Рет қаралды 61,703
Осыдан төрт ай бұрын, бір топ бала жабылып ұрып, жер жастандырған ұлымның мәйітін үш айдан соң, полиция қайтадан қазып алмақшы деген ана арнамыздан көмек сұрады. Шолпан Абдрахаеваның сөзінше ұлын ана дүниеге аттандырғандар әлі бостандықта жүр. Ал полиция күдіктіні қамауға алу үшін дәлел жеткіліксіз депті. Енді тергеушілер тағы да сараптама жасату үшін марқұмды қабірден қазып алмақшы. Бірақ, қаза болған жігіттің жақындары екі сараптама өткізсе де қылмысты аша алмаған Ұзынағаш Полициясына сенбейміз деп мәйтті қазып алуға рұқсат бермей отыр.
Қасиетті айда қабыр қаздырмаймын деген ана, қаңтарда қыршын кеткен ұлының қабырын құшақтап жылай берді. Қолғанатым болған жаста, ұлым кісі қолынан қаза тауып, тауым шағылды дейді.
ӘЛІБЕК ШЫНТЕМІР, тілші:
- Марқұмның денесін қайта қазып тексеруге бермейміз деген туыстары, Жамбыл ауданы Ұзынағаш ауылының құзырлы органдарына сенбейміз деп отыр. Өйткені бұған дейін де тергеушілер істі бұрмалап, қажетті дәлелдер жинай алмағандықтан күдікті әлі бостандықта жүр деп ашулы.
ШОЛПАН АБДРАХАЕВА, марқұм баланың анасы:
- Кіші ұлым екі мың үшінші жылғы. Мына балалар бес бала алдап шақырған. Біреуі шынтақпен ұрып, іш-құрылысының бәріне зақым келген. Анау Нұрғиса деген бала басынан теуіп үш бала свидетель.
Куәгерлер болса да, күдіктіні қамауға алмаған жергілікті полиция мәйітті қазып алса да, әділ шешім шығармайды деп қынжылған шеше, осы іске қатысты барлық қызметкерлерді қайта тексеру керек деп талап қойып отыр. Өйткені үй қамақта жүруі тиіс болған, күдікті Нұрғиса есімді азамат қазір тапанша ұстап, тайраңдап, бостандықта сауық құрып жүр дейді.
ЖАЗИРА АБДРАХАЕВА, Марқұм баланың әпкесі:
- Прокоротура сұрап жатыр экспертизаны. Не үшін она подсудимый жігіт Нұрғиса который главный менің інімнің басынан тепкен. Главный сол Нұрғисаның адвокаты Роза Ғазизовна, бұрын прокоротруда істеген, пенсияға шыққан. Сол прокурор екеуі ауыз жаласып отыр.
Марқұмның туыстары бұл іске дәлел жетпейді дегенге сенбейді. Өйткені мәйітханадағы анықтамада, соққыдан көз жұмғанын растайтыны жазылғанын айтады.
БАЗАРБАЙ БӘКІРҰЛЫ, Жамбыл аудандық сараптама бөлімінің меңгерушісі:
- Сараптамадан өткіздім. Жабық бас ми жарақаты. Миына қан кетті деп диагноз қойғанбыз. Тергеуші осындай ауру тарихындағы дәрігерлердің түсініктерін, қосымша құжаттарын әкелмеуіне байланысты, сот комиссиялық сараптама дайындау керек деп шешім шығарып жазып бергенмін өз қолыммен.
Ал тиісті құжаттарды толық жинақтамады деген тергеуші Азамат Нұрсұлтан қазір бұл істен шеттеліпті. Оның үстіне Азамат осы кісі өліміне қатысы бар деген күдікке ілінген Жасұлан есімді күдіктінің туысы болуы мүмкін деген болжам бар екен. Енді Жамбыл ауданы Полиция басқрамасы бұл істі қайта қарап, дәлелдерді жинақтау керек дейді.
АСХАТ ЖАНБОСЫНОВ Жамбыл ауданы Ішкі істер бөлімінің аға анықтаушысы
- Жаңағы сараптама қосымша керек дегеннен кейін біз осы экгсумацияға санкция алдық. Енді толыққанды бізде дәлеліміз жоқ, оны қамауға алатын.
Жамбыл аудандық Полиция басқармасымен қазір кінәлілілер анықталыпты. Алайда сотқа дейінге жасалған медициналық сараптаманың екеуінде де марқұмның қайтыс болған нақты себебін көрсетпепті. Енді туыстарының өтініші қайта қаралып, іс ары қарай тергелетін болды.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#ана_зары #шындықтың_жолымен #тергеу #полиция