Текст песни:
1 Зи лезги чIал, захъ авай са багьади,
Чуьхуьзва за жуван руьгь ви нурара.
Дидедин мез, играмиди, алади,
Тухузвайди зун уьмуьрдин гурарай.
Тикрарбенд:
Эминанни Сулейманан саз я вун,
Лезги чилин абурни я, наз я вун.
Мярекат я, берекат я лезги чIал,
Зи чан, намус, гьерекат я лезги чIал.
Дегьзаманрин суьрет я вун, лезги чIал,
Чи илгьамдин девлет я вун, лезги чIал.
2 Вичи хвейи зи халкь шумуд женгера
Чун агудай Шарвилидин сес я вун.
Акъудай чун шумудни-са кIеверай
Ивидин цIай, йикъан нур, гьевес я вун.
#лезгияр #лезгиманияр #лезгины