Рет қаралды 62,512
طبقي هذا الطريقه للحوح وراح يضبط معش من اول مره
نبدا نسخن ماء مقدار كوبين يكون ماء مغلي بعدين نضيفه وعليه نص كوب لبن عيران ( حقين ) نسميها لوسه للحوح
يعني الماء المغلي معا المقادير
المقادير.
م/ص ملح. م/ك خميره فوريه
كوبين طحين ذره صفراء. او حمراء
كوبين طحين اسمر. كوبين دقيق. ابيض
ونبدا نعجن بالماء الي اضفناه اول المغلي
وبعدين نرجع نعجن بكوبين ماء دافي لما تتكون معانا عجينه قاسيه عشان لما تخمر ما تخرج من اطراف الطاسه 🌝
أنا قسمت العجينه في طاستين عشان كانت الطاسه صغيره حق العجن
نخليها ترتاح ليله كامله إذا تحبو. اللحوح حامض واذا ما تحبوه حامض خمروها
6 ساعات
بعد ما تخمر العجينه نخففها بكوبين ماء دافي ونخلطها في الخلاط لمده 5/دقائق إلى 10 دقايق وهذا سر من اسرار اللحوح يقع لحوح ولا غلطه. واذا حسيتي ما نفش معش سوي ملعقه بيكنج بودر إثنا الخفق في الخلاط.
ثانياً ً واهم نقطه صاج تيفال يكون مخصص للحوح. عشان يكون اللحوح مضبوط
وتلحي على نار عاليه وبعد ما تكملي تلحي تسوي النار وسط وعاليه تتلاعبي بالنار.
واخر شي تغطي عليها لمده دقيقه.
وافضل وأسهل لحوح