自由行的最佳打開方式梗係自駕遊，又方便時間又自由！ 今次就帶大家由怡保開始，一路玩上去太平、檳城，再落返來去金馬倫高原。 一路食美食，影靚相打卡！ 第一站去有山城之稱的怡保，參觀歷史悠久的歐洲建築凱里古堡，品嘗馳名滑雞河，個芽菜脆口得來又肥美多汁，非常好食！ 月光河、特色七彩豆漿、豆腐花都好值得一試。 想買手信的朋友就唔好錯過買怡保出名的鹽焗雞！