Алматыда 28 жастағы әйел тоғызыншы қабаттан үш баласын лақтырып, артынан өзі де секіріп кетті. Биіктіктен құлаған балалардың екеуі анасымен бірге оқиға орнында көз жұмса, үшінші бала ауруханаға бара жатқан жолда қаза болған. Полиция, туған балаларының да өмірін өлімге тігіп, өз-өзіне қол жұмсаған әйел әрекетінің бір себебі - отбасылық жанжалдан шығуы мүмкін дейді. Марқұм, пәтерінің есігін іштен кілттеп, хат қалдырып кеткен екен. Куәгерлер, анасы лақтырған балалардың ең кішкентайы дәрігерлер келгенше тыныстап жатқан, - дейді.
КУӘГЕР:
- По моему посчету 4 было. Мать я не видела. 4 детей я видела. Двое подростки, двое маленьких.
Төрт адамның қанға боялған сәтін көрген куәгерлердің бірінің жасөспірім деп тұрғаны - үш баланың анасы. «Жетісу-1» ықшамауданының 21 үйінде бүгін түске жақын болған сұмдық жағдай туралы пікір білдіруге көршілері құлықсыз. Бар білетіні - үш балалы келіншек күйеуімен ол пәтерді жалға алып тұрған екен.
ЕРЖАН, Марқұмның көршісі:
- Дауыс шыққанын естідім. Жоғарыдан зат түскендей болды. Тарс ете түсті, бір-ақ рет шықты.
ИРИНА СОВЕТЖАНҚЫЗЫ, Тілші:
- Куәгерлердің сөзінше, тарс еткен дауыс естілгенде келіншекке «не істеп жатырсың? Біз полиция шақырамыз» деп ескерткендер болған. Алайда, 28 жастағы әйел алдымен үш баласын кезек-кезек лақтырып, артынша өзі секірген. Балалардың бірінің денесі тиген болуы керек, сегізінші қабаттағы терезенің жақтауы мына жерге ұшып түсіп, көлікті бүлдіріпті.
АЛЕКСЕЙ ШЕН:
- Әйелдің жоғарыдан лақтырып жатқанын көрген әйел қоқыс тастап жатыр деп түсінген. Алайда, ол өз балаларын лақтырып жатқан екен сол сәтте.
Полиция, 2, 5 және алты жасар балаларын тоғызыншы қабаттан лақтырып, артынан өз-өзіне қол жұмсаған әйел өліміне қатысты қылмыстық кодекстің 105-бабы бойынша іс қозғады.
САЛТАНАТ ӘЗІРБЕК, Алматы қаласы Полиция департаментінің ресми өкілі:
- Өкінішке орай, әйелдің өзі екі кішкентай баласымен оқиға орнында жантәсілім етті. Тағы бір баласы, қайтыс болды.
Үш баланың анасы пәтерін іштен кілттеп, өлім алдындағы хат қалдырған. Онда не жазылғанын полиция айтпайды. Кейбір ақпарат құралдары, өлім алдындағы хатта келіншек «өмірден шаршағанын, сынақты көтере алмайтынын, ешкімді кінәламайтынын, бірақ кінәлілер өздері біледі» деп жазылғанын айтады. Ал, бұл жағдайға байланысты көршілердің өз күдігі бар.
КҮЛІМХАН КРОНОВА, көрші:
- Ақшаның жоқтығы, жоқшылық. Неге әйелдер мұндай қадамға барады? Меніңше, екі ғана себебі бар, бірі жоқшылық, екіншісі, күйеуі ішкіш, ұрады, басқа себебін көріп тұрған жоқпын. Неге балаларын өлтірді, жүрегім ауырып тұр.
Полиция да, әйелдің өз өзін, балаларымен қоса өлімге итермелеуінің алғашқы болжамдарын айтты. Күйеуімен ұрсысып қалуы деп көрсеткен.
Ирина Советжанқызы, Думан Сүлейменов
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#суицид #қайғылы_жағдай #өлім #отбасы #жанжал