www.reginfo.ge - ლაგოდეხის ტყეში დაკარგულ სამ მონადირეს მაშველები მეათე დღეა უშედეგოდ ეძებენ. ყვარლის რაიონის სოფელ ახალსოფელში მცხოვრებ 26 წლის ლევან ჯალალოვთან ერთად დაკარგულები არიან მისი ნათესავები, ლაგოდეხის რაიონის სოფელ მსხალგორში მხცხოვრები ავთო და დათო სამხარაძეები. ისინი ლაკოს ხეობაში სანადიროდ 28 დეკემბერს წავიდნენ. ლაგოდეხის ნაკრძალის რეინჯერი დავით გელაშვილი ამბობს, რომ ამ ტერიტორიაზე ძირითადად ჯიხვსა და ირემზე მონადირე ბრაკონიერები დადიან.