Рет қаралды 21,773,060
L7OR - #MAHMA_KAN
▪ Contact | Booking : l7or.booking@gmail.com
NEW VIDEO CLIP 2017
DIRECTED BY : SULAIMAN AFRIJ
MUSIC PRODUCED BY : MEED
RECORDED AT : REDZONE RECORDS
page Facebook :
/ l7orofficiel
instagram :
/ l7or75
DOWNLOAD :
Anghami 🔊: play.anghami.c...
SOUNDCLOUD :
/ s-aad7z
Available SOON On Itunes , Spotify , Deezer and Anghami
: كلمات الاغنية
- مهما كان -
غير من الديور للحديد كل مرة رقم جديد
كنعاشر غير لي موقيد الفلوس حلمي الوحيد
المخزن كنشوفو من بعيد يما نزورها فالعيد
نخليها راضية ونزيد عارف غير رضاها لي يفيد
ماشي فالطريق دالخماج و طاير فسما العجاج
فراسي فوقاش كاينة الحملة وفين عاملين البراج
مرة بحري فالمواج مرة مسطوكي الڭاراج
وفين ما كانت شي بلبالة اسمي عامل هراج
مهياب وكلامي وافي نيشان وحسابي صافي
اسمي فوق راسي تاج وقد لساني قد كتافي
بلا كالا طفيت عوافي مشيت فالشوك وحافي
كبرها تصغار وصافي يا بالماضي يا بالحافي
معاشر القمر داليل القايلة شوفني قليل
حسن السيرة ديالي خصها عملية تجميل
لي كان كيبانلي مشكيل مبقاش يبانلي مشكيل
عايش روشيرش وفات الفوت دموعي تسيل
انسان وعندي عيوبي حتى لى خطيت متحقدوش
هذا زهري ومكتوبي حالي را مفضلتوش
يالي بكيتو بسبابي ليالي سهرتوا منعستوش
قلبي قصحاتو الايام انا مقصحتوش 2×
مضمض جراحي
طيحة بنوضة ومشية بعودة
شكون من غيري غيكون بطل مسلسل كفاحي
جيبي مقزب جناحي
فالماضي محرمنيش نحضن يما بيدي بجوج ونقولها ارتاحي
مهما كان مهما خانو عشران
واخا يتافقوا عليا فضهري ويعدلو شي بلان
قد ما بخ صدري دخان قد مقهرت العديان
كل مرة كاحط الروايض على لي بدلتني بفلان
ممعايا حد فالقدام زاج كحل فالبيبان
كنشوف كيتحركو الفوام عارفين شكون واخا منبان
كيقولو نهايتي فكفن اولا مور القطبان
كيعاودو على لي ماجي فحال لي مأكدين منو مزيان
فضهري كيقولوا مريض معقد و اناني
سمعوا لي قالو الناس مفهموش كلام لساني
شفوني كيف ما بغاو عرفت بلي عدياني
رسموني بأبشع صورة باش نبان واحد تاني
انسان وعندي عيوبي حتى لى خطيت متحقدوش
هذا زهري ومكتوبي حالي را مفضلتوش
يالي بكيتو بسبابي ليالي سهرتوا منعستوش
قلبي قصحاتو الايام انا مقصحتوش 2×
رضاك ايما حاميني والله حاميني
واعديني غتسامحيني
مباغي نشوف الفقر كاوي خوتي وكاوني
مغامر بحياتي بدعاويك عاونيني
انسان وعندي عيوبي حتى لى خطيت متحقدوش
هذا زهري ومكتوبي حالي را مفضلتوش
يالي بكيتو بسبابي ليالي سهرتوا منعستوش
قلبي قصحاتو الايام انا مقصحتوش 2×