#សហព័ន្ធខ្មែរកម្ពុជាក្រោម ប្រចាំទ្វីបអ៉ឺរ៉ុប បានដឹកនាំព្រះសង្ឃ ប្រជាពលរដ្ឋ ធ្វើបាតុកម្មនៅមុខទីស្នាក់ការអង្គការសហប្រជាជាតិ ក្នុងទីក្រុងហ្សឺណែវ ប្រទេសស្វីស,Genève,Swiss,ដើម្បីថ្កោលទោស និង ទាមទារឲ្យរបបរដ្ឋអំណាចបក្សកុម្មុយនីស្តយួន ដោះលែងព្រះសង្ឃ និង ប្រជាពលរដ្ឋខ្មែរក្រោម ទាំង១៣អង្គនិងនាក់ដែលរដ្ឋអំណាចយួនបានចាប់ផ្សឹក បានចាប់ខ្លួនដោយបង្ខំ ដោយហឹង្សា ដោយខុសច្បាប់ជាតិ ច្បាប់អន្តរជាតិនិងច្បាប់សាសនា ដោយអមនុស្សធម៌ អគុណធម៌ អយុត្តិធម៌ ឲ្យមានសិទ្ធិសិរីភាពចេញពីពន្ធនាគារវិញ ដោយឥតលក្ខខណ្ឌ ។ ការធ្វើបាតុកម្មនេះចំពេលដែលតំណាងរបបយួនកុម្មុយនីស្តចូលរួមប្រជុំ UPR ដើម្បីឆ្លើយនឹងសំនួរផ្សេងៗរបស់អ្នកជំនាញUN..លើការអនុវត្តកិច្ចព្រមព្រៀងនានាដែលប្រទេសវៀតណាមបានចុះហត្ថលេខាជាមួយនឹងអង្គការសហប្រជាជាតិ UN ផងដែរ ។
ព្រះសង្ឃនិងប្រជាពលរដ្ឋខ្មែរដែលរស់នៅឯក្រៅប្រទេស មានប្រទេសស្វីស ប្រទេសបារាំង ជាដើម បាននិមន្តនិងអញ្ជើញមកចូលរួមក្នុងបាតុកម្មនេះ ដោយបាន ជួបជុំគ្នានៅចំពីមុខទីស្នាក់ការអង្គការសហប្រជាជាតិ,UN,Place des Nations 1202,Genéve,Swiss 🇨🇭 ព្រឹកថ្ងៃទី៧ ខែឧសភា ឆ្នាំ២០២៤ ចាប់ពីម៉ោង៨ព្រឹក ដល់ម៉ោង១១ថ្ងៃត្រង់ ដោយបានលើកបដា ពាក្យស្លោក ទង់ជាតិ ទង់សាសនា និង សំដែងមតិ ផ្សេងៗ ទាមទារឲ្យមានការគោរពសិទ្ធិមនុស្ស មានយុត្តិធម៌សង្គម ដោះលែងអ្នកទោសនយោបាយ អ្នកទោសមនសិការ ទាំងនៅលើទឹកដីខ្មែរកម្ពុជាក្រោម ទាំងនៅលើទឹកដីខ្មែរកណ្តាលគឺប្រទេសកម្ពុជាផងដែរ....🇰🇭🕊️
ជយោ ! ខ្មែរលើ ខ្មែរក្រោម ខ្មែរកណ្តាល គឺជាខ្មែរតែ១...! 🇰🇭🕊️