Dear Friends,
好來無試過寫一首正正常常的「詩歌」。
想當年裸辭、開舖頭已經踏入第八年，
撞板多過食飯，遇上N咁多個打擊，
有閃過放棄的念頭、定期經歷自我懷疑。
做呢首小品創作，無乜特別目的，
只係純粹想回歸「初心」，
寫番一首近似細個時會寫嘅歌，
諗番自己當初出發嘅因由。
我唔係一個成日講經嘅基督徒，
不過行到呢個關口，好想感謝神，
讓我經歷唔同嘅磨練，
成為一個更謙卑、耐性嘅人。
世界再壞，心底都有一份勇氣前行。
At the end of the day, 我係一個比較講feel既人。
清晨時睇到日出，行山感受到微風，
秋天聞到樹葉嘅氣味、無帶遮果陣淋雨，
我就感受到上帝並唔係咁遙遠。
**Special thanks to 靚仔、年青有為男主角 ‪@billy_archive‬
還有負責呢個video 嘅 Timothy W
《明途》
曲/詞：何振賢
獨處身落泊的街道
習慣走孤身的旅途
茫茫人海中掙扎 終點不見到
未會想 未會知 改道
是你手施恩鋪滿途
常抒解憂鬱感覺 安穩走每步
你愛在無眠夜裡 燈火般引路
寒冬送暖 感激你 保守我 像瑰寶
(文明失救了 紛擾再洶湧 你也是至高)
如清早的光線 照遍和善 如清風般簡樸吹到 我耳邊
雨水般透徹灑我心田 變幻氣候當作磨練
(給我勇氣渡過兇險)
如此熟悉親切 叫我常念 煩囂中彷失重 得你拯救引牽
活於荒旦世界 讓我遇見 尋遍 尋見 你伴我開新篇 (那懼路塌景遷)
Credits:
男演員: Billy李浚軒
Make Up: Poon Ka Wai
Hair: Joanne Leung
Audio Mixing & Production: Eddie Ho
Director: Serene Wong
Editor: Kukki Chan & Timothy W
Videographer: Timothy W
Colorist: Timothy W
Special thanks to Labelle Salon