حياكم‎
سناب
‏@al.2omy‎
انستقرام
‏@al.2omy‎
تيلجرام
‏t.me/al_2omy
..
ابيات القصيده👇
.
.
على شرف قصيدتي قبل شهرين
البدو متهمين والحضر أبرياء
.
وعلى البلاط الهاشمي يالسامعين
تقلط جزيلات المعاني وانت ياء
.
مقيم الشعار والمستشعرين
العي لايبلشكم بكثر العياء
.
وياللي تقول الشعر من اين لاين
هذا السؤال توجهه للاغبياء
.
الله جعل في كربلاء قبر الحسين
علامك تدور عليه فـ صربياء
.
يالشاعر الفاسق ترى البيت الثمين
يرفعك حتى في عيون الاولياء
.
تقو بالتفكير عند الغافلين
ولتعلم أن الله يحب الاقوياء
.
يا اصحابي الشعار يالمتشمتين
الين اصبحتم فوضع مزرياء
.
تدفعني اللهفه ويجذبني حنين
لمصافح الخبلان قبل الاسوياء
.
والشك يلقح بأثم لكن اليقين
خلاني اعرف ماعلي وما لياء
.
يارب ذرني سد بين المبدعين
المؤمنين بفكرهم والادعياء
.
ضباط جيش تويتر المتويترين
المعدمين من المرؤه والحياء
.
لا اللي على حبه ولا ابو حبتين
تجراؤ على مناصب لالوياء
.
بكره يموت الهرج ويشيب الجنين
وسلومنا واعرافنا كما هياء
.
وياللي تقول ان مرجلتنا فـ السنين
التاليه بعد الدراهم والغياء
.
قدام نملك ماملكه أبا بطين
واحنا لكسب الطيب عساسة حياء
.
كانت مراجلنا على ماقيل دين
والدين سددناه واليوم اثرياء
.
وان شكرتم لاازيد الشاكرين
فالشكر لك يارب شكر الاتقياء
.
تجملوا يا اصحابي المتجملين
تجملوا لو كان من باب الرياء
.
المرجله ياطيب راس او قو دين
ومن يجمع الثنتين ياجعل يحياء
.
والله لو ان ما الله يحب الطيبين
يحوزهم عنها سواة الاردياء
.
ماهوب كثر المال يالعقل الفطين
او قلته تشبر شبور الاوفياء
.
المرجله لوهي شقا ربك يعين
ثلاثة ارباع المطاليق اشقياء
.
لا تنتظر ينزل لك الوحي الامين
ولا يطرش لك نبي من الانبياء
.
لكن تجمل باليسار وباليمين
فاقارب ولا اجناب ولا فاخوياء
.
يشح راعي اللكزز برزق الثنين
ويسد رزق الاربعه راعي كياء