Рет қаралды 14,888
"Ғаламдық діндер съезін өткіздік, көрме ұйымдастырдық, әлем бізді астанамыз Нұр-Сұлтан арқылы таныды" деген жалынды сөздер елорданың оң жақ жағалауындағы халықтың қытығына тиеді. Сол жақ жағалауда әдемі ғимараттарды тұрғызудан алдына жан салмайтын әкім-қаралар оң жағалаудағы "Өндіріс" шағын ауданының мәселесін пысқырмайтын секілді. Бір ғана Ашхабад көшесінің тұрғындары ондаған жылдан бері арықтары тоқтап, сасып кеткен суларын не ары, не бері ағыза алмай отыр.
АЙБАР ТӨЛЖАНҰЛЫ, тілші:
- Сол жағалауда отырып, Экспоның шарымен, Абу-Даби Плазаның биіктігімен әлемге мақтанатын біздің шенеуніктердің мұрнының астындағы бұл жерге әзірге табаны тимепті. Тіпті, демалыс орындарын аралауды жақсы көретін қаланың әкімі Алтай Көлгінов те бұл жерге келмеген екен. Тұрғындардың айтуынша 20 жылдан бері мына арық істемей тұр. Енді бұл жердің іші күл-қоқысқа толып, сасып, борсып кеткен.
ГҮЛЗАТ ӘМІРБАЕВА, тұрғын:
- Әкімшіліктен уже адам қаншама мәрте шақырдық. Екі рет келді. Екі рет келіп көрді да, фотоға түсіріп кетеді. Міне қолға алдық дейді да, бірақ ешкім ештеңені істеп қимылдап жатқан жоқ! Только ауызбен ғана қимылдап жатыр
МАЙРА АСҚАРОВА, зейнеткер:
- Біздің балаларымыз уже аллергия болып учетта тұр. Немерелеріміз. Осы тұрған 5-6 үйде 15, 16 бала бар кішкентай. Солардың барлығы денсаулығы деген мынау сасықтан, кешке таман далаға шығып отыра алмаймыз!
Бұл да Қазақстан астанасының оң жағалауы. Өндіріс шағын ауданы. Бірақ біз қалаға емес, бір айдаладағы қараусыз қалған ауылға келген сияқтымыз. Бұл жерде газ тартылмаған, әлі күнге орталық кәріз жүйесі де, су да тартылмаған. Кентау көшесінің біткен тұсында тұрғындар осындай жалғыз аяқ жолмен қатынайды екен. Бірақ, өзіміз көргендей бұл жердің қамысы бойдан асады.
АЙБАР ТӨЛЖАНҰЛЫ, тілші:
- Ынталы көшесінің тұрғындары мына кішкентай ғана жолдарына асфальт төсеттіре алмай отыр. Халыққа әсіресе көктемде қиын. Егер бұл жерде өрт бола қойса ірі көліктер оңайшылықпен кіріп-шыға алмайды.
Бұл шағын ауданда сол жағалаудағыдай әдемі үйлер мен ғимараттар мүлдем жоқ. Көбіне құлауға шақ қалған осындай тоқал тамдар. Көп көшеге әлі күнге жарық тартылмаған. Бір сөзбен айтқанда инфрақұрылымның игілігінен жұрдай. Ал, шенеуніктер қандай да бір ақпарат беруге асығар емес. Ашхабад көшесінің тұрғындарымен Байқоңыр аудандық әкімдігінің мамандары ертең барып, кездесеміз, сол кезде мәселенің анық-қанығына көз жеткіземіз деп сөз берді. Асықпағандарына қарағанда сасық су мен тар көшенің проблемасы әзір шешілмейтін секілді.
Айбар Төлжанұлы, Дидар Елеуов
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#Бренд #ЭКСПО #Астана #имидж #оң_жағалау