#لايك_على_دربك
#قروب_FN #ععذرناك
لـلانـضـمـام لـمـجـمـوعـة [ FN ] تواصل معي سناب
حـسـابـاتـي عـلى الـتـواصـل الأجـتـمـاعـي⬇️
سـنـاب شـات ⬇️
/ ur-8u
الأنـسـتـقـرام ⬇️
...
بـنـتـرسـت⬇️
pin.it/1E9vEjo
كلمات عناد الشيباني
الرسوم القديمه عناد الشيباني
الرسوم القديمه خالد ال بريك
الرسوم القديمة بطيء
الرسوم القديمة بطي
الرسوم القديمة بطيئ
الرسوم القديمة
الكلمات :
كل ماذعذع الغربي .. عزمني نسيمه
واستدارت له افكاري وشد انتباهي
ماقدر اصد والا اغيب عن هالعزيمه
لازم اخذ معه .. دله وبراد شاهي …!
في مدار الخيال افرش على الارض غيمه
واتمثنا الطموح اللي مداه متناهي
ادري ان الغرور احيان مصدر هزيمه
وادري ان النجاح بعز ماله مضاهي
واسمع اصوات حسادي ولوهي رخيمه
واتمنى تدوم اصواتهاااا مثل ماهي
كل مازادت الحساد زدت العزيمه
ما تغير نظامي خل عاد اتجاهي ..!
فيه حاسد عظيم وفيه مراءه عظيمه
خلف كل الرجال الطيبين الدواهي ..!
والنقاشات مع كل العقول العقيمه
لو بتنجب تبي تنجب لك انسان فاهي
ابعدوني عن اهل الكذب واهل النميمه
ودي اسج رجلي في وساع المناهي
ياوجودي على عمرٍ سنينه رحيمه
ما تثير الجروح .. ولا تثير اشتباهي
يوم كان الزمن يضحك معي من صميمه
واحسبنه بيبقى طول عمره فكاهي !
لو بداية حياتي .. بين مرقب وخيمه
ماعرفت الحياه .. الفارهه و الملاهي
وان بغيت اتمسك فالرسوم القديمه
من يعيد الرفاق ومن يعيد المقاهي ..!
بس حتى لو ظروف الزمن مستديمه
والله اني عن الماجوب مانيب لاهي
كيف اجنب عن الماجوب وشداد ريمه
والمعاذير عيت تستلمها شفاهي …!
عند حامد وابو حامد عسى الله يديمه
مانبي عذر جزل ولا نبي عذر واهي ..!
دعوته غاليه .. والها مقام وحشيمه
والوفا مايبي قلبٍ عن الطيب ساهي
ابن عمٍ فعوله تشهد انه " صتيــمه
فزعته والمه والكف طيب وراهي
المكارم على راحة .. كفوفه مقيمه ..!
والمراجل قنا من ذودها كل ناهي
ما يطيع الظروف المعظلات الجسيمه
تمشي ظروف وقته معه حسب المشاهي
ذخر قبلان راع السيره المستقيمه
سمعته تستحق المفخره والتباهي
يا ابن عدوس يا مال السعد والغنيمه
يا حفيد الدهاه متعبين الدواهي
البس البشت يانسل الحرار العديمه
واحتفل والفخر لونه مع البشت باهي
شي عادي تفاخر بالفعول العظيمه
دام بشت الفخر فوق الشيابين زاهي
الله اللي عطانا .. قو هيبه وشيمه ..!
واشكرك واحمدك على النعم يا الاهي
اسم ربعي هو اللي يعطي المدح قيمه
وفعل ربعي هو اللي زاد قدري وجاهي
يوم كان الزمن مافيه نفسٍ حليمه
كل واحد من الايام يطهاه طاهي
قد شقرنا الدير .. بملاويات الشكيمه
نبحث عن الدواهي تحت كل السواهي
خصمنا يقنع ويرضى بـ الارياء الحكيمه
فـ اتباع الاوامر .. واجتناب النواهي ..!
لا زعلنا تصير الارض مسرح جريمه …!
وان رضينا .. رجع خد اشهب القاع باهي