ຟ້ອນລາວກະແຊແມ່ນບົດຟ້ອນພື້ນເມືອງຂອງເດັກນ້ອຍນັກຮຽນລາວໃນສະໄໝກ່ອນທີ່ສະແດງເຖິງການຟ້ອນອວຍພອນຕໍ່ພໍ່ແມ່ຄູບາອາຈານໃຫ້ມີຄວາມສຸກກາຍສະບາຍໃຈ ນິຍົມໃຊ້ສະແດງໄດ້ໃນງານທົ່ວໆໄປແລະຟ້ອນໄດ້ທຸກກາລະໂອກາດ
ຟ້ອນລາວກະແຊທັງບົດຟ້ອນແລະບົດເພງແມ່ນເປັນທີ່ນິຍົມຫຼາຍຂອງເດັກນ້ອຍລາວໃນເມື່ອກ່ອນສາມາດເວົ້າໄດ້ວ່າຄົນລາວທຸກຄົນບໍ່ວ່າລະບອບໃໝ່ຫຼືລະບອບເກົ່າແມ່ນສາມາຮ້ອງແລະຟ້ອນເພງນີ້ໄດ້ໝົດແລະຖືວ່າເປັນບົດເພງອຳມະຕະອີກເພງໜຶ່ງຂອງລາວ ສຳລັບທຳນອງເພງແມ່ນເອີ້ນວ່າເພງລາວກະແຊ ເປັນທຳນອງພື້ນບ້ານແບບຫຼວງພະບາງ ໃນປັດຈຸບັນຟ້ອນເຫຼົ່ານີ້ກໍ່ຍັງນຳມາສະແດງຢູ່ຄືເກົ່າແຕ່ບໍ່ຄ່ອຍເປັນທີ່ນິຍົມເທົ່າເມື່ອກ່ອນແລະເນື້ອຮ້ອງກໍມີການປັບປ່ຽນບາງຄຳ