Рет қаралды 1,443
Please watch: "Огорожено Каспийское Море - Баку ТВ"
• Xəzər dənizi hasarland... -~-
Mərkəzi Bank 163 milyon manat zərə edib - BAKU TV
Aktual xəbərlərimiz
• QARABAĞ XRONİKASI
• Playlist
• Playlist
Azərbaycan Mərkəzi Bankı 2021-ci ilin maliyyə hesabatını açıqlayıb.
Rəqəmlərə əsasən, qurum ötən ili 162 milyon 746 min manat xalis zərərlə başa vurub. Belə ki, ötən il Mərkəzi Bankın faiz gəlirləri 131 milyon 227 min manat, xərcləri isə 166 milyon 457 min manat olub. Həmçinin haqq və komissiya gəlirləri 20 milyon 488 min manat, bu istiqamətdə xərcləri isə 3 milyon 835 min manat təşkil edib.
Bütün bunlar da əvvəlki illərin göstəricilərindən dəfərlərlə aşağıdır. Lakin 2020-ci ili Mərkəzi Bank 52 milyon 485 min manat xalis mənfəət əldə etmişdi. Maliyyə hesabatına əsasən, qurum ötən il işçilərinə 22,103 milyon manat xərc çəkib. Bu 2020-ci illə müqayisədə 30,8% çoxdur.
Bundan başqa, hesabatda deyilir ki, bu il yanvarın 1-nə işçilərə verilən kreditlərin məbləği 550 min manat olub. Bu isə ötən ilə nisbətən 5% azdır. Bununla yanaşı, yanvarın 1-nə olan rəqəmlərə görə, Mərkəzi Bankın aktivləri 26 milyard 410 milyon 568 min manatdır. Bu göstərici ötən illə müqayisədə 3,6 % çoxdur. Aktivlərin 17 milyard 362 milyon 276 min manatını borc qiymətli kağızları, 6 milyard 838 milyon 991 mini pul vəsaitləri və onların ekvivalentləri, 1 milyard 258 milyon 160 mini Beynəlxalq Valyuta Fondu ilə hesablaşmalar, 356 milyon 281 mini isə banklara verilən kreditlər təşkil edir.
Hesabatda qeyd olunub ki, 2021-ci ildə tənzimləyici qurumun öhdəlikləri 5,8 % artaraq 25 milyard 240 milyon 380 min manat olub. Dövriyyədə olan əskinasların və sikkələrin dəyəri 4 % artaraq 12 milyard 310 milyon 18 min manat olub. Həmçinin kredit təşkilatları qarşısında öhdəlikləri 2,3 dəfə artaraq 7 milyard 440 milyon 4 min manata çatıb. Hökumət idarələri qarşısında öhdəlikləri isə 18,6 % azalaraq 4 milyard 4 milyon 637 min manata enib. Beynəlxalq valyuta fondu ilə əməliyyatlar üzrə öhdəlikləri isə 3,3 dəfə artaraq 1 milyard 261 milyon 131 min manat olub.
İl ərzində qurumun balans kapitalı 27,9 % azalaraq 1 milyard 170 milyon 188 min manata düşüb, nizamnamə kapitalı isə dəyişməyərək 500 milyon manat qalıb.
Sosial şəbəkələrimiz
/ www.baku.tv
/ bakutvofficial
/ bakutvofficial
t.me/bakutvxeber
www.baku.tv
©2021 - 2022 © All Rights Reserved ℗ Baku TV
Mərkəzi Bank 163 milyon manat zərə edib
#bakutv #MerkeziBank #Zerer #xeberler #news #bakutvxeber #bakutv #bakutvnews #xəbərlər