Рет қаралды 282,488
Ол- полиглот.Ол-әнші.Ол-спортшы.Ол - көңілді адам. Сегіз қырлы, бір сырлы Мәсімов. Осыдан тура бірнеше апта бұрын яғни 30 мамыр күні Алматының бір атақты ресторанында дүркіреген той өтті. Кешке өңкей ығай мен сығайлар жиналды. Мынау сол шарадан түсірілген бейнекадрлар. Бұл кеште бір кісіге Ұлы даланың ұлт анасы деген марапат тапсырылды. Иә, ұлт анасы атанып, сұмдық қошаметке бөленіп тұрған бұ кісі қазіргі ұлттық қауіпсіздік комитетінің төрағасы, Қазақстанның үш дүркін Премьер министрі Кәрім Мәсімовтың анасы. Эланора Кәрімқызы кеудесіне жарқыраған орден тағып, бақыттан басы айналды. Марапатқа байланысты әлеуметтік желіде елдің пікірі әдеттегідей екіге жарылды. Көбі бұл атақты Кәрім Мәсімовтың анасы болғаны үшін ғана берілді, әйтпесе ұлт анасы деуге лайық қаншама нәзік жандар бар еді бізде деп пікір қалдырды. Қазақстанда Кәрім Мәсімовтың ықпалы, абырой бет-беделі шынымен жүріп ақ тұр. Ендеше бұл видеода сіз біле бермейтін Мәсімов жайлы сөз қозғаймыз.
Елді ең алдымен Кәрім Мәсімовтің ұлты қызықтырады. Шынымен ол қай ұлттың перзенті? Қазақ па әлде ұйғыр ма? Бұл сұрақ әсіресе 2007 жылы ол алғаш үкімет басшысы боп тағайындалған сәтте қатты-қатты, тағы айтамыз қатты-қатты талқыланған болатын. Алып-қашпа әңгімелер, желдей ескен өсек-аяңдар қаптап кеткен. Ал Елбасы Нұрсұлтан Назарбаев ең әуелден оны жұртқа ерекше таныстырып, бұл мәселеге нүкте қойғандай болып еді.
Ал Кәрім Мәсімовтің әкесі Қажымқан Мәсімов 2010 жылы «Жас Алаш» газетіне берген сұхбатында « біз ташкендік қожалардың ұрпағы боламыз» деп Мәсімов деген тегтің қалай пайда болғанын егжей-тегжейлі баяндап берген. Енді мына қызықты қараңыз. Біз ұйғыр ма, қазақ па деп талас-тартыс жүргізіп жатқан сол шақтары Қытайдың ең ықпалды телеарналарының бірі оны ұйғыр ұлтының өкілі деп салды.
Қытайша білетін достарыңыз болса тыңдатып, аудартып аларсыздар.
Ал осы Қытай журналистері дайындаған Қазақстан туралы сюжетте К.Мәсімов сұхбат беріп, Қазақстан мен Қытай арасындағы қарым-қатынас туралы қытайша баяндаған. Жалпы қытайлық телеарнаның не себепті оның ұлтының түсін түстеп, атын атағаны бір Құдайға және бір Қытайға аян.
Кәрім Мәсімовтың бір басына жетіп артылар атақ-абыройы бар. Ол экономист,заңгер,қытайтанушы, стратег.Аспай-саспай жұмысты жүйелі түрде атқара алатын сабырлы саясаткер. Сонымен қатар видеоның басында айтып кеткендей ол бірнеше тілді еркін меңгерген адам. Қытайшаны періп тұр. Ағылшыншасы да тәп-тәуір. Орысша ол енді түсінікті. Қазақшаны әйтіп-бүйтіп сөйлейді. Туысқан ұлт татарлардың тілін де меңгеріп алған. Мұнысын Татарстан президенті Рустам Миннихановпен кездескенде көрсетті.
Қанша қарбалас жұмыс болса да Мәсімов спортпен шұғылдануға уақыт табады. Әсіресе жүгіруді ұнатады. Оның бұл хоббиына сіз бен біз бірнеше мәрте куә болдық. «Астана-Дуатлон-2016” спорттық акциясы аясындағы марафонға қатысып, «мода» көрсетіп әртүрлі шұлықтар киіп таңқалдырғаны әлі естеріңізде болар. Сосын бұл кісі хоккей ойнағанды да жақсы көреді екен. Анау-мынау мен емес, РФ премьер-министрі Дмитрий Медведевпен бірге хоккей ойнайтыны бар. Тауға өрмелеу және шаңғымен сырғанауды да жаны сүйетіні мына видеодан анық байқалады. Жарықтық, қалай-қалай зуылдайды, әәә!!!!!!!
Мәсімовтың әншілігі туралы айтпай кетуге болмас. Луи Армстронгтың фанаты сияқты. Бірақ ағылшынша айтқан әні сүйсінте қоймайды. Ол 2016 жылы инстаграм желісінен жеке парақшасын ашты, сол арқылы жаңалықтарымен бөлісіп отыратын. Алайда екі жыл көлемі боп қалды, пост жариялауды доғарды. Соңғы рет 2019 жылы 18 мамырда «әкеме арнап кітап жаздым. Біздің шежіреміз» деп жазып, қысқа видео жариялады.