بي المختصر معظم الرجال يخونون الا الرجل الذي في قلبه الايمان و يخاف الله لا يخون يخاف من معصيه

قتلتيني ياختي بدلتيلي كل المفاهيم تاعي لازم لازم نتاصل بيك الله بسترك لبنات ثبتو تعليقي باه تشوفو تعيشو

انا بالنسبة ليا الراجل كي يحب يخون يخون ماعندهاش دخل في المرأة ربي يبعد الشيطان على كل علاقة زوجية سعيدة

ما كانش خيانة زوجية...كاينة خيانة الدين والقيم..وكلي ربي احسن😭😭😭😭😭

انا تزوجت صغيرة وراجلي كل خطرة نحكم عليه حاجة بيس جديدة فايسبوك جديد نوامر بنات كي نواجهوو يكذب و يحلف و يصفح ماشي هو ولا صاحبو ولا يقولي مني موسوسة وانا والله ياخياتي جامي توسوست في باطل عييت وانا صغيرة و عندي طفل ادعولي ربي يهديه

انا نفضل اطلقني او ميخونيش مع واحدا برا او مبعد اجيني شبعان اسرحني انروح لدارنا اهو ايدير رايو بصح باش اجيبلي لمرض من كاش خامجا هذه منسامحش عليها

أنا أرى أن المرأة أصبحت مسؤولة على كل شيئ فاشل ولازم عليها الصبر ولا تشتكي وغير وغير أما الرجل جعلتموه فوق رأس المرأة. أقول أن كل ممنوع مرغوب عند أشباه الرجال لان الرجل الحقيقي يخاف الله ويوم الحساب. اللهم رد رجالنا ونساءنا ردا جميلاً إلى دينهم والصلاة والسلام على رسول الله صلى الله عليه و سلم.

الغريزة الجنسية هي المحرك الاساسي للخيانة و قد تشبع المراة احتياجات زوجها لكنه مهووس بالتخيلات الجنسية و التغيير و بنات الشوارع لا تقصرن ابدا مسكينة المراة تتعب في البيت فهي طبيبة استادة منظفة ***** تربي الاطفال و تتحمل كل شيىء و في الاخير يخونها ابو جهل يا الله

الرسول صل الله عليه وسلم عطانا معايير نقيسو عليهم كي نجو نتزوجو النساء عطاهم معيارين ذو خلق ودين والرجال اربع معايير دينها مالها نسبها جمالها فاظفر بذات الدين تربت يداك لي يجوز هاد المعايير ومايحسبلهكش راح يتعب من بعد ادا كان راجل ماعندوش دين وخلق انتظري منو كلش وادا كان ذو دين وخلق مايخونش وادا خان لقدر الله اول شي حاولي تصبري عليه ماتحكميش عليه من المرة لولى استريه راهو مسلم قبل مايكون زوجك استري معصية باه ربي يستر عليك وحاولي تنصحيه بالتي هي احسن تفكريه بدينو تفكريه بعظم حجم الذنب لي ارتكبو لازم تاخذي بيدو ماشي ترميه وتهولي الدنيا كوني متدينة وخلوقة وحنونة وودودة قبل ماتخمي بالعاطفة شوفيه على انه مسلم اخطأ اتفكريلو امور ملاح انصحي مرارا وتكرارا وحطي حد واذا تمادى هذاك امر اخر الافضل انو يكون يخاف ربي سبحانو ويدير حساب لربي سبحانو قبلك نتي لانو ادا خاف من ربي ويدير حساب للذنب كوني مهنية راح يتقي ربي فيك بإذن الله عليكن بصاحب الدين والخلق ولاتنسين ان النفس امارة بالسوء وشيطان يغر لذلك انصحي كوني متدينة خلوقة وانصحي فالسر لاتفضحي واذا كثر على ماوصاوه روحي ابحثي الشرع وش قال فهاد الحالة وطبقي كلش راهو فدييننا فقط يجب ان نتقه في ديننا

مكانش راجل ماشي خائن كاين راجل لم تكتشف خياتته بعد

لي يخدع الله يخدعو في صحتو او فعينيه أنا لوكان نحس ولا نشم لوش نطلق نطلق نطلق نحمل شر نحمل كلش بصح لخدع نونو ندير الحرب😡😡😡

س/ ماذا أفعل لكي أكون مُچاب الدعوة ؟! 💎💎💎 ج/ أولاً : راجع ذنوبك وأكثر من الاستغفار.. لعلك تذنب ذنبًا تحسبه هينًا وهو عند الله عظيم..! ولابد أنك تعلم بأن الذنوب حارمات الخيرات مُمسِكات الفتوحات! قال رسول الله : "ان العبد ليُحرَم الرزق بالذنب يصيبه " وقال الله : "فأصابهم سيئات ما عملوا" "إن الله لايظلم الناس شيئًا ولكن الناس أنفسهم يظلمون" ! ------------- ثانيًا: أطِب مطعمك تكن مُجاب الدعوة.. فالمأكل الحلال شرط لقبول الدعاء.. وأحسب بإذن الله أنك تأكل بالحلال أنت أو مَن يعولك.. -------------- ثالثًا: تحري أوقات الإجابة... الله سبحانه من أسمائه "القريب المُجيب.. وهو القائل في حق نفسه :"وإذا سألك عبادي عني فإني قريب أچيب دعوة الداعي إذا دعانِ " وهو كذلك سبحانه في كل حين ،، ولكن هناك أوقات تتسع فيها رحمة الله حتى تشمل العصاة والمذنبين والمقصرين ،، سبحان الله العظيم لا يرد فيها سائلًا.. وعلى رأس هذه الأوقات هي ساعة الإجابة من يوم الجمعة ، استغلها بالصلاة على النبي ثم الدعاء ثم اختتمها بالصلاة على النبي.. --------------- رابعًا: لا تستعجل... قال رسول الله صلى الله عليه وسلم "يُستچاب لأحدكم مالم يستعچل؛ يقول دعوت دعوت فلم يستجب لي " فادعُ ولا تعچَل لأمرِ الله ، لا يؤخر الله أمرًا الا لخير، ولا يضيع عند الله رزق عبدٍ من عباده، مهما بلغت معاصيه، ومهما بلغ يأسه. "أتى أمرُ اللهِ فلا تستعچلوه" . --------------- خامسًا: حارب يأسك بكثرة الدعاء، ولا تنظر إلى قلة حيتلك أو انعدام أسبابك؛ ولكن انظر إلى عِظَم مَن أوكَلتَهُ أمرك، وقدرة مَن ألجأتَ إليهِ ظهرَك، ورحمة مَن فوّضتَ إليه الأمر كله. -------------- سادسًا: (لا يحملنك استبطاء الرزق أن تطلبه بمعصية الله فإن ما عند الله لا يُنال الا بطاعته) جاهد نفسك ألا تعصي الله فيما تريد، وهذا -كما قال ابن القيم- سيجعلك ممن لو أقسمَ على الله لأبرَّك. ------------- سابعًا: ادعوا الله وانتم موقنون بالإجابة ، هذه وصية حبيبك المصطفى الذي لا ينطق الا عن وحيٍ من ربه.. إذا سألت الله ووقفت بين يديه ، فاعزِم في المسألة وكأنك قد علمت من الغيب أنها لك، يقينُك وحسن ظنك هذا هو ما يحبه الله في قلبك، وهو سبب أن يكون الله عند ظنك ؛ قال تعالى (أنا عند ظن عبدي بي فليظن عبدي بي ما شاء). ------------- وفي النهاية تذَكّر: إن الله حييٌ كريم؛ يستحي من عبده إذا رفع إليه يديه؛ أن يردهما صفرًا خائبتين. كيف لقلبِ المؤمن أن يخاف وله ربٌ يستحي منه !

انا نفضل المراة الحديدية اللي ميهزها حتي شيء في هذي الدنيا حتي ويكون الرجل خاين وبعد اصلا الرجل بطبعوا خاين المرا والمرا لازم تتحمل علي جال ولادها انا مقلتش تصبر علي فعيلو وانما تصبر علي جال الاسرة ولازم تقوم بروحا مشي علي جال رجلها وانما علي جالها باش تكون نفسيتها مليحة

الخيانة ما عندهاش مبرر ابدا القضية قضية اخلاق و تربية و خوف من ربي و اللي ما يخافش ربي انتظري منو كلش ...يعطيك الصحة راك قلتيها

الله لاتربح وحدة تخرج مع واحد وعارفة بلي مزوج خرابات لبيوت يخرب ياماتكم إن شاء الله

شكرا علي المعلومة يااختي حتي واذا عرفت الزوجة او شكت بشي اتجاه زوجها ماعليها الا بدعاء لله عز وجل وحسبي الله ونعم الوكيل فيه لاانه وبكل بساطة لا غير لنا الا الله عزا وجل وماهي دنيا الا فانية ويبقي وجه ربك ذو الجلال العظيم ولاتنسو ان كل ميحصل للاانسان هي اختبر من عند الله عز وجل وماذا اقول اللهم احسن ختماتنا يارب وهدي كل انسان ضالم يااارب

راجلك يحبك تكوني هيفاء وهبي وتكوني نانسي وسمر اء وغدا تكوني و بيضاء وغدا تكوني سمينة وغدا تكوني رشيقه من اخر يحب يغير

والله ما ناقص والو هما يحب النساء و صاييي هدرتك ختي بعيده على الواقع ... بنات الحرام كثرو يحوسو شكون يفورني عليهم حتى ولو كان متزوج و لاشايب... رجال خونه حاجه ماتعمر عينيهم من غير تراب .

الرجل بصفة عامة الخيانة عنده فطرة تزاد معه اذا ما خانش في الصغر يخون في الكبر والراجل تذله غي صحته حتى يطيح باش يعرف قيمة زوجته .

فلحقيقة منحبش هاذ الموضوع لانو يزيد الشكوك للزوجة فقط صدقيني قبل صراتلي نقرا فلفايس حكايات النساء حتى رجعت نشك فزوجي فكلش كرهت حياتي من بعد محيت لفايس خلاص ورجعت لحياتي الطبيعية وريحت امالا ننصحكم اخطوكم من هاذ المواضيع ولبغا يخدم حاجة بينو بين ربه وانتي عيشي حياتك😉

صدقيني عينه فارغة رغم انه متوفر له كلشي الرجل خاين بطبعه

شكرا على هذا الموضوع فعلا اللي مايخافش ربي يقدر ادير كل شيء و من الواقع كما قلت انا زوجي ضابط سامي بالجيش و الحمد لله حامل كتاب الله كانت عندو مهمة عملية الى تركيا و كان معاه ضابط اخر دخلو للنزل زوجي بمجرد دخل سقسا على القبلة باه اصلي و الاخر بدا يشرر فالخمر وزاد قالو راه باطل واش قالو زوجي و الحمد لله الذي رزقني ربي بالزوج الصالح قالو بالدينار و لا بالدولار راني قادر نشري و نشرب بصح ربي كاين فالجزاءر و في تركيا نخاف من ربي و الى الاخوات الي اراهم مضرورين من خيانة الزوج جربو صلو قبل الفجر و في السجود ادعو الهداية لازواجكم

اللي حابة تحكي على الخيانة هي اللي جربت الخيانة ونارها وعذابها والمها ارواحوا اسالوني عنها

الخيانة دواها الثقة في الزوج وعدم الغيرة الزاءدة ولازم تحسسيه بالفضل والتقرب الى الله بالاذكار والدعاء لحفظ الزوج

دعاء المظلوم على الظالم ♥️ إن الدعاء هو وسيلة المظلوم لرفع الظلم عنه، ودعوة المظلوم ليس بينها وبين الله حائل، وهناك مجموعة من الأدعية المستجابة على الظالم، وهى: رفعت يدي إلى الله وقلت يا رب أغلقت الأبواب إلا بابك🗝 وانقطعت الأسباب إلا إليك ولا حول ولا قوة إلا بك يا رب اللّهم إنّي ومن ظلمني من عبيدك ، نواصينا بيدك ، تعلم مستقرّنا ومستودعنا ، وتعلم منقلبنا ومثوانا، وسرّنا وعلانيتنا ، وتطلع على نيّاتنا ، وتحيط بضمائرنا ، علمك بما نبديه كعلمك بما نخفيه ، ومعرفتك بما نبطنه كمعرفتك بما نظهره ، ولا ينطوي عليك شيء من أمورنا ، ولا يستتر دونك حال من أحوالنا ، ولا لنا منك معقل يحصننا ، ولا حرز يحرزنا ، ولا هارب يفوتك منّا . 🗝اللهم إن الظالم مهما كان سلطانه لا يمتنع منك فسبحانك أنت مدركه أينما سلك، وقادر عليه أينما لجأ، فمعاذ المظلوم بك، وتوكّل المقهور عليك، اللهم أنى أستغيث بك بعدما خذلني كل مغيث من البشر، وأستصرخك إذا قعد عنى كل نصير من عبادك، وأطرق بابك بعد ما أغلقت الأبواب المرجوة، اللهم انك تعلم ما حلّ بي قبل أن أشكوه إليك، فلك الحمد سميعاً بصيراً لطيفاً قديراً. 🗝يا رب ها أنا ذا يا ربي أسير سجين في يدي الظالم، مغلوب مبغيّ عليّ مظلوم، قد قلّ صبري وضاقت حيلتي، وانغلقت عليّ المذاهب إلاّ إليك، وانسدّت عليّ الجهات إلاّ جهتك، والتبست عليّ أموري في دفع مكروهه عنّي، واشتبهت عليّ الآراء في إزالة ظلمه، وخذلني من استنصرته من عبادك، وأسلمني من تعلّقت به من خلقك ً وغدر بي وطعنني القريب الصديق، فاستشرت نصيحي فأشار عليّ بالرغبة إليك، واسترشدت دليلي فلم يدلّني إلاّ عليك,فرجعت إليك يا مولاي صاغراً راغماً مستكيناً، عالماً أنّه ﻻ فرج إلاّ عندك، ولا خلاص لي إلاّ بك، انتجز وعدك في نصرتي، وإجابة دعائي، فإنّك قلت وقولك الحق الذي ﻻ يردّ ولا يبدل. 🗝يا رب اللهم عليك بمن ظلمني اللهم اسقم جسده، وانقص أجله، وخيّب أمله، وأزل ظلمه، واجعل شغله في بدنه، ولا تفكّه من حزنه، وصيّر كيده في ضلال، وأمره إلى زوال، ونعمته إلى انتقال، وجدّه في سفال، وسلطانه في اضمحلال، وعافيته إلى شر مآل، وأمِتْه بغيظه إذا أمتّه، وأبقه لحزنه إن أبقيته، وقني شرّه وهمزه ولمزه، وسطوته وعداوته، فإنّك أشدّ بأساً وأشدّ تنكيلاً. 🗝يا رب الظالم ملك أسباب القوة في الدنيا وأنا عبيدك لا أملك إلا إيماني بك وتوكلي عليك ودعائي يا رب ان الظالم جمع جنده وسلاحه وسجونه وزنازينه ومنع عنى الأهل والأحباب وتركني في ظلمة الزنزانة على الأرض والتراب وأنا عبيدك جمعت له ما استطعت من الدعاء يا رب تمنيت لمن ظلمني الهداية والتوبة وتمنى هلاكي وتدميري ولا حول ولا قوة إلا بك فمن يا رب على دعوة عبيدك المسكين الفقير بوعزتى وجلالك لأنصرنك ولو بعد حين اللهم بحق جاهك وجلالك وعزتك وعظمتك اللتى يهتز لها الكون اللهم اسألك بعزتك اللتى يهتز لها العرش ومن حولة🗝 اللهم انصرنى على من ظلمنى اللهم انصرنى على من ظلمنى اللهم انصرنى على من ظلمنى اللهم انك لا ترضى الظلم لعبادتك اللهم انك وعدتنا الا ترد للمظلوم دعوة اللهم انك وعدتنا الا ترد للمظلوم دعوة فأنت العدل والعدل قد سميت به نفسك اللهم انصرنى على من ظلمنى فأنك تراه ولا اره ♥️ بسم الله الرحمن الرحيم ، بسم الله خير الاسماء ، بسم الله الذي لايضر مع اسمه اذى بسم الله الكافي بسم الله المعافي ، بسم الله الذي لايضر مع اسمه شئ في الارض ولا في السماء وهو السميع العليم.. بسم الله على نفسي وديني بسم الله على اهلى ومالي .. بسم الله على كل شئ اعطاني أياه ربي .. الله اكبر الله اكبر الله اكبر اعوذ بالله مما اخاف واحذر .. الله ربي لااشرك به شئ عز جارك وجل ثنائك وتقدست اسمائك ولا اله غيرك .. اللهم اني اعوذ بك من كل شيطان مريد .. و من شر قضاء السوء ومن شر كل دابه انت اخذ بناصيتها .. ان ربي على كل شئ قدير .. ان ربي على صراط مستقيم .. اللهم فارج الهم .. و كاشف الغم .. مجيب دعوة المضطرين .. ان ترحمني ، ان ترحمني .. رحمة تغنيني بها عن من سواك اللهم اجعل لي من كل هم يهمني فرجا و مخرجا .. وارزقني من حيث لااحتسب يا غياث المستغيثين يا مجيب دعاء المضطرين .. وجهت وجهي اليك وتوكلت عليك .. خاشع بين يديك ، فأيدني يا رب بجلالك واجعلني من عبادك المتقين ولا تجذب قلبي الا الى بابك .. قربني مما تحب .. و احفظني من صحبه اعدائك واطلق لساني وقلبي بشكرك وذكرك اللهم يا قويّ ، يا عزيز ، يا منتقم ، يا الله اللهم انتقم للمظلومين في كلّ زمان ومكان ، يارب العالمين . اللهم يا حيّ ، يا قيوم ، يا ودود ، يا من هو فعّال لما يريد . اللهم إنا نسألك بأسمائك الحسنى واسمك الأعظم . اللهم يا منشئ السحاب ، يا هازم الأحزاب . اللهم اهزم الظالمين في كلّ زمان ومكان ، يارب العالمين .

كلام موزون الله يبارك حبيت نزيد اضافة على المراة باه تحافظ على توازن الحالة النفسية تاعها تخلي كلش لربي و ما تحاولش تتجسس على الزوج وتعيي روحها مام تفيق بلخيانة تلعبها ما علابالهاش وتهتم بروحها و حياتها و ما تربطش سعادتها براجلها

انا قتلها ادي لفضلة تاعي ماصحولكش العزاب صحلك لفضلة برك مي و الله ماداتو دات عازب زكارة كي هدرتلعا هكدا هههه و خلاتو و كواتلو قلبو و رجع كالكلب ليا انا بيانسور ماعتديش وين نروح راني قاعدة و نطلب من الرزاق يرزقني لتماك نرميلو الخلع في وجهو و مايهمني والو مدام رزاق رزقني حاليا راني صابرة و لله لحمد على البلاء و هو اعظم بلاء ربي معانا

والله يا اختي امال اكتشفت خيانتو من خلال اكتشافه أنه يشاهد الأفلام الإباحية

نهار يخونك راجلك بعيد الشر عليك ارواحي مدي مواعظ سينوووو غير مكانله تهدري والله ماجات من قلبك قد ما تحكيها ماشي كيما تصرالك جامي وجامي يكونو كيف كيف الله المستعان وخلاص لواحد على جال لولادات برك و الدار لطلعها بدمووو منخليهاش

اذا خان الرجل الزوجة من اجل الجمال فان کل النساء فی الدنیا مایکفیوهش وعندما تنتهی النساء یدور للحیوانات لانه لا یشبع والخیانة لیس لها مبرر ربی یعافینا ویحفظلنا ازواجنا الزین یذهب ویزول وتبقی المودة و الرحمة تسما کی نولو عجایز یرمونا

كاين رجال كون ميخونوش يبقاو يهدرو باه بجروح المرا تاع رانا حابين نزيد نزوجو مرآ تانية غير يجرحك و خليو لمرا تموت بقلبها

والله موضوع حساس وبزاف نسا يعانيو منو ربي يهدي هاذ الرجال ولي يعرف روحو ماتكفيهش مرا وحدة علاه يتزوج ويغبن بنت الناس معاه يبقى اعزب ويبدل من وحدة لوحدة

سلام اختي والله خاني زوجي ولما شافوني اهل الفتاة نخلعوا وقالوا لعجوزتي مرتوا شابة والله لا تقارن معي والله واقفا معى ولادي ومعى داري والله داري تشعل وكان ماعندوا حتى 100 في جيبو ومين زوجت بيه ربي رزقنا من الوسع ولينا بادار وسيارة ودراهم ان رجل. خلق ليتعس المرءة

انا مانرتاحش حتى توصلو ورقة الخلع باش نتهنا ان شاء الله ربي يفرج علينا اجمعين و يجبر كسر قلوبنا جبرا يليق بعظمته

قع الرجال برا يخونو يالوكان بنضرۃ كي مايخونش جسديا يخون فكريا ومكانش مرا لي ماتشكش في راجلها قع عندنا الوسواس

والله يازوجي غير مشبعاتو في كلشي بصح هو يخون فيا وقلبو مع وحدة خلاف وعلابالي مع انو دار حرب باه داني بصح كي داني وطفرها فيا رجع مايهموش فيا وقاسني وجرحني عندي معاه غير اربع اشهر زواج بصح جرحني كثر من مرة بصح مالقيتش بيها وين الله غالب قالك مجتمعنا يحقر المرا المطلقة واش ندير دفنت روحي وانا حية والله لاتربحها بنت خالتو والله لاتربحو هو هي مخطوبة وهو متزوج ويخونو حسبي الله ونعم الوكيل ادعيولي ربي يهديه ولا يديه ماكاش حل خلاف

ياختي كيفاش ندير مع راجلي علا باباه وخاوتو يرعش يحللهم نودو تاكلو نودو تشربو يمدلهم الدراهم لخوه يحوس عليهم مانحكيلكش وانا نساني ولا يعرف غير طيبي اغسلي ديري نودي بابا ياكل نودي خويا باكل تقول دراري صغار راه يربي فيهم وليدو مايديرلوش هاكدا وهوما معلبلهومش كاع بيه ماحاسبينوش يكلولو غير دراهمو قوليلي واش ندير

انا صراتلي بصح خليتو على هواه صح نضريت بصح ماعندي ماندير لأنها بنت عمو مالقيت مانهدر وحتى هي مخطوبة راكم عارفين بنات هاذ الوقت خليتها لربي هو اللي يتولاها بح داردار ورجع ليا صبرت ونلت بصح قاعد ماندير فيه الثقة 😥😥😥😥😥😥

انا معاك اختي في ....نقطة توللي المرأة مسؤوليات الرجل.......و انا نزدلك حاجة.....كل مانتقربو اللله ربي يقرب بين الزوجين......و نزيدلك حاجة لازم كل وحدة تعرف نمط شخصية زوجها.......باس تعرف كيفاش تيسير معاه...و راه كاين كتبت مواضيع كثيرة على انماط الشخصية.........

سلام وعليكم كامل واش راكي ختي امال يعطيك الصحة على هذا الموضوع بصاح واعرة بزاف هذي لي تعرفي بلي راجلك يخونك وتقعدي ساكتة وتبينيلو بلي رلكي نورمال انا واحدة مانقدرش من المستحيل نواجهوا ولي يصرا يصرا ونصيحة لمراة مانحكي لحتى واحد خاطر راح تزيد غير المشاكل لروحها هي لي تعرف كيفاش تسير مع راجلها وكيفاش راح دير الحل لروحها

يا امال مع كل احتراماتي لنصائح ليراكي تقدميهم نقولك خلو النصائح لاهل الاختصاص لانو الظروف تختلف بإختلاف الاشخاص و الشخصيات ما قد ينفع مع هدا قد يفشل مع اخر ..وكل زوجة عليها ان تتحلى بالحكمة و الرزانة في تسيير حياتها الزوجية و الاسرية سواء كانت قادرة على الطلاق او غير قادرة ..

يا ختي الدنيا تهردت وانت تهدري على الخيانة الخيانة راهي لمود في كل المجالات والخيانة تبدأ كي يخلي صلاتو والتخلاط في الخدمة ولحوانت والشوارع مام في الدار الفيس رآه معمر اصدقاء وأصدقاء الاصدقاء وزيد وزيد انصحينا كيفاه اردو يصلي وحب صلاتو وخاف من ربي قبل وكيما يقولو خاف من ربي ومن الي ميخافش ربي وهنا مربط الفرس الخيانة كثرت مع الانترنت والي معا تقول ربي يهدينا اجمعين🤔🤔🤔🤔🤔🤔🤔

شكرا حبيبتي على كل معلومة وربي يخليلك ولداتك وربي يهدي كل راجل وانا الحمد الله الزوج تاع ناس ملاح وعاقل والله يبعد علينا العين وموفقة اختي واللي مجروحا الله يداويها ويهدي زوجها

لاحظت شيء هو انو القنوات المختصة في الطبخ و الروتينات اليومية ولاو يعالجو المشاكل الاجتماعية دون خبرة وهذا ما قد يجر النساء خصوصا الضعيفات واللي ما عندهمش ثقة في نفسهم .على الاقل كتديرو فيديو قولو تجربتنا مع هذا المشكل او حسب خبرتنا.دعوا الامر لاهل الاختصاص. وملاحظةنقص الحنان للرجل ليس دايما هو السبب الفساد والعرى اللي راهو برى والابتعاد على القيم هو اللي وصلنا لهذا الشيء.

وش راكي تخرطي 1 من 5ايخون ؟ ياو 99% خاينين مكاش منها راجل لا يخون برك مازال مافاقولوش. عمرك ما عمرك تصارحي زوجك بخيانتو لان هنا كرامتك راح تولي في اللعب .

اذا خانك في الفيس بوك احمدي ربي وزيد اذا لقيتيه عندو شحال من مراء ماتخافيش وقتاش تتقلقي اذا عادت واحدة فقط

تعريف الرجل الوفي :هو نفس الرجل خااااءن لكن لم تكتشف خيانته بعد هههههه

حتى لو كانت عندو حورية من الجنة يحب يشوف الحورية الزاوجة.

ربي يبعد علا راجلي بنات الحرام و الحلال هههههه الحمد الله معنديش مشكل مي الضامن ربي اختي امال و توحشتك حنونة

كلام صح 👌عقليات الرجال انواع صح👍 بصح الخيانة تقعد خيانة توجع بزاف بزاف بزاف😔😖 او لمراة مسكينة هي لي تخلص بصرف النظر على الحالتها المادية عندها ولا معندهاش وين تروح😥 المهم الحالة النفسية الي تكون عايشتها مسكينة 😢😢😢 يارب اهدينا اجمعين اوفرجها على كل مهموم او الحمد الله على كل شىء

ايه يختي صعيب الحال والهدرة بالفم ساهلةانا. عن نفسي لازم كل زوجة لا تعمل الثقة العمياء في الزوج ولازم تعيش حياتها اذا تخدعت لان الله مخلقناش باش نعبدو الرجل إنما خلقنا لغاية اسمى عبادة الله وما خلقت الجن والانس الا ليعبدون يختي لي يخون مرة يخون الف مرة ربي يجيرنا

ياتواجهو وماشي تعاتبو بلعكس تهدر معاه بقلب مكسور بيسك هذاك لمخلوق كي يلقاك تهضري معاه ونتي مكسورة ضعفك ف هذيك اللحظة يهدمه من داخل حتى واذا مابينهاش لك وتشوفي كيفاه تبدل معاك ولاه تصارحيه وتقوليله باي باي طلاق كوقاية خي من علاج وسلام عليكم

كلش واش قلتي صح والله كأنك طبيبة نفسانية ربي يقدرك ويوفقك علا فعل الخير

يعطيك الصحة اختي..كلامك جوااااهر..ربي يحفضك ويوفقك ويحفضلنا بيوتنا وازواجنا من كل شر..يااارب

ومهما يكون الخيانة عمرها ما تكون وسيلة لتبرير سبب او حل مشكل.هناك طرق عديدة اخرى.بل هي في حد ذاتها سبب لحدوث اكبر مشكل.

واش نقلك ختي مايحس بلجمرة غير الي عافس عليها كاين رجال عندهم مرة ماشي شابة ولعفن زيادة وشوفو فيها كي هلال العيد باسكو قانع اوكاين الي عندو ملكت جمال اوتطلب الرضا بش يرضا او عينيه ديما برا فلاخير القناعة كنز لا يفنى

لكل بنت و لكل متزوجة نحب نفيدكم.....عليكن بقراءة كتاب"..احتياجاته و احتياجاتها"راه كتاب رائع......فيه معلومات هامة.........

اسمحيلي أختي ما كاين حتى عذر للخيانة،كاين رجال حتى لو توفريلهم كل شيء كي تجيه الفرصة يشوف مع مرأة أخرى

السلام عليكم انا حبيت رجلي من كل قلبي وعطيتلو الحنان واحسان ومنبعد كشفو ربي يخون فيا معا واحد متسواش قعمورة بصلة. الدنيا هذي تجروبة خاني وراني نخون انا تاني واش يدير ندير وتستمر الحياة كما تدين تودان

ربي يخليك اختي امال والله بزاف نصائح ديتهم من عندك بارك الله و فيك

شكون اللي كيفي فاق للامال راهي تكوبي في دروس رضوى الشربيني من برنامج هي وبس على قناة سبيسي سفرة انا نتبع رضوى وحافظة كل حلقاتها وهاذي حلقة من حلقات البرنامج مترجمة بالجزائري شكرا امال كي بسطت الفكرة وصلتيها للنساء اللي ما يتبعوش رضوى

لبنات كاينة وحد القناة ررررررااااائعة هي طبيبة نفسانية جزائرية اسمها "العيادة النفسية مع ياسمين " صدقوني نصائحها من دهب ومتبخلش بنصائح

مكااااش اسباب للخيانة الراجل بطبعه وين يكووون يحب يشبع غريزتو برك لابغة تكون عندو ملكة جمااال فدار

الخيانة ليست لها مبرر لانها خيانة الله والله حرم الضلم على نفسه لي يخون يخون نفسوا و دينوا جميع مرا خانها. جلها نقولها لازم تزيد تقة تاعك في نفسك نتي مرا ونص وهو لازم يولي راجل باه يشوفك على حقيقتك

انا في فترة المراهقة عرفت بلي الأب تاعي يخون في ماما و تأثرت نفسيتي بزااااااااف سمحت في قرايتي و كانو عندي احلام سمحت في روحي تعقدت و وليت غي نشكل نحوس نضحك و نتناسى و كنت صغيرة مازال منفهمش مشيت حكيت لماما و بقاو لماشاكيل بيناتهم و لافامي لقراب كان علابالهم بدينا نسمعو الهدرة متا و منا و ميمتي مسكينة صبرت على جالنا بقات معاه على جالنا و ليومنا هدا مزال نحكم عليه صوالح بصح موليتش نخبر ماما بصح نفسيتي تأثرت بزاااف نضريت تغيضني عمري بزاااف و مين جات في بابا منجمش نهدر لازم عليا نحتارمو و نقادرو باسكو بابا و ربي سبحانو وصانى و امرنا نطيعو و نتهلاو في والدينا بصح بقات في قلبي كنت صغيرة في عقلي في عوض ما نلتهى بقرايتي و ننجح و نقدم حاجة لميمتي انا ضعفت و استسلمت و هادي اكبر غلطة درتها في حق نفسي على كل حال حسبي الله و نعم الوكيل

أختي أمال أنا مش معاك في رأيك أنها المرأة تطلب الطلاق ولا تخلي راجلها علاجال وحدة أي رجل في الدنيا يغلط ولو بالعين والشيء اللازم الذكاء والفطنة والشطارة

نقولك حاجة اختي عندي دارنا لاباس عليهم و عندي شهادة ولاباس عليا بصح مانخليلهاش لي بنيتو في سنين هي هاذاك ماراهي تحوس و علا جال ولادي يترباو بلا باباهم المسؤولية كبيرة و نقولك الرجال ما يعمر عينو والو و زيد ربي حللهم تخافي تدي ذنبو يعني الموضوع عندو عدة جوانب و صعيب تحليه بكلمة و مام الراجل لي بالاك تعاودي تديه كيف كيف .كلمة عندك فيها الحق هو الالتجاء لرب العالمين.

هههههه اموالة اسمحلي هو راجلى عندو شهرية وعمرى كامل وانا نعون فيه جاه رابل هبل على النساء وجاتو المراهقة كنت خايفة على وليدي لقيت الاب لى راهق والابن اعقل منه ولا بيه اهمال ولا اى سبب يدفعو يخوني مى هو مريض بالحريم والله حاملتو على وجه ولادى وبس مام يبنلى قصر عفتو مرغم اخك لابطل تحياتي والله يا حنونة هذى الدنيا تشوفي لعجب كان يحبني لابعد الحدود وضرك صاى ولا انا لى خليتو يبرر لعمرو كيما يحب حسبي الله ونعم الوكيل والسبب الاول والاخير دعم اهله بالرغم والله ما يلحقني في والو مى نقولك ياحليل ولا غارو منك

والله غير الموضوع هاذا يدخلك الشك ويوسوسك بسيف عليك انا ماشي متزوجة وتوسوست وكرهت من ضركا

كاين زوج انواع من الرجال لاثالث لهما نوع مايخافش ربي يخون مرتو فالحرام وكاين نوع يخاف ربي ويروح يدير التعدد ويجيبها بالحلال ...

ربي يحفظك اموله والله نصائح في الصميم جزاكي الله خيرا على هذا الموضوع المفيد جدا جدا

اختي امال عندك الحق فكل شيء قلتيه هدا هو الدواء المناسب لبعض النساء المحرومات

ماقبل ماخان زوجته خان الله سبحان ولا داعي لتبرير معصية الله.

عندك الحق و يعطيك صحة عندك فصاحة اللسان و جودة التعبير يعني ماشاء الله

ديرنا راجل لي يخبي دراهم على مرتو وراجل لي يضرب مرتو

لمرة مسؤولة على خيانة هي تخليه إخونها ولا تخليه إشوفها لكل فلكل ونزيدلك حاجة راجل كي لبيبي تلعبي بيه كيما تحبي وإلا معرفتيش طفرت فيك

شكرا.يعطيك.الصحة.جاوبتي.على.كامل.واش.كان.يدور.في.راسي.كلامك.كلو.صح.وحكمة.نورتيني.❤❤❤❤❤

السلام حبيبتي موضوع راءع يالحلوة يالتمرة يا السكورة يا العسل علابلكي كامل الفديوهات راءعة ومتتشبعش بصح الحلاوة لي فيها صوتك الحنييين والراءع ربي يجازيك ويوفقك احبك في الله 👍😗❤

ياختي حتى لبنات لبرا كي دايرين يجبدوهم بالمغناطيس وهوما غير كي الزيت وقربتيلو النار

من يخون هو من الاصل خوان يعني لي يخونك هو لي حب يخونك و كان يحوسلك على سبة بيسك الراجل لي يحب يشد في مرتو و دارو يسعى باش يسڨم يعاتب يقولها يصارحها بالشي لي راه حابو فيها فهمتيني و الخيانة ليس لها سبب

مرنيش متزوجة ولكن كما راكي تقولي نصمع لبنات لمزوجين يحكيو على رجالهم كل هذي وسعدها واش عطها

الراجل لوكان تشطحيلو في التبسي يخونك اذا ماخنكش يخونك بعينيه

جاري المشاهدة حبيبتي

الف الف شكر كلامك جواهر بارك الله فيك😘😍

اختي انا زوجي لقيتو حال فايسبوك ثاني ويحكي مع البنات كيفاش ندير مع انو مخاصو والو ، املي فيك وفي ربي منيش حابة نخسرو ومانيش حابة ندعي عليه ولا نقيسو

عفوا على التدخل، ولكن موضوع خيانة الزوج ،أنا شخصيا، لدي طريقة مفيدة جدا،وبدون أحزان أو ومآسي،بل والله الطريقة كلها مغامرة وتحدي و لعبة ستلعبها المرأة وسوف تتغير حياتها جدريا،والمفتاح الأول أن تصلح الزوجة علاقتها بالله ،و بعد ذلك تبدأ الخطة بكل وقار واطمئنان،وثقة بالله

لبنات تاع دوك ما يحشموش يزدمو برك متزوج بولادو كيفكيف مهم راجل .تلصق روحها او تهدم دار

المرأة ليست السبب دائما الخيانة زوجها لها نعرف نساء تدلل زوجها وتلبس مليح تهدر مليح نقية وهو راجل خاين جيعان مخلوع المرة لي تفوت عليه يتبعها وهي تكره حياتها وتولي سامحة في روحها وهو لي يدفعها تكره حياتها باغي يعيش برا وفالداخل الزواج رباط مقدس وربي قال عليه فالقرأن ميثاق غليظ والراجل يلعب ويزعق معلومة الراجل هو لي يخلي المرأة إيجابية ولا سلبية

اغلبية مشاكل المرأة هي امراة

المهم بلاك اديرو الثقة العمياء فالرجال

كلامك صواب 100٪

ربي يقدرنا ويسترنا مشكورة حبيبتي

السلام عليكوم حبيبتي انا مشتركة جديدة وحبيت نسالك ونتمنى تجاوبيني؟عندي عام زواج وانا على وشك الولادة واعاني من البرود نتاع زوجي من جهتي علما انني درت معظم الاخطاء اللي قلتيها في فيديو الزوج البارد سؤالي هل ممكن نصلح الوضع ويتنحى البرود من زوجي ؟خايفة يكون الوقت فات؟ مع تحياتي

الدنجولن انسان مريض نفسي الموضوع هدا مهم جدا لازم كل امراءة تاخد حذرها منو لتجنب العواقب الوخيمة بيروحوا ضحيتها الاطفال🎈ربي يكملك بعقلك ان شاء الله ويستفلدو النساء من كلامك🎈كلام عاقل وموزعون وهدا ادا دل يدل على ذكائك وحكمتك وتجربتك في الحياة بتوفيق حبيبتي

اختي طولي كيما تحبي معلومات قيمة ونصائح جد قيمة الله يسعدك دنيا وآخرة مشتركة جديدة ❤👍💙👍💚👍💛👍💜👍❤

والي مزال محملتش بالكرش وعندها عامين زواج وماهيش متفاهمة معاه ومفرحتش نهار وانا طفلة واحدة في دارنا وراني قاعدة وصابرة مي مانيش مرتاحة وقلبي واجعني مع العلم خاني حوالي 10 مرات بالتيليفون و الفايس وركبها معاه انصحوني في عمري 22 ans

شكرا جزيلا لك على الموضوع رغم اني معانيتش من هذا شيء

الراجل جامي يتامن يقولو الراجل مشعرف الوجه ينحي لحية وتنوض لحية .دوك واحدة ومرة واحدة الخيانة مرة مرة مرة

شكرا اختي الكريمة نصائح مليحة و مفيدة جداً

يعطيك الصحة ربي يجازيك راكم توعيو النساء والله غير كاين لي متعرف والو ميات جام قليل عليك