#JerdanIsReal。 #柳應廷 與 #呂爵安 呢兩個小朋友一走埋一齊就產生化學作用，例如會好嘈，互mean，一個拎小器簿，一個拎牧童笛。兩人對上一次合作拍劇已經是《 #男排女將 》，方丈阿神，那時《狂人日記》還未寫好，柳文青形象深入民心，外間以為爵安先至係小學雞，要柳兒「大哥哥」咁湊住佢。柳兒都講過爵安係最麻煩同最嘈，爵安對此表示「笑而不語」，踢爆柳兒先係最癲喪嗰個﹐開開下工會無啦啦大叫，「拍到好攰精神錯亂時佢會無啦啦發癩，好似黐咗線咁」，結論係：「阿Jer真人分分鐘仲低能過我哋。」
【爵安新髮型曝光 自封山下智安／木村托安】
呢對《Boss》MV裡面嘅尖叫雞孖寶，終於再度合作拍新戲《 #死屍死時四十四 》， @edanlui 爵安野性新髮型曝光，反而 @jeremylaous 柳兒就收起「花帶桔」可愛mode變番文青柳。訪問期間爵安自封「 #山下智安 」或「 #木村托安 」，「啲人話我似 #呂頌賢 ，咁呂頌賢似 #山下智久 ，咁我咪似山下智久囉。」不要臉到一個程度。
柳兒則認為完全唔似：「我覺得佢似流浪漢，足球場上嗰啲流浪漢。」
【跳舞擔當柳應廷教爵安做戲】
今次爵安飾演一個不修邊幅，性格有點暴躁，容易發怒的足球員，所以想由髮型入手，柳提議：「你下次可以試下光頭。」「係咪呀？想試㗎！」「係呀！幾啱你，或者試下清裝，剷咗前面留番後面。」爵安一味表示「完全冇問題」，淡淡然反擊：「阿Jer就唔得喇！」柳反應也快：「我完全carry唔到啦！OK？」爵安問：「係咩？」
柳又說：「我覺得今次角色對佢嚟講都係一個大挑戰，成件事好唔Edan，」之後轉認真mode對爵安說：「我覺得你…爭少少啦…」爵安笑到反白眼，柳氹番：「講下笑啫！」
【爵安自high：其實你一路都好期待同我拍戲嘅】
講到上次合作已是《男排女將》，柳說：「其實嗰陣都好少one on one嘅對手戲嘅…」爵安望住佢：「係好事嚟嘅…哈哈哈。」柳兒直接skip：「都幾期待嘅，我諗係相隔MV《Boss》之後孖公仔，都幾期待同佢玩一啲搞笑嘢…」爵安繼續用眼神期盼得到柳兒的讚美：「其實你一路都好期待同我拍戲嘅，即係想咗好耐㗎喇內心…」柳兒唔望佢：「係呀，E先生吖嘛！」爵安小勝，連說：「都明嘅都明嘅都明嘅…都正常嘅！」柳兒笑到眼紋怒放……
#娛壹
你的支持❤讓我們得以繼續前行🙌
請訂閱《娛壹》Patreon：
bit.ly/3hZtP25