เถิงที่พิสุทธิแสง วิสสุติแต่งแปงให้สักการ
ล้ำลื่นคุอันในแดนด้าว
สถิตย์เนา โพธิ์ชยราม คุขงเขตคาม นบน้อมนับถือ
สมนาม พระใสเป็นซื่อ คุณังแสนกือกองเกียรตินัน
ล้ำลื่นสิ่งอันในแดนด้าว
บาดนี้ฮอดคราว สิป่าวสักการ์ พระปฏิมาตางฮูปพระพุทธ สมงาม พระใส วิสสุตฺ เทียมพระวิมุต ผู้ข่วมวัฏฏา ฝูงข้าจั่งว่า ค้อมใส่
มงฺคลตฺถีนํ มงฺคลนฺติ วิสฺสุตํ สพฺพเทเวหิ โพธิชยาราเม ปติฏฺฐาปิตํ อิทฺธิเตชสมนฺนาคตํ พุทฺธคุณธรํ จาตุทิเสหิ พุทฺธสาสนิเกหิ มานิตปูชิตสกฺกตํ เสยฺยพุทฺธปฏิมํ สิรสา นมามิ
เอตสฺสานุภาเวน นิทฺทุกฺขา เจว อโรคา จ อเวรา จ นิพฺภยา จ สุขิตา จ โหถ สพฺพทา