Төрт кездесудің төртеуі де жеңіліс. Ақшаға келгенде миллиондарды шытырлатып санап алатын легионерлер іске келгенде бір гол сала алмаса онда жайықтың жағасынан табандарын жалтыратсын! Бүгін "Атырау" футбол клубының ардагерлері мен жанкүйерлері алаңға келіп наразылықтарын осылай деп білдірді. Доп десе ішкен асын жерге қоятын атыраулықтар клуб басшылығы орындарын босатсын деген талаптарын қойды.
«Шыдамымыз таусылды» деген атыраулық жанкүйерлер футболшылар дайындалып жатқан алаңға келіп, айқай шығарды. «Атырау футбол командасы мүлде құлдырады. Бөлінген қаржыны бөліп жеп кететіндер ғана келеді» деп ашынды олар. Айтуларынша қазір клубты футболдан бейхабар басшы басқарып отыр.
МАХМУТ ҚАЙЫРОВ, "Атырау" ФК жанкүйері:
- Мынау не зат? Мынау не? Халықты ашындырып болдыңдар. Ешкім үндемегеннің кесірінен осы. Әкімдік қайда? Мына клубтың администрациясы, директоры бар ар-намыстары болса орындарын босатсын. Біздің талабымыз сол.
НАБЕЖАН ҚУАНЫШОВ, бұрынғы футболшы:
- Бәрін тендерсіз заңсыз әкелді. Бәрі заңсыз, алдарына бәлен рет бардық. Әкімге айттық, қозғалмастан отыр. Аким областой айттық, без движение отыр бәрі. Заңсыз. Қайдағы жоқ боксер, келіп футболды басқару деген. Басшыны менять надо.
Спорт ардагерлері мен жанкүйерлердің жанына батқаны Атырау футбол командасының Қазақстан чемпионатындағы ойыны. Атыраулық футболшылар бұл чемпионатта Астана, Ақтөбе, Ақжайық, Шахтер командаларынан түгелдей ұтылып, турнир кестесінде соңғы - он төртінші орында тұр. Ал клубтың бас жаттықтырушысы бұл ойын деп ақталса, директоры орнымды босатуға дайынмын дейді.
ҚОНЫСПАЙ ШПАНОВ, «Атырау» ФК директоры:
- Нәтиже нағыз болмаған жағдайда, командамыз қайтадан выживания өмір сүріп жататын болса, өзіміз кетуге дайынбыз. Басшылық өзі жауап берер, өз басым кетуге дайынбыз.
Қазақстан чемпионатына Атырау футболшыларының дайындығына қазынадан 1 миллиард 200 миллион теңгеден астам қаржы жұмсалған. Командада 29 ойыншы болса, оның 8-і легионер. Облыстық спорт басқармасының мәліметінше, жергілікті футболшылардан легионерлердің еңбекақысы жоғары. Сөздерінше ойыншылардың биылғы ең жоғарғы жалақылары 800 мың теңге екен.
Жанат Молдашова, Фархат Тәжібаев
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#футбол #ФК_Атырау #легионерлер