Рет қаралды 61,606
Müdafiə Nazirliyi bəyanat yaydı - BAKU TV
Təəssüf hissi ilə qeyd edirik ki, martın 6-da Rusiya Müdafiə Nazirliyi martın 5-də Xankəndi-Xəlfəli-Turşsu torpaq yolunda baş vermiş silahlı insidentlə bağlı yaydığı bülletenlərdə faktları təhrif edib və həqiqəti əks etdirməyən məlumat yayıb.
Bu barədə Azərbaycan Müdafiə Nazirliyi məlumat yayıb. Bildiririk ki, martın 5-də operativ məlumatlar əsasında Ermənistandan qanunsuz hərbi daşınmalar həyata keçirən erməni hərbi birləşmələrinin nəqliyyat vasitəsinin Azərbaycan Ordusunun bölmələri tərəfindən saxlanılaraq yoxlanılmasına cəhd göstərilib. Nəqliyyat vasitəsinə yaxınlaşarkən avtomobilin içərisində olan erməni silahlı dəstəsinin üzvləri tərəfindən hərbi qulluqçularımız avtomat silahlardan atəşə tutulub və nəticədə 2 hərbçimiz şəhid olub, biri isə yaralanıb. Cavab atəşi ilə qeyri-qanuni erməni dəstəsinin 3 üzvü məhv edilib və 1-i yaralanıb. Silah-sursatla tam təchiz olunan bu hərbi qulluqçuların pasport və viza xidməti həyata keçirən polis əməkdaşları kimi təqdim edilməsi riyakarlıqdan başqa bir şey deyil.
İnsident nəticəsində yaralanan hərbi qulluqçularımıza Rusiya sülhməramlı kontingentinin nümayəndələri tərəfindən ilkin tibbi yardımın göstərilməsi və təxliyə edilməsi barədə yayılan məlumat da həqiqəti əks etdirmir. Şəhidlərimizin və yaralı hərbçimizin ərazidən təxliyəsi hərbi qulluqçularımız tərəfindən həyata keçirilib.
Üçtərəfli bəyanatın müddəalarına zidd olaraq Ermənistan tərəfindən Azərbaycanın Qarabağ iqtisadi rayonundakı qeyri-qanuni erməni silahlı dəstələrinə silah, sursat, təminat və digər hərbi vasitələrin daşınması davam etdirilir, eləcə də şəxsi heyətin rotasiyası həyata keçirilir. Bu kimi qəbuledilməz halların qarşısının dərhal alınması məqsədilə Rusiya sülhməramlı kontingenti üzərinə düşən vəzifələri yerinə yetirməlidir.
t.me/bakutvxeber
/ www.baku.tv
/ baku.tv
/ bakutvofficial
www.baku.tv
Müdafiə Nazirliyi bəyanat yaydı
© 2023 © All Rights Reserved ℗ Baku TV
#mudafienazirliyi #beyanat #rusiya