لا يوجد حسون واحد في الطبيعة يتغذى على الساك الحسون طائر شوكي يتغذى على جميع الأشواك وبعض الاعشاب

نتى تعجبني نتى تربي صح وتفهم بارك الله فيك

المرض الحقيقي هو بخل الناس على الطيور 😅

صح معلومه صحيحه خبير العصافير يقول نفس الكلام شكرا على نصائحك وكتر لنا من هذا الفيديوهات

شكرا على المعلومات

انا اتفكر كيف كنا صغار نعطو طيورنا ساك واطول اعيش معانا على طول .وكيف صرنا نعطو ميلونج صار يمرض وبسرعة اموا

Wallah ma rak fahame wallou .

السلام عليكم ورحمة الله وبراكاته، كيف نرغم فرخ الحسون صيد جديد علي اكل البريق وحده مع العلم ان الامر ليس بسهل.

هل الكناري ياكل فقط مابداخل الحبوب ويترك القشور ام ياكل الحبوب كماهي لان طاءري ياكل فقط مابالداخل

ما هي فواءدها

انا نمد مانيطوبا و خضر و زريعة الشوك الكبير مرحي مع لوز مرحي . و عايشين في البلكون مع البرد و التيارات. الحمد للله راهم بصحة جيدة و ننتج بيهم عادي .

ياخو مونجاور ساك ومونجوار ميلونج مليحا. ولا نن انا جديد فمقانن

لا أخي الكريم صاحبي عندو. حسون يعطيه براقة سيك وكودي واحد فسيمانة راه الله إبارك ماشاء الله

الاحسن هي البراقة ساك ونمد زوج لي ڨودي مانيطوبا ف سمانة

خطرة وحداة فسيمانة احسن لانا الحسون فقفص لايتحرك ليحرق

هذه هي الطريقة الصحيحة ❤❤

دعموا القناة لكي نقدم الأفضل من فضلكم

حسب خبرتي في تربية العصفور السك افضل و احسن مع مرعاة تقديم على اقل خليط بذور مرة في اسبوع على اقل مع تقديم الفواكه و الخضار

انا ربيت حسون 12 سنه على براقه سك

وليدينا رباو بها زوان سك وحتحنا كربو بسك

يااااو تحيا ساك البذور لخرى كل هي كوكسيديا وميغا بكتيريا ننصح خاوتي والفو المقنين بالساك والله يعيش مشاء الله ويغني عادي عن تجربة مين جربت خلطات تع الخزعبلة ولاو يمرضولي المقانن تحيا ساك و سلاطة والماء وسعات خظر وقص قرمط

ليس هناك تشابه بين كبد و كوكسيديا.. لان كوكسيديا هي بكتيريا ضارة و لها علاجات اما كبد فيفقد و ضائفه يتمزق او يتضخم و ليس له علاج ... أفي كول هو وقاية ينشط كبد و يجعله يتلائم لكن ان فات الأوان يموت حسون

انت باين جديد في لمقنين والدليل على كلامك كون جيت قديم في المقنين بكري مكانش الميلونج كانو مقانن قوة على الوقت الحالي

انا البراقة ساك محبش ياكلها ياكل غير في البذور الكحلة

أنا نربي المقنين عندي 10 سنوات ندير براقة ساك وفي الأسبوع قودي زرارع بصح نعاون دوش تشماس نوم في وقته الخضر في الاسبوع خطرا بيض مسلوق في الأسبوع خطرا منقوع الحلبة .. الخروب . .. الليمون والثوم ... للوقاية من البرد الهندباء البرية الحريق .... هاذا مكان وتنتج عادي

انا نمد الاكل رايسي ساك علي العام بصح عندي يومين في سمانة نعطيهم قودي ميلونج وخطرا في سمانة خضرا ولا فاكية

Vive البراقة

ليس هناك قاعدة ثابتة...أنا مثلا ،بكري ربيت مقنين 12 سنة بالبراقة ساك على طول العام مع بعض الأعشاب حسب الفصول و شكرا

نقلك صح انا نوكلهم منيطوبة ولي راهو يقلك مرض تاع كمبدة من لماء لازم كل يوم بدلة ولازم تنقيلو هك يمرض بكبد

كيف تبدلو من كامي للبراقة

سلام عليكم ورحمة اخواني قناتي جديدة نتمنى تدعموني 👌 😊

براقة.ساك.والخضر.والفواكه.

بكري كان غي ساك زاوج مشي كيمى دروك

مافيها والو تقدر تمد للمقنين براقة ساك وكل 3 ايام قودي فيه زريعة الشوك، الكيف، بريلا، كتان، سلاطة، بسباس، عصفر، الخ مدخلش حبوب سوداء خلاص ربي يوفق

عندي مال محبش إياكل براقة حاب غي الملونج

يعطيلوا زوج مرات فنهار صباح وعشية ولبراقة ساك يكون مشاء الله

خويا .. الميلي واش تمدلو كخلطة.. انا راني نعطيلو غير البراقة

انا نمدلهم ماني طوبة ونزيدلهم دوار الشمس وزريعة شوك صغيرة نزيد نخلطهالهم ونعطيهم مرة فسيمانة شية فلكودي و سلاطة ولحشاوش نتاع لغابة وجامي مرضولي بصح سر هوا تراب عندي خلطة نتاع تراب مع رمل لبحر ونطحن معاهم عضم سيبيا وشوية فاخر طبيعي هذا مكان

الحسون في الطبيعة ما ياكلش كان البراقة ساك

والله يا اخي الناس راهي تهدر بدون علم منين راهم يجيبو فالمعلومات ؟ الله اعلم ،البراقة ساك ماعندها حتى فائدة للحسون والحسون بطبعو مايحبش البراقة هوما لي حتموهالو مسكين ،ياتكل ياتموت،وحتى ونقدمولو الميلونج فالڤودي ماوهوش حل لأنه غير يكمل الڤودي الحسون يدخل فالكآبة وكاين حتى لي يتنفخ ومايحبش يغني،الحل لي لقيتو ناجح اعطيه الميلونج كيما راه وكيكمل الزرارع وتبقى غير البراقة خليه ياكل منها شويا وعمرلو ونزيدك معلومة الحسون لي ياكل ديما الميلونج رايح تصرالو تخمة مع الوقت يولي ياكل ومايكترش يعني مايشحم موالو مع هو تلقاه حركي شويا هذاك هو مايشحمش بإذن الله ، و المعلومة لي نزيدهالك اي حاجة فيها فايدة لطير تلقاه ياكلها بشراهة والبراقة كما قولتلك والله مايحبها الحسون وبدرة يابسة وناشفة خالية من البروتبنات والفيتامنات والزيوت لي يحتاجها الطير ،وركز تاني على النظافة والتشميس وتقديم الاحماض والتراب بإذن الله ماتواجه حتى مشكل.

بحكم تربيتي البدور السوداء والزيتية تبدا بتمريض العصفور من شهر مارس لانو درجة الحرارة ترتفع وفي اوروبا الجو بارد تساعدهم عكسنا لازم نوكلو ساك ونحطو خظر مثل الخس والخيار والجزر اظافة للتفاح وخل تفاح مرة كل 15يوم تشميس وسباحة ووضع التراب لتسهيل الهظم وشوف كيف يكون مليح ومتنسا بيض مسلوق مرة كل 10ايام

نعطيك حاجة خويا انا عندي حسون كنت نعطيلوا الميلونج والوقت لي كنت نعطيلوا الميلونج مقدرش يطلع الريش والزنيمة نتاعوا ولكن بعد ما قدمتلوا البراقة الساك اتخيل في يومين فقط جاب الريش نتاعوا وطلع زنيمتوا في مدة زمنية قصيرة وهذا بسبب البراقة ساك ..وهذه شيء تفطنت له عن تجربة الا الخليط يجب ان يكون مرة الى مرتين في الاسبوع

أربي هذا الطائر وكل الأنواع الممكنة تقريبا مند 20سنة لم اصدق يوما كلمة اعطيلو الساك برك وخلاص هذا خارج عن منطق الخلق الإلهي شحال نحاجة ياكل فالطبيعة تقدر تحسبهم يفوتو 100 نوع من الغداء الحشائش بأنواعها لا تعد ولا تحصى حتى اوراق الليمون الشاي ، البرتقال وكمل متحبسش ناهيك عن البدور حتى بعض الحشرات كاين هذيك البدور لي فيها نسبة دهون كبيرة صح تمرضو بيسك طعمها شباب كيما لعسل بالنسبة للبشر قادر تاكل لتر ونتا لاخبر بصح كاين اكل مختلط مفيهش البدور السوداء ولا متتعداش النسبة تاعها 2/100 من باقي البدور الموجودة في الكيس هذاك هو الأكل تاع الصح تاعو بالإضافة للفواكه الحسائش البرية المربي الحقيقي يعرفهم الازهار الخضر الخس الخيار العسل هذو الأمور على كل حال سواء مع الساك ولا الميلونج لازم يكونو مفيهاش على الأقل 4مرات في الاسبوع مشي فالشهر ياك مربي تنتج تنال تكسب وتبيع ايا مالا معندكش عدر ولا أطلق يروح من اللخر لي باغي يوكل بالنسبة للحبوب اعطيلو الميلونج لي ما فيهاش البدور السوداء وزيدلها براقة ساك جامي يمرض غير يلكان ربي لي كتبها فلا مفر من الواقعة والسلام