Рет қаралды 60,267
近日鬧到滿成風雨嘅「自費」事件,炒到咁熱無非都係觀眾有種受騙感。佢係咪真自費我唔評論,無謂誹謗人地,無證據唔好亂講野🥲我本身都接開好多餐飲片,跟住落來等我爆少少業配內幕俾大家認識下。
首先第一,你地成日話影張收據來證明,其實收據唔證明到啲乜野,品牌方最唔想見到嘅係拍片者被質疑做梅,成條片唔夠真實,都會專登打張單出來,甚至都話叫我影埋支付過程,之後退返錢俾我。所以無一樣野係可以充份證明,只有當時人先知,唔好再講影單代表一切,少年你實在年輕了。一般我都收左錢都會依從品牌方吩咐,佢會有個Brief大概列左個方向,佢想要效果,觀感,重點,我地拍業配其實好被動,唔可以違反佢定嘅指引,除非你唔打算接。第二我通常亳不避諱,業配就業配,店員都會好配合我去拍,成個廚房都任我穿梭,成個環境都係自由拍,唔洗驚面斥不雅,只有業配先做到,以上影片我唔敢評論,可能佢同經理好熟任佢行任佢穿梭,因為此舉會影響食客,有啲人唔想俾人影到,任你影嗰啲95%都係,所以我一直都係擺到明,其實我地做拍片真係唔介意公開條片係業配,介意嘅係品牌方唔想俾人有膳稿之嫌嘅印象。所以我好明白佢解釋,無奈且被動。第三,我成日都問係廣告又點,拍片都係一份工,一份職業,你會唔會同老細講我今日打完工可以唔收人工架。咁偉大不如大家去做義工啦,我覺得收錢拍片係合情合理無可厚非,只係觀眾角度酸得來以為好容易拍咁,心諗車錢,助手,拍片,剪片,對接,協調,器材,知識,呢啲唔洗成本咩,咁叻你都可以去拍,我地賣嘅係流量同製作俾商家,收錢係絕對合情合理。仲有我拍嘅片好多時穿梭埋廚房,都擺到明係業配,唔洗成日都問,唔洗樣樣都申報一次吧,觀眾自己有判斷,好多KZfaqr就係被觀眾牽住走,叫你申報就申報,申報又代表真?另外再想講嘅係其實業唔業配都好我拍嘅片都好精細,環境至食材至賣相乃至份量都唔會因為業配而變,觀眾對美食片飢餓觀感係唔會變。只係俾多個選擇大家去決定,唯一有誤差係食評上,我地人在江湖,身不由己,放過佢啦,放過大家啦,講左咁多年都口臭😷,其實咁介懷做咩,大家睇得開心咪得囉😅睇片大家都係想娛樂下,接收下資訊。唉,概嘆,做創作真係唔容易,只能係做義工先會被接納,變現係目的亦會招人話柄。
補充一下,單憑申報唔代表啲咩,又無法律效力,還掂只有當時人先會知,條條片申報為自費仲可以自詡飲食界清泉,咁申報左又代表啲咩?真假自費其實好容易分,同埋只有醒嘅觀眾先分得出,其實好簡單,一般業配都會有送審過程,如果真自費,一間餐廳咁多菜,人人口味唔同,梗有啲係唔合自己口味,敢於堅決抨擊講啲自己感受覺得難食嘅食評,多數係自費無送審壓力無包袱先做到。5正5負,3負,8負又好,多數都係自費,而真正業配,難食最多講到一般 0 業配好難可以講到好極端難食,因為過唔到品牌方審批就收唔到錢。所以業配KOL唔敢大力抨擊菜品嘅,你都明啦。
其實咁辛苦別識佢係咪自費有咩為,上鋼上線撐到咁衡,睇片會開心咩,放鬆包容嘅心態去睇,睇得開心咪得囉。
同埋好多時決定權唔係我地手,我地好被動,唔好再問我點解唔申報,我寧願唔申報都唔想呃大家,我大可以條條都扮自費,品牌方只能俾我地扮自費,我又可以點。咁又係咪大家想見到,申請又代表啲乜?每條片我都好刻意拍啲自費片拍唔到嘅野俾大家睇,醒少少嘅觀眾,大家都明就唔洗多問,有啲野大家心照就得。如果品牌方唔介意申報為業配,我申報業配戴下光環又有咩所謂。真係唔明申報有咩咁需要重視。
所以觀眾成日叫申報,我寧願留白唔講,都唔想被迫假申報自費呃觀眾,各有各做法吧!
加入Janice Kids 會員: / @hklivestream
會員福利可收看影片: • Members-only videos
* 請我飲茶啦🥹:
► Payme : payme.hsbc/david8
► PayMe / 支付寶HK / 轉數快:6848 8874
**********************************************
超平網店~支持一下🥹:
生活百貨: CrazyBuy2.com
**********************************************
**********************************************
合作 / 聯絡 :
► Gmail : CrazyBuy2HK@gmail.com
► Whatsapp : 9290 1290(wa.me/85292901290)
► WeChat:13249846213
**********************************************
* 請我飲茶啦:
► Payme : payme.hsbc/david8
► PayMe / 支付寶HK / 轉數快:6848 8874