今次跳出東區Wantirna 一帶，帶大家去Caulfield South 睇一間兩層高，建於2000年嘅5房屋，地皮面積約410平方米，意向價2.49M，約相等於港幣1300萬。呢間5房3浴室2車房屋，內設有較大有蓋Alfresco，屋外種植唔同嘅花草。
樓上主人房較大，有兩個衣帽間，另外三間睡房比較簡單。如果買入後，需要考慮打理花園嘅情況。雖這屋位處内街，但見不少車經過，因路面比較狹窄，有時要讓對頭車，所以買樓前需要親自喺屋外觀察情況 。
而呢間屋上星期曾經拍賣，但未到業主心目中260萬底價，最終流標，現時已249萬放售，因為第一次係呢一區睇樓，未知區內價錢情況，但以呢個價錢買410平方米嘅屋，感覺略嫌貴些少。
#睇樓 #House inspection