Енді, базалық зейнетақы мөлшері азаматтың еңбек өтілі мен зейнетақы жинақтау жүйесіне қатысу мерзіміне байланысты төленетін болады. Сондай-ақ, бала кезінен 1-ші топтағы мүгедектердің күтіміне арналған жәрдемақының жаңа түрі белгіленбек. Аталған өзгерістер шілденің 1-інен бастап заңды күшіне енеді. Бұл туралы бүгін өңірлік коммуникациялар қызметінің кезекті брифингінде айтылды.