..
للتواصل والاستفسارات :
الحسابات الرسمية لـ منصة بصمة الابداع .
‏Official Whatsapp :
الرابط محادثة الواتساب المباشر :
wa.me/message/4GKUGHJQFDZTC1
+966562778026
‏Official Snapchat :
/ a_thane2
‏Official Twitter :
/ a_thane2
‏Official Instagram :
/ a_thane2
ـــــــــــــــــــ
كلمات العمل
الرفيق اللي لزلاتي يهدم ويبني
نبهوه من القهر لا يحترق غليونه
يحسب اني واقفن ضده وقفى عني
ومادرى اني فاللوازم محتزم من دونه
الردى والعيب فنه والمراجل فني
جعل حظن جاب قربه يهبد بحاجونه
كل يوم يولف كذوبه علي ويغني
ناسين طيبي عسى اهل المرجله ينسونه
قد نفعت امه وابوه وصرتنا المتبني
ومن كرمنا عيت الدمعه تمس جفونه
وان تضايق وامتغث من دنيته يزبني
ومن حلالي اقضي اشغاله واسد ديونه
جعل يسقى يوم كنا فالرفاع نبني
والشتا ليله طويل ولا تشاف عيونه
الليال تروح والشرهه على المتوني
والعرب ماتعترض للحاجه المصيونه
لحن ٢
الجماله فالرياجيل تبقى ما تضيع
والردي على العلوم الجميله ما ضرى
المدايح ماتجي كود من صحنه وسيع
وللقبيله سيف بتار و حزام و ذرا
شروا مبخوت ال جابر راعي القدر الرفيع
ذاك سامع سيرته ذاك عنه قد قرا
بسمه زحول الرياجيل ذبو كل ريع
وقفته اثبت من النير وطويق وكرا
لو تحط جبال ثلجن على راسه تميع
ولو تحط اطنان من فوق كتفه ما درا
محتزم باخوه عبدالله الحصن المنيع
والعرب قالو النعم بالفعايل ينشرا
انت يامبخوت مبخوت من فضل السميع
تصغر القالات لا قمت والساري سرا
يافخر لاد العياضي هل السيف الوريع
سيرتك مسك وزبادي وكاد وعنبرا
انت نجمن فوق الامجاد غادن له لميع
انت عين المرجله وانت ستار العرا
ياولد كساب الامداح مشباع الجويع
بالوفا والجود والطيب دايم يذكرا
لحن ٢
القرايح في ثناكم يا خوالي
ماتجيب الا البيوت العالميه
ياهل الوقفات حامين التوالي
مدحكم يعطي المسامع قابليه
تفرقون بقو باس وطول بالي
وبالكرم والطيب والكف النديه
نوم عين وطب جرح لفل عالي
ياهل الردات ستر الغشمريه
انتم اهل الفعل مروين السلالي
من قبل صنع الفشق والبندقيه
في ذراكم ترتع السود الغوالي
ومن قربها قربت منه المنيه
عزوة الحقبان وافين الخصالي
والدواسر هامة الروس الابيه