#米紙
Рет қаралды 75,097
Жыл бұрын每當說起保險代理這個工種，不少人都會用較負面詞語去形容，例如：專門呃人錢；為開單無所不用其極，甚至開床單；更有人說做親保險斷六親，但這個行業實際上是不是這樣呢？
今集《就業姐》我們一於為大家解開這個迷思，由就業姐Sybil實試做保險代理，由零開始學習有關做保險代理的知識。這次更請了保險代理嘉健做Sybil的師傅，解答有關做保險的各個問題，而外界對保險行業的各樣看法他也毫不保留一一回應，中間嘉健更大爆自己曾經月入只有$0，一度想離開這個行業。
最後終極測試更請了Ruby飾演一位處處刁難的客人，Sybil要嘗試用盡方法跟Ruby傾保單以及支援她的需要，途中Sybil更緊張得語無倫次，令Ruby哭笑不得。
想知道保險代理這個行業實際是怎樣？Sybil這次跟Ruby傾保單表現又如何？就要留意《米紙》KZfaq Channel啦！
＿＿＿
《米紙》只是還想說故事
KZfaq : bit.ly/3rjGikU
Facebook : bit.ly/3kuGH2T
Instagram : bit.ly/36Gb6TC
#保險 #保險代理 #做保險 #實試 #就業姐 #打工 #保單 #保費 #保額 #米紙 #ricezi #ricezi2
@westhowaishun Жыл бұрын
又係保誠😂長期客戶喎，但賣廣告做膳稿可唔可以老實啲寫清楚？
@Noname-nu4nv Жыл бұрын
明知網民咁憎保險呢行都夠膽做，睇黎筆廣告費真係好可觀。
@kekekiii6838 Жыл бұрын
睇完都係好反感 比起點樣扮友善扮frd R客仔 想睇從業員日常點幫客仔claim保險
@Youtubeoff381 Жыл бұрын
保險本身呢樣產品係冇問題嘅，不過保險狗邊有好人！
@justkidding909 Жыл бұрын
當有個好耐無搵既舊同學無啦啦搵你，再話自己做保險，你就知咩事😂
@stepheny6998 Жыл бұрын
所以難怪越嚟越多人網上投保 因為信唔過既唔係保險 而係信唔過啲保險佬
@jameskarr334 8 ай бұрын
或者係：個中同 同你同班本身唔熟，無啦啦畢業幾年後Facebook inbox你問近況，都知咩事😂
@kwunfung1029 Жыл бұрын
一路都好欣賞米紙既片，點知都係淪落做保險狗既工具，可惜可惜
@sappbling Жыл бұрын
問既問得差，一開波就問床單。 成個content好差，帶落去魚檔去得太盡，雖然可以講到好有心去關客戶咁。 其實保險行業好大，如果係收得廣告錢，不如講埋內部運作。 呢條如果係廣告篇，就收得皮，特別係講床單個part,洗唔到底之如重令人有誤解。 如果只係睇sybil既演技，我覺得ok 既😂
@maggiewong125 Жыл бұрын
唔洗洗白呢行啦，好多人都知咩事，所有敏感問題唔敢問😂
@ioooooooooooooi Жыл бұрын
Turn out 結果 保險佬都係先向 熟人埋手
@victorchan6338 Жыл бұрын
單係儲蓄保,事前公司估計息口一定高於投保之後,無可能唔懷疑有騙成份.
@mrgarychan Жыл бұрын
儲蓄保險呢樣嘢，蠢人先至會落搭
@user-ku4eh7ko3d Жыл бұрын
之前睇你地搵食片, 就係見你地唔收錢自已真金白銀寫食評,所以撐你地。 而家, 睇你地呢段咁嘅片, 賣廣告賣得仲衰過 CCTBB 啲植入式, 我唔想用「食相難看」四粒字, 但真係退粉好了。
@lauragrt Жыл бұрын
同意！中間插小小廣告，如果做得有心思都可以接受，無奈通篇都係招聘廣告➕推銷保險….sigh
@breadk8530 Жыл бұрын
食相難睇邊夠mm
@Henry-zj8yw Жыл бұрын
睇左米紙咁耐，呢條係最冇趣最反感嘅片😅😅😅
@manhow7339 Жыл бұрын
Thanks
@kimmichau7643 Жыл бұрын
保險基金本身就唔係呃人，呃人嘅係保險銷售員，佢哋會為咗一啲高佣金嘅保險基金計劃而推銷給客人。 尤其是做基金的那些基金銷售人員，基本上沒有任何金融學識背景，保險公司連中五畢業都請 ，只要他們能夠幫公司sell 單, 沒有大學畢業也沒有問題. 他們不會為你制定那些基金選項適合顧客，他們只會推銷高傭金的計劃給顧客，但這些保險計劃末必適合那些客人的。
@szeshunchit Жыл бұрын
MPF 賺蝕都要比保險抽固定保險已經好無奈，有閒錢去買基金保都係貪心，要投資唔好自己上網直接買股票，要穩震去銀行做定期或者買債卷，其實點解仲要比保險賺
@SunLittlestar-cs8ue 9 ай бұрын
本人10多年前就被親戚所害,她避重就輕氹我買左份年供2萬多的基金+女儿教育基金每年8千,份保書寄來重新看一次之後原來被熟人坑了,第2年就 断供沒再供了,之後沒有親戚做了,以及n年之後才知道原來有考慮期90天,但我幫襯這親戚时,她從來一字都沒提過有90天考慮期....😡😡 據所知,這親戚还叫她媽七十多歲一大筆買基金....這人不知所謂,为了錢不擇手段老人家的官財本都唔放过,人在做,天在看,這騙子一定有報应👹👹👹 P.s她媽已90歲了,仍掛住份基金,一日未攞翻份基金都不肯死(是她由年輕打工儲下來的官財本),一日唔死都掛住~~死都唔眼閉
@homan0929 Жыл бұрын
保險中介，都係高危行業 …. 因為遲啲可以用 AI 做 financial plan 時，點解个要請咁多 agency, 個個簽單出糧分十幾甚至近四十隻出去呢？ 當價格戰一開始 …. 依個勢就停唔到的了。
@keithwong3987 Жыл бұрын
估唔到連床單同六親不認都夠膽問😂😂
@80sretrocartoonbyvc56 Жыл бұрын
做保險....咪害人呀，大佬~
@joeyfatchung Жыл бұрын
一直有支持你地 唔知呢條片係咪廣告 其實係咪廣告都會支持 我自己都係做保險Agent 所以晏晝見到FB話會就業姐講做保險 已經好期待 依家睇完 想比返少少意見 呢條片拍出黎令人睇到好尷尬 首先 係個魚檔頂傾保險果度太做作 我當然明白唔同客人會去唔同地方 但我寧願見到最正常嘅starbucks 麥當勞或者貴少少嘅cafe 起碼真實啲 另外 講床單 呃人 斷6親呢啲 一係就唔好提 要講就講深入啲 依家Sybil提出完 個agent就輕輕帶過 話自己無遇過 自己唔係呢啲人 唔識呢啲 真係廢到無朋友 依家條片 睇完或者會令人對保險業更加有誤會
@joe3223 Жыл бұрын
保險佬SELL人買基金單，分分鐘自己都唔識理財，洗腦式講座，其實保險係賣空氣賣危機感，自己買S＆P指數ETF回報肯定高過買基金保單，只有純保險沒有任何投資相連成份係可以買
@Mesdddddd Жыл бұрын
保險狗食屎啦 專登搞到難買難claim, 跟住又係到扮好人 拿晒人地啲血汗錢，一個唔好彩話輸錢追都冇得追
@andrewhung8774 Жыл бұрын
咁你屋企人有冇幫你買？
@andrewhung8774 Жыл бұрын
如果有你嗌佢哋cut單
@felixcheung8108 Жыл бұрын
又推薦人做保險佬 做呢行無朋友
@kongkinglo Жыл бұрын
人地邊有推薦 睇完堆字都冇推薦 試下睇完條片先講？
@jengj8912 Жыл бұрын
賣廣告姐😂
@patrickwong8342 Жыл бұрын
睇完呢條片，真係無言，雖然一開始已標明廣告片，但始終保險係票房毒藥，只會事倍功半。而且，條片方向令人疑惑，當廣告片，只係覺得行內人隱惡揚善，見晒樣有埋公司logo，甚麼牀單斷六親問題只會避重就輕，相信你們都預計到，結果內容同平時電視嘅行銷節目參唔多 ; 當實測片，同平時其他就業姐片比較，又好似篇幅太少，資訊不多。 下次你們拍保險片可考虑另一形式，或者做米問你答，加一些實際工作情況和個案拍攝片段，令內容更加充實，唔會好似今次咁唔湯唔水。希望嚟緊繼續努力，因為一不小心，以前嘅努力可以一Q清袋 !
@calvinleung3821 Жыл бұрын
保險其中最大弊出，孤兒單，假如客人2000買 相安無事 到2025年話想claim 當年agent已移民/死/轉行/etc ..........你走去搵條fresh grad 21歲 攞住你個file 話會盡力盡心盡身 去幫你claim到..............條新人接你個case唔夠31日............
@leevictor5409 Жыл бұрын
坦白呢集好麻麻，講唔出點解，無乜資訊
@liberalstudiesmaterials899 Жыл бұрын
請問若考保險牌後, 離職後三年無人請, 要重考那府多張卷的牌試. 又難轉行. 請問如何處理?
@jjyu239 Жыл бұрын
廣告 ？ 好悶
@wyhlf2 Жыл бұрын
最怕無啦啦有個唔熟既朋友無啦啦約你食飯
@Chukenco Жыл бұрын
唔係傳銷、保險、就係借錢😂
@mature8863 Жыл бұрын
呃人既各國政府強制購買特定保險規例。嗯.....我第一時間諗到既係強積金MPF。
@cheungyingtsoi6870 Жыл бұрын
绅士无非耐心的狼
@nooB-di5so Жыл бұрын
個like 主要係俾sybil 嘅OL造型🤣🤣🤣
@rickykk03 Жыл бұрын
睇咗好多人嘅留言都覺得條片係廣告，其實有廣告係好事（雖然你哋冇講係咪）但建議下次如果係廣告的話最好註明，今次有D人話對你哋好失望，我覺得要接受吓人哋嘅意見，睇吓下次點可以做好D，真心想你哋好，因為依家可以睇嘅傳媒已經買少見少！
@tszchungli9518 Жыл бұрын
買保險其實間間都差唔多，最重要其實都係個從業員幫唔幫到手可唔可靠...
@waileung2589 Жыл бұрын
公司唔會呃人,產品唔會呃人,只有人先會呃人 保單其實係一份合約,當然係合約有寫就賠,無寫就無得賠,完 利申：我唔係做保險
@brokegagfountain Жыл бұрын
營運公司嘅係人，設計產品嘅都係人。產品同公司，都可以係用嚟呃人嘅工具。
@zzzaaa575 Жыл бұрын
簡單d 講，保險唔係呃人，呃人既只係人
@changallen1353 Жыл бұрын
幫保險賣曬廣告, 真係unfollow得
@MrFrancoGod Жыл бұрын
唔賣廣告唔通等你養呀？！
@changallen1353 Жыл бұрын
@@MrFrancoGod 咁咪繼續賣呢啲廣告囉, 最好幫埋倫敦金, 傳銷拍廣告🤣知唔知阿?
@MrFrancoGod Жыл бұрын
@@changallen1353 倫敦金，傳銷會揾人賣廣告咩？為拗而拗！記得unfollow呀！
@szeshunchit Жыл бұрын
幫埋地產賣廣告，吹奏呼吸paln
@changallen1353 Жыл бұрын
@@MrFrancoGod 係咪未開到單好嬲阿? 保險🐶
@WingSliverHo Жыл бұрын
林作會唔會出嚟抽水呢
@losemyself0 Жыл бұрын
想幫保險洗白?
@c08lam Жыл бұрын
對腳好正
@stepheny6998 Жыл бұрын
想斷六親咪入去做保險囉 之前有個識左好多年既好朋友入去做 有日約我出黎食飯 出黎之前已經同佢講好唔想講保險 點知出到黎係咁sell我儲蓄保險又基金 我唔幫佢買 之後就冇再搵過我了 仲有呢行好搞笑 成日講正能量又講自己搵幾錢 又唔見醫生律師果啲成日講自己搵幾錢
@kinwailee2958 10 ай бұрын
冇錯👍 個人經歷 我個時都未夠20就接觸呢行約19左右 最初本來打算入行 點知越覺得唔對路 完全唔知sell咩 成日聽個傻佬即係保險經紀講自己好勁搵幾多錢揸保時捷 每次開會戴隻金錶係度哂嘢 佢都算有職位總監 做咗20年 而家諗返都幾好笑 大把富商例如李嘉誠都懶得曬命 首富帶一隻普通錶 其實個類人自卑心好重 驚死無人識佢好鍾意係度刷存在感 而呢類人最適合做經紀 起初自卑 之後變自大 仲要係無知個種
@ansonlau38 Жыл бұрын
俾咗幾多錢賣廣告？
@calvinleung3821 Жыл бұрын
5:12 教識人地個女游水 跟手食埋 食住條魚檔東主人脈水 前後左右 去到成個該街市 都跟佢買，爭係個街市裡面班檔主跟買 條仔都年薪近百萬 8成檔主月入6位數.............#damn
@pandazho Жыл бұрын
YT本身做緊趕客行動 ，再係咁 我都過檔另一個影片平台睇片
@sunday973 Жыл бұрын
小弟系受害者 保險狗 真系冇人性 吾系我串 好撚老實 比人問得床單 你出邊搵到邊份工要同人上床 重話做保險 收皮啦 呢份工根本就吾系咩職業 冇技術可言 令黎洗黑錢 避稅就差不多
@szeshunchit Жыл бұрын
地產應該都有床單
@clarklight2918 Жыл бұрын
最好令到人對香港保險業改觀係教育消費者,令大眾知道自己買緊乜保d乜,作用係乜,當佢地好清楚,有需要既時侯會自己去揾黎買唔洗 sell,清晰直接,保額幾多,cover 乜 situation, 交幾多, claim 到幾多次,講到底 保險公司都係同你對賭,賭你健康唔會 claim, 最終都係要自己有好既分析力知佢sell緊乜
@gn03362306 Жыл бұрын
喂 做咩唔sale人儲蓄保😂😂😂 是咪驚比人屌😂
@saikeiwu4715 Жыл бұрын
最虛偽行業😂
@andrewhung8774 Жыл бұрын
好過紀律部隊
@kekekiii6838 Жыл бұрын
@@andrewhung8774 虛偽嚟講 我又唔係咁睇 1） 睇客眼色調整心態 熱心R客 令佢覺得你可靠frd ly vs 搶嘢偷嘢網絡騙案 走去報案 佢老實同你講 係就係犯法 不過金額少 都捉唔到人嫁啦 etc. 真誠地hea住服務你 2）當你出咗事要睇醫生 佢：你唔洗自己周圍搵醫生啦 我幫你搵就近最好嘅醫生 佢好熟呢類病/傷嫁 （其實公司網絡醫生 幫公司慳錢 用藥/服務費cap頂etc) vs 你想去公墓拜無主孤魂 佢哋拉隊上山 重兵查id : 你上嚟做咩 心照啦 聽講有啲手joke bla bla bla wo（真誠熱心 有毅力去打壓無力反抗嘅反對聲音）
@samsam2339 Жыл бұрын
幫到你claim錢，唔知你又會唔會多謝你個Agent朋友呢😂
@sunday973 Жыл бұрын
@@samsam2339皮啦 有比保費大佬 claim 錢系天公地道 吾系你地班食屎狗 點會同d私家醫生一齊 混錢 問心 住院 手術 條數 開到咁撚大 認真咪又系想開多d數 保險狗就系狗 所以保險狗同黑警冇分別
@samsam2339 Жыл бұрын
@@sunday973 😂
@heidiheidi520 Жыл бұрын
呢個系列真係好正 幫到好多想入行轉行既人可以了解一下果行係點 如果可以深入一啲講下平日做啲咩就更正
@JayneLui Жыл бұрын
終於聽到講保險"代理"，好多人，包括傳媒，記者，個個清一色話"經紀"，佢地唔識分咩係代理，咩係經紀
@garyho9052 Жыл бұрын
啱啊 明明經紀係叫Broker，代理先係班Agent🤣
@js0338 Жыл бұрын
本人移民前喺保險業工作七年，保險是否呃人，可以話保險唔會呃人，呃人是從業員為求自己利益, 操守問題和誤導客人, 七年裏看到大半都是，唔夠單、唔夠數、就自己打單或誇大個利益去欺騙客人，是有這些從業員的，還有些是他們已經得到本身客人信任，就不停玩個客人個戶口，叫個客取消張單重新再買，過幾年又取消張單重新再買，因為傭金，行為極之無良心，所以要投保千萬不要懶惰，要自己睇清楚條款，需要小心選擇從業員。
@stepheny6998 Жыл бұрын
所以我買保險只會網上投保 唔洗煩 試過識左十年朋友一黎就sell儲蓄保險基金 唔幫佢買就唔再搵我 你話幾好朋友
@calvinleung3821 Жыл бұрын
7:48 已經矛盾啦 簡單啲 (全部保險)假如 你表哥a公司 堂表姐b公司 親哥c公司 你仲點sell親戚啊.......
@freedomrg531 11 ай бұрын
保險界來講精英都有，爛仔一樣肯定有，呢行形形色色，不過近年有傳保險公司為左提高從業員質素，特別要求從業員的學歷，當然有一些情況會豁免。 呢行好簡單，好多靚仔靚妹入行，你就知道咩回事，但係流失率好高，你都知道咩回事。 做到好勁好有錢的大有人在，一年簽5到一張半張的更多。 六親不認倒不至於，那只是十幾年前的刻板印象，而家d保險從業員不至於話逼到你非買不可。你5買就5會繼續傾。只是現在的從業員很多都很low, 大多數文化學歷不高，經常在社交平臺post自己很認真工作的樣子或者很專業的品味，或者每天轉發跟保險有関的post，大多數給外界的印象真的很low. 香港團隊cold call 比較多，中國團隊就以内地客戶爲準，根本兩個標準，前者要好認真落力去穩客，後者就飛國内同d有錢佬傾分紅保單。 ........
@lth.0101 Жыл бұрын
點解唔講吓有投資成份嘅保險呀？ 保險公司唔係最叻幫你儲錢咩？😂
@user-pd1vx8kb4o Жыл бұрын
呢條片只係簡單講述保單銷售過程，更深入的是推銷投連壽險保單是要為客人進行財務需要分析及風險承受能力評估，之後保險公司還要為客人進行保單售後電話跟進，以確保客人知道保單內容，情況及風險。保險經紀一定要持有paper 5 投連壽險牌照才可以銷售基金類別保單，小弟paper 1 3 5牌照都齊，不過唔係保險經紀
@Csp744 Жыл бұрын
床單case係有架，我有前同事輸左張單比人因為對家阿姨級對手簽床單張單1萬com。有個roadshow 識既男經紀佢話佢所有單係床單陪肥婆. 而搵唔搵到錢好講運,見過畢業生入行三個月賺到一百萬. 都有經紀拎豬肉獎大大聲聲吹自己好惦. 依家人唔知死左去邊,大把經紀做幾年搵唔到錢剛好某一年中大單補返之前,但之後一年都係跌落谷底冇單交
@rickychm53 Жыл бұрын
點為大單
@Csp744 Жыл бұрын
@@rickychm53 其實唔算特別大,大概50萬com啦，但前幾年冇數到要做炒散地盤餐廳. 見唔少約佢唔出街因為冇錢,p數MDRT都可以人工差過做餐廳侍應
@ccwill4275 Жыл бұрын
新聞都有啦
@cassidylenochan4847 Жыл бұрын
阿姨級仲可以簽到床單咁癲😂，但得1萬佣咁少？
@calvinleung3821 Жыл бұрын
嗯...........同地產代理查差唔多，你唔預番1年洗費 交通 食 衣服 備用 其他 約17萬至19萬現金，你唔好膽粗粗走去做呢2行
@SHARK224 3 ай бұрын
做了十年保險, 是有下線, 做得沒咁辛苦.否則你真是做得好辛苦, 甚至在保險業消失, 保險騙人, 是正確, 是合理地騙人, 因為在商言商, 保險公司一旦賠償好大保費, 保費一定會加價, 另外保險銷售, 沒講清楚被客知, 客亦沒詳細了解保單, 所以亦被人話保險騙人和保險狗.
@user-jd8rc5bk4c Жыл бұрын
我個親戚幫佢買保險年年都黎仲送日曆，無同佢買就無影，我老闆同我一樣情況，咁唔算單一事件。
@markchan8571 Жыл бұрын
B最似做保險look😂
@pingukit Жыл бұрын
直覺同主觀感覺 愈講得深奧 愈有文有路 感覺就愈似呃人
@80sretrocartoonbyvc56 Жыл бұрын
真係 冇哂 D 朋友，連 親朋家人也......唉 ！
@Lovefufuland Ай бұрын
買咗保險係用咩方法比錢的？係咪每年/月由銀行過數？😅
@kwunchiuful Жыл бұрын
呢度有好多保險pr維穩 米紙不如認真諗諗觀眾係咪想要呢啲
@kwong20 Жыл бұрын
👍
@ccsuper3294 Жыл бұрын
人在做，天在看……
@mrgarychan Жыл бұрын
不如老老實實講試做老千
@Dfffffff999 Жыл бұрын
真係好撚失望..再係咁真係唔支持你地啦😓 有小小社會經驗既人都知呢個職業係咩料，你地米紙重要幫呢個職業洗白….食相真係好難睇 良心去左邊？
@chingyeungsi.891 5 ай бұрын
9成人做唔到保險，因為前期收入比較低很多人捱唔注而口碑係要時間累積返來，很多要交稅的人都係必需要買保險用來退稅 ，沒買的人浪費免稅額用來保障自己，用來買最基本人壽保險係有需要而唔係想要，如果想開發市場我係公司計劃已經想到方案市場係未有人做到
@Cyrus.At.YouTube.0609 3 ай бұрын
應該要訪問返係依行轉咗行嘅人去問保險依行
@chingyeungsi.891 5 ай бұрын
保險係唔會做床單但很大張投資理財張單，1張單有可觀性收入，係情理上有客戶有特別要求唔出奇，而有沒人接受我就唔知
@waiyinchu5070 Жыл бұрын
SadeBaill 住粉嶺？
@szeshunchit Жыл бұрын
幫保險漂白，窮人手停口停，食都無得食仲要拿去買未來既野（保險），有事只能去公院，政府限制要人買保險多數係因為想將出事之後責任轉架比保險，令到自己唔使承擔咁多
@user-jp4lt8bt5t Жыл бұрын
政府強制推行要人買保險就係要將出事之後所有醫藥費，所有生活費，所有照顧出事者費用和責任，所有交通費，所有雜費，所有清潔費，所有管理費，所有安裝費，所有修理費，所有保養費，所有税款...全部轉架比保險承擔令到政府自己唔使承擔任何費用和責任，正如政府強制推行強積金就係要將工人退休之後所有醫藥費，所有生活費，所有照顧退休工人費用，所有交通費，所有雜費，所有清潔費，所有管理費，所有安裝費，所有修理費，所有保養費，所有税款...，將全部轉架比所有公司所有老板和員工承擔令到政府自己唔使承擔任何費用和責任
@tojihk Жыл бұрын
非投資性既保險冇問題, 有投資性保險裡面既手續費貴到PK, 手續費佔個%永遠高於利潤!!!
@szeshunchit Жыл бұрын
強制既Mpf 仲唔夠咩，仲要另外再比錢去買投資保險😂
@waiyinchu5070 Жыл бұрын
Sybill住粉嶺？
@Cu3000hk Жыл бұрын
呢啲保險agent 只會賣投資相連基金賣儲蓄型''所謂嘅保險'' 就肯定推銷供款30年, 盡量做大總供款, 盡量收多啲傭金, 先收未來傭金 , 但係其實呢啲垃圾保單, 保障少 費用高傭金高 冇靈活性 退保損失巨大, 買咗仲慘過供樓, 退保唔見一半, 真係冇良心, 要買保險上網買 自願醫保 , 純 危疾人壽, 費用都只係10分之一, 盡量唔好，再俾人呃
@nsshing Жыл бұрын
儲畜保唔講？ 買醫保果類我買 Cigna BowTie 仲好啦
@rickychm53 Жыл бұрын
儲蓄保有什麼問題🙏🏻唔識
@tsuitsui100 Жыл бұрын
米紙又吹奏保業佬，已變質
@user-qc1mn5zn5p 9 ай бұрын
大大部份嘅從業員⋯⋯同客人関係只會越耐越疏遠。😂
@diloluenwong Жыл бұрын
一個保險agent 一個買樓agent 我就真係未見過唔係為佣 呃呃氹氹的
@ttsmiling Жыл бұрын
呢行如果搵到食，就唔洗轉第二行搵食啦，傻嘅咩？因人而異，除非你同個 seller 好熟好傾得㗎啫⋯😂😂
@user-eh8ez2uw1n 5 ай бұрын
香港人真係好膚淺（我係土生土長香港人），車保唔洗買，問銀行借mortgage火險唔洗買，會展啲參展商商業保險唔洗買，老闆請員工勞保都唔洗買架，shipping公司唔洗幫啲貨買航運保險架，保險冇用？保險呃人？反都反得俾少少sense好嗎？😂
@Xoxoxox287 8 ай бұрын
睇黎香港人真係好憎保險
@user-eh8ez2uw1n 5 ай бұрын
好多好膚淺嘅人，shake my head😂
@ccwill4275 Жыл бұрын
答床單個答案咪知條友都係遊花園保險佬囉, 新聞都有啦吓話!? 「保險呃人」就好空泛嘅, 其中最仆街係講拒絕賠償(特別係醫療保險), 又係GOOGLE新聞都大把。 又唔好遊花園話咩, 「各國政府支持保險」咁空泛嘅概論。 接呢D垃圾洗白廣告, 好過做床單嘅。
@andrewhung8774 Жыл бұрын
咁會唔會係你個Agent有問題呢？
@ccwill4275 Жыл бұрын
@@andrewhung8774 繼續扮好人啦保險狗, 總有傻仔中你計嘅
@andrewhung8774 Жыл бұрын
@@ccwill4275 你如果有份全職記得嗌你老細cut左份勞保
@andrewhung8774 Жыл бұрын
@@ccwill4275 你問下你屋企人有冇幫你買保險，如果有記得cut單
@andrewhung8774 Жыл бұрын
真心嘅你肯定係死窮撚黎
@wschou711 Жыл бұрын
B好正,sybil長腿🤤
@jimfee42 Жыл бұрын
保險100% 騙局。公司D錢從邊到來？ 你D保費。如果我同你講 你每月比D錢我。D錢唔再係你。到你死先陪比其他人。你越長命就陪得越少。如果你用保險做投資 你贏一蚊 比 30% 我。你輸就全部係你。醫療保險。冇病時可以買倒。當有病時買唔倒。
@szeshunchit Жыл бұрын
如果唔係保險啲人食咩，邊養到咁大班人，政府MPF 果度已經益左好多人，賺蝕都有佣收，辛苦既係基層，食都無得食仲要比佢地賺佣
@KLau-gc7lc Жыл бұрын
笑左，可唔可搵SYBIL買完保險跟手打咭啊？
@rchan8721 Жыл бұрын
睇完。 所以。。。。米紙女神ruby真係要結婚啦？😏😏😏
@user-jj3rp3tj4t Жыл бұрын
車保旅遊保大廈保一定買！都唔望賠啦！
@raywong7081 10 ай бұрын
👍👍
@ccsuper3294 Жыл бұрын
真係去到 山窮水盡……才……
@druidchow5381 Жыл бұрын
植入式廣告，保險搶人柴~
@ttsmiling Жыл бұрын
搞到有少少想 unsubscribe
@Mid-June Жыл бұрын
嗱，呢條片係俾大家認識多一樣嘢姐 我相信無乜人睇完條片，會對呢個職業改觀，信嘅繼續信，唔信嘅繼續唔信 當睇吓 Sybil 表演囉，Sybil 咁靚咁好睇，唔好咁大反應 利申，俾保險蚊型字條款呃過囉，係個 sales 操守問題卦~
@kkt888 Жыл бұрын
Nice ad this. 😅
@kaxkexs2776 Жыл бұрын
又係到賣廣告。賣到出曬面
@sexychris426 Жыл бұрын
Sybil so cute 😊
@AH-kp1qh Жыл бұрын
Side Bill😅
@casenwong Жыл бұрын
竟然賺呢種錢
@chichiwong3328 Жыл бұрын
👍💪
@chandrarepresentitive Жыл бұрын
Unsubscribe
@pongchiu1011 Жыл бұрын
成條片我淨係對魚檔上面個平台仔感興趣....同埋唔好講到咁偉大啦...邊個返工唔係為搵錢
@royling3219 Жыл бұрын
Siu4😂 Sybil好慘我反而想睇戰狼sell保險🫵🏻
@user-ek4wm6nf8r Ай бұрын
Jun 02: 其實拍呢類片都幾惨（無論係咪廣告都好），因大衆對保險形象唔係咁好，所以評語比較差，樓上師兄/師兄姐講得啱，改用米問你答方式比較合適啲！另外我認為賣廣告係冇問題㗎，你們要知道米紙公司要繼續經營，係需要資金運作，米紙係一間小型公司，冇M M有大水喉射住，三個主持加三四個導演和剪片，七個員工每人20,000月薪都140,000一個月，再加上鋪租和外景費用（去外國拍攝），成本非常重，加上觀眾係免費睇，經營一間公司係唔簡單嘅……
@TimothyYNWA Жыл бұрын
🤣Sybil 照舊好搞笑喎，同意一開波B果張最似，Ruby 做街坊時好興奮，因為可以拎Sybil比人睇🤣 btw 行行出狀元係真，對邊一行既人都係好靠自己既判斷力就真，米紙加油～
МИЛАНА ТУТ 👀
Рет қаралды 6 МЛН
DixyFilms - Фильмы и сериалы
Рет қаралды 5 МЛН