Мүмкіндігі шектеулі отандастырымыз үйінен шықпай-ақ, қай нысанда өздеріне қажетті жағдай жасалғанын біле алады. Ол үшін «Мүгедек адамдарды әлеуметтік қорғау» ақпараттық порталына кіруі қажет. Сайтқа қазірдің өзінде 9 мыңнан астам мекеме туралы дерек енгізілген. Яғни, бар ақпармен онлайн танысуға толық жағдай жасалып отыр.
Сондай-ақ, алдағы екі жыл ішінде ерекше қажеттіліктері бар адамдар үшін 13 мыңға жуық нысан бейімделгелі отыр. Мысалы, 2023 жылы ғимаратты пандустар, бейімделген лифт, дәретхана, зағиптар үшін бағыттаушы белгілермен қамтамасыз етуге 1 миллиард 700 миллион теңге бөлініпті. Бұдан бөлек, 1 шілдеден бастап «әлеуметтік инспекторлар» жұмысқа кіріседі деді Төлеген Оспанқұлов. Айтуынша, бұған дейін де мамандар тексеріс жүргізіп отырған. Бірақ қызметкерлердің мәртебесі айқындалмапты. Енді жаңа әлеуметтік кодекске сай статус беріліп отыр. Демек, мүгедек кісі қандай да бір мекемеге кіре алмаса не қызмет көрсету орны стандарттарға сай келмесе, тиісті органға арыз түсіреді. Тіпті тікелей министрлікке шағымдануға мүмкіндік бар. Сәйкесінше, ведомство жергілікті департаментке тапсырма беріп, мекемені тексереді. Нұсқама береді. Егер ол орындалмаса, айыппұл салынып, іс сотқа дейін жолдануы мүмкін.
ТӨЛЕГЕН ОСПАНҚҰЛОВ, ҚР Еңбек және халықты әлеуметтік қорғау министрлігінің комитет төрағасы:
- Егер тапқан кемшіліктер күрделі болса оған міндетті түрде айыппұл саламыз. Айтып отырмын ғой, айыппұл көлемі біз келіп, тексеріп жатқан мекеменің деңгейіне байланысты. Сондықтан егер ол жеке тұлға немесе лауазымды адам болса, оған 50 АЕК мөлшерінде айыппұл салынады. Ал егер ірі мекеме болса оның айыппұл көлемі 200 АЕК-ке дейін көтеріледі.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz и www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал