當年我都試過坐依D巴士去布吉,一車得幾個人,我坐靠窗邊位,車上一男一女服務員係清晨5.6點坐去我後面嘗試靠窗邊位置拉走我嗰袋,我記得當時外面仍然好黑好黑,得我一個我唔太敢出聲,然後默默地自己掉位坐近隔離有人坐嘅地方。落車後放係下層嘅rimowa比人開過,無值錢嘢無損失。 再然後坐車由布吉去合艾再去新加坡,布吉我坐錯咗local車,車尾乘客位放咗幾個雞籠😂有活雞😂有部電單車,全程行啲小山路。去到一個中途站,車上工作人員阿叔走埋嚟cup cup cup 咗幾句然後行開咗,我就搵埋隔籬位唔識嗰個泰國姐姐落車去廁所,落車1分鐘唔夠喺廁所聽到架巴士開走咗!我同個泰國姐姐即刻狗衝出去廁所望到架巴士走咗然後呆咗咁企喺度,旁邊啲小士多阿姐即刻幫我哋打電話,同一時間個泰國姐姐掹住我一人上一架電單車極速追番架巴士,追咗幾耐我唔太記得但係當時係好驚險,而家諗返起都仍然覺得好好笑😂