Алматы қаласының әкімі президент Қасым - Жомарт Тоқаевтың "тыңдаушы мемлекет" қағидасын қолдамайтын сияқты. Бақытжан Сағынтаевты осыдан бір ай бұрын әкімдікке іздеп келген аналар, өздері көтерген мәселелеріне әлі күнге дейін жауап ала алмай келеді. Мүмкіндігі шектеулі бала тәрбиелеп отырған олар, баспана кезегіне қатысты арнайы тұрғын үй кезегі жасалуын талап етіп еді.
Әкімдіктің кіреберісінен әрі өте алмаған аналардың мәселесі де кіреберістен әлі аса алмай тұр. Мүмкіндігі шектеулі бала тәрбиелеп отырған отбасыларға арнайы кезек жасауға қауқарымыз жетпейді деген Алматының тұрғын үй басқармасы индустрия және инфрақұрлымдық даму министрлігіне бір емес, осымен екі рет хат жолдадық деп отыр.
ЕРМЕК ӘМІРОВ, Алматы қаласы тұрғын үй саясаты басқармасы басшысының орынбасары:
- Инфрақұрылымдық министрлігіне жолдаған болатынбыз. Мүдегек баланы асыраушы отбасыларды санат бойынша бөлек шығарсақ деген ұсыныс білдірген болатынбыз. Қазіргі таңда қаралуда.
Министрлік пен әкімдік ана мен баланың баспана мәселесін пысықтап біте алмай жатқанда, Алматыда бір айдың ішінде тағы 1 мың 87 адам баспанаға мұқтажбыз деп кезекке тұрып, тізім 28 700-ден асып жығылған. Оның тең жартысына жуығы әлеуметтік осал топқа жататындар. Олардың басым бөлігі тұрғын үй қорынан үйді тегін емес, арендаға алатындарын және жекешелендіре алмайтындарын білмей жатады дейді мамандар.
ЕРМЕК ӘМІРОВ, Алматы қаласы тұрғын үй саясаты басқармасы басшысының орынбасары:
- 2010 жылдан бері берілетін үйлер ол арендалық үйлер. Оларға өзгеріс енгені сатып алу құқығынсыз 2018 жылдан бері салынған үйлер. Бұрын тегін үйлер десе, қазір арендалық үйлер деп атайды.
Экономист Мақсат Серәлі, Алматы қаласы әкімдігінің бюджетті тиімді басқара алмауы жұртқа осылай кесірін тигізіп отыр дейді. Ал 30 жыл күткен баспананың көбі қаланың шеткі аудандарынан ғана беріледі. Ал бұл елді тапқа бөлгенмен тең дейді ол.
МАҚСАТ СЕРӘЛІ, экономист:
- Жақсы бір шешім ретінде мен айтар едім, өздеріңізге белгілі жыл сайын қаншама бюджеттен бөлінген миллиардтаған қаражат қайтарылып жатады. Осы қайтарылған қаражаттың өзін тұрғын үй саласына жұмсаса жеткілікті. Білесіздер, Алматы қаласының бюджетін мәслихат депутаттары бекітеді. Депутаттардың өзі қанша миллиадтаған теңгені үнемдеп отыр.
Тікелей әкімдіктен қарастырылатын, яғни тұрғын үй қорының есебінен әдеттегідей биыл 850 пәтерден артық берілмейді екен. Сондай-ақ, "Бақытты отбасы", "Шаңырақ" бағдарламаларынан үмітті 2 мың отбасыға 1 миллион теңгелік қайтарымсыз сертификатты осы жылдан қалдырмай үлестіреміз деп отыр жауаптылар. Ал, мүмкіндігі шектеулі бала тәрбиелеп отырған 1379 алматылық жанұяның қаншалықты тездетіп үйлі болатын айтуға не әкімдік, не министрлік асығар емес.
Әйгерім Ердәулет, Сергей Шуйский
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#баспана #Алматы #кезек