Рет қаралды 58
Биыл қазақ даласының ұлы перзенті Қаныш Имантайұлы Сәтбаевтың туғанына 125 жыл толып отыр.
Қаныш Имантайұлы - тұңғыш кәсіби тау-кен инженері, геолог - ғалым, Қазақстан Ғылым академиясының негізін қалаушы және тұңғыш президенті, Қазақстандағы алғашқы Мемлекеттік сыйлықтың лауреаты, Отандық ғылымның негізін қалаушы, мемлекет және қоғам қайраткері.
Көкшетау қаласында геолог- ғалым, профессор, қазақтың тұңғыш академиктің 125 жылдығына орай ескерткішіне гүл шоқтарын қою рәсімі өтті.
Тағылымды іс-шараға Ақмола облысы ішкі саясат басқармасының басшысы Алмас Алин, Е.А. Бөкетов атындағы ҚарМУ-дың «Отан тарихы» кафедрасы меңгерушісі, археология, этнология ғылымдарының PhD докторы Қанат Тұрымұлы Бөдеев, қалалық ардагерлер Кеңесінің төрағасы Шияп Әлиев , Сәтбаевтанушы, еңбек ардагері Мейрамбек Қиықов, «Қоғамдық даму орталығы» КММ қызметкерлері, сондай-ақ, білім ордаларының оқытушы-ғалымдары мен студент-жастары және мемлекеттік мекемелердің өкілдері қатысты.
Айта кетсек, қазақтың ұлы перзенті Қаныш Имантайұлының өмір жолы мен бағажетпес ғылыми еңбектерін ұлықтау мақсатында бүгінде еліміз бойынша көптеген іс-шаралар өткізілуде. Сонымен қатар, ғұлама-ғалымның мерейтойын атап өтуге арналған Үкіметтің жалпыреспубликалық жоспары аясында биыл республикалық және халықаралық деңгейдегі 50-ден астам іс-шара өтетіні де айтылған.
Қаныш Сәтбаевтың адами қасиеттері мен азаматтық ұстанымы, ғалымның жарқын бейнесі баршамыздың есімізде мәңгі қалары сөз.
Аты аңызға айналған тұғыры биік тұлға Қаныш Имантайұлы Сәтбаевтың ұлы есімі ғылым жолындағы ізбасарларына әрқашан үлгі-өнеге болып, ұлықтала бермек! Ұлылырымыз ұлықтала берсін ағайын!