Рет қаралды 62,401
#əliağavahid #kamranyunis #kamranmyunis #hacıxanməmmədov
#qəzəlxan #poeziyateatrı #şiirler #qəzəl
Əliağa Vahid - Xilqətdə sənintək, gözəlim, can ola bilməz
Bəstəkar - Hacı Xanməmmədov - Kamança üçün sifoniya
Xilqətdə sənintək, gözəlim, can ola bilməz,
Əxlaqi-gözəl, sevgili-canan ola bilməz.
Minlərcə gözəllər yetirir gündə təbiət,
Amma, sənə bənzər gözəl insan ola bilməz.
Yüzlərcə əgər hüsnünə adəm ola heyran,
Bir kimsə mənimtək sənə heyran ola bilməz.
Sən tərbiyədə, hüsndə bir başqa gözəlsən,
Rəftarına, əxlaqına nöqsan ola bilməz.
Hürriyyətə, insanlığa layiq səni gördüm,
Hər kəs səni sevmişsə peşiman ola bilməz.
Öz aşiqinin naz ilə qan eyləmə könlün,
Hürriyyət olan yerdə könül qan ola bilməz.
Hər xoş görünən kimsəyə aldanma, heyifsən,
Hər xoş görünən kimsədə vicdan ola bilməz.
Bu hüsnlə çoxlar səni istər sevə, ey gül,
Vahid kimi eşqində qəzəlxan ola bilməz...